الموضوع: نداء الى مسئولى مصلحة الكهرباء من بواب

المشاركة الأصلية كتبت بواسطة elhelwany188

السلام عليكم ورحمة الله وبركاته ...
نقلا على لسان البواب اللى فى العمارة عندنا ....
بيقولكم يا مسئولى مصلحة الكهرباء عايزين تفصلوا الكهرباء افصلوها بس اقولونا هتفصلوها عن منطقتنا الساعة كام علشان اقفل الاسانسير ومحدش يطلع فيه ويتحشر فيه ....
انتهى الندااء ....
البواب اللى عندنا كل ما يقطع النور يلاقى حد محبوس فى الاسانسير يروح طالع الدور اللى هو مزنوق فيه ويفتح الباب بتاع الدور اللى فوقيه ثم يطلع السطح يشد الاسانسير للدور اللى فيه الباب المفتوح ثم ينزل للدور الارضى لحد ما نفسه اتقطع وده كان مرة واحدة كل يوم الفترة اللى فاتت وراجل مكنش بيتكلم بس دلوقتى بقى تقطع الكهرباءاكثر من مرة الراجل خلاص مش قرب يسيب العمارة ده قرب يسيب المهنة ....

فمش عارف البواب اوحالى بفكرة كده او حل مؤقت ...
إيه المشكلة لما بتوع مسئولى الكهرباء ينظموا عملية القطع دي بحيث كل منطقة تعرف النور هيقطع عندها من الساعة كام للساعة كام علشان كل واحد ياخد احتياطياته :
*يشيل فيش الاجهزة الكهربائية
*لو رايح زيارة لحد يعمل حسابه يايروح قبل القطع بفترة كافية يابعد القطع
*العيال تخلص مذاكرتها قبل القطع يابعده
*الناس الكبيرة فى السن اللى مبتقدرش تتطلع السلم تعمل حسابها علشان الاسانسير

فكرة هايلة و انا اؤيدها بشدة بس المشكلة ان ده عمره ما هايحصل لسبب بسيط ان لو اتعمل جدول هيكشف ان فى مناطق بتتقطع عنها الكهربا اكتر من مناطق تانية فصعب ان ده يحصل

المشاركة الأصلية كتبت بواسطة cameeron

فكرة هايلة و انا اؤيدها بشدة بس المشكلة ان ده عمره ما هايحصل لسبب بسيط ان لو اتعمل جدول هيكشف ان فى مناطق بتتقطع عنها الكهربا اكتر من مناطق تانية فصعب ان ده يحصل

السلام عليكم ورحمة الله وبركاته ...

اولا : بشكر حضرتك على تفاعلك معايا علشان ده بداية حل للمشكلة ((((التفاعل)))) ...

ثانيا : انا طرحت الحل ده علشان صعب عليا الناس الكبيرة اللى بتظطر تقعد ساعة كاملة امام باب العمارة لحد ما النور ييجى علشان مش قادرة تتطلع السلم وطبعا فى ناس عندها سكر وعايز تدخل حمام ...
ايه الحل ياريت مصلحة الكهرباء تشوف حل للمشكلة دى قبل الصيف بإذن الله ...
وانا مش بقترح حل صعب ده جدول هيتعمل طالما انت كده كده هتقطع ...
هيقولوا ان المصلحة مش عارفة تحل مشكلة الغاز هقول تمام ربنا يكون فى عون المسئولين بس نعمل حل مؤقت بالاضافة الى بحث عن حل دائم لمشكلة الطاقة لمحطات الكهرباء ...

انا لسه النهارده فافكر في نفس المشكلة و ده نداء من كل بوابين مصر. انا كل يوم باخاف و انا راكبه الاسانسير و المشكلة انه بيتقطع بغباء بعد ما كان مرة واحدة . اقتراح حضرتك مهم فعلا و ضروري و انا طرحته في مشاركة في موضوع مشابه و قلت لازم خريطة لانقطاع الكهرباء عشان نعمل حسابنا و اقترحت توفير الكهرباء يكون اولا من الرقابة علي سرقة الكهرباء من الشارع من الاكشاك و القهاوي المخالفة و اجبار المحلات و المولات و اي نشاط مشابه علي استعمال اللمبة الموفرة و تقليل الاضاءة. و طبعا الزينة المستخدم فيها الانوار اللي بتنتشر في رمضان نمنعها تماما.و ربنا يتوب علينا من حياة الفقر دي اللي هما معيشنا فيها و لسة كمان ياما هنشوف