الموضوع: تقسيط بيجو 301 .. هام جداً

السلام عليكم
انا عارف عاملكم قلق في القسم
بس معلش استحملوني شوية:)

دلوقتي انا جالي النهارده موافقة من شركة رواج بتمويل بقية مبلغ العربية
قالي ممثل الشركة من ضمن الاجراءات توكيل اعمله لصالح شركة رواج في الشهر العقاري

دي صورة من التوكيل

السؤال هنا بموجب التوكيل يقدروا بيبعوا العربية ويديروها عن طريق ايجار او غير ذلك
لو كان هما عاوزين يضمنوا حقهم طيب فين ضمان حقي هنا؟ يعني بموجب التوكيل ده هما متحكمين تماماً في العربية وفي إدارتها اضمن منين عدم استغلالهم للتوكيل ده؟
مامكن بموجب التوكيل وانا ملتزم بالاقسام يبيعوا العربية لشخص اخر او يتم تاجيرها وهما مش محددين الحالة بمعني ان الصيغة المفروض تكون بالبيع للنفس او الغير في حالة تاخر السداد مثلاً لكن تكون عامة جداً (هنا لايوجد نص خاص يقيد العام) حاجه تقلق
الواحد حاسس انه تحت رحمتهم ومش مالكهم زي ماهما مالكين الواحد

الموضوع محير بصراحة ومتردد هل اتوكل علي الله واتمم الاجراءات ولا اعمل ايه؟
هل الناس دول ثقة لان ده تعامل مع شركة وليس بنك فسمعتها ايه؟
هل فيه ناس اتعاملت معاهم؟
ياريت من لديه خبرة بالموضوع ده يفيدني وفي اسرع وقت

المشاركة الأصلية كتبت بواسطة amrelsaqqa

حرام تكون دافع مقدم كبير وتعمل في نفسك كدة مع اي شركة من الشركات وخصوصا لو اسم مش معروف زي اللى بتقول عليه
كدة فعلا العربية بتاعتهم يعملوا فيها اللى هم عاوزينه

انت تكتب على نفسك ايصالات امانة اهون بكتير من كدة

مع احترامى ليك يا استاذ عمر
وليه ايصالات امانة وتتعب نفسك وتحمل نفسك ديون او قسط بفايدة عالية
الواحد لبس الموضوع وياريته ما عمله من الاول ,, ديون كل شهر رغم انى دافع 50%
وبحسبة بسيطة كانى دافع 25% واكتر لان الفايدة مركبة .
وحضرتك يستحسن تبقى تبع بنك وممكن تاخد قرض بضمان الوديعة اهو اهون شوية فى الفايدة او بضمان تحويل المرتب الا اذا كنت خارج القاهرة او فى مشكلة فى الاى سكور ساعتها للاسف انت مجبر على الشركات دى وفى حاجة مهمة احب اوضحاهالك اعتقد ان ده زى نظام سيتى بنك فانك بتديله نسخة من المفتاح لما كان فى قروض سيارات ولو انت اتاخرت عليه بياخد العربية من تحت البيت وده كلام ناس من كوليكشن سيتى بنك ومفيش شركة عايزة تبنى لنفسها اسمها ممكن تستخدم التوكيل ده فى اسلوب مشبوه .
انا عارف ان الاراء مختلفة بس بنحاول نساعدك ان شاء الله