موضوع لتنشيط القسم

**abokoko** · 02-04-2014 12:46 AM

زى العنوان ما هو مكتوب
+
ممكن اطلع بحل للمشكله

العربيه وكالعاده بتحب تتظبط كل شويه
مش عاجبنى صوت الموتور
وبتبطل منى احيانا ومش دايما عند التهدئه
واحيانا بترج او تهتز جامد عند الطلعه

انا غيرت البوجيهات
مره ببوجيهات كانت عندى
واخيرا ببوجيهات جديده 3 شمعه

الابلاتين والكوندنسر مغيرهم من فتره قصيره اسبوعين تقريبا

عندى موبينه الكترونى

من بعد تغيير الكوندنسر والابلاتين ( عند الميكانيكى )
لقيت العربيه عاليه
ووطيتها بنفسي من بك البنزين السلانسيه

واليوم لقيتها بتبطل فعليت البنزين من نفس البك

!!!!
؟؟؟

**velkouf** · 02-04-2014 01:45 PM

ياريت ننشط القسم شوية
وان شاء الله هعمل تقرير مصور عن الحل النهائى لصوت الكاتينة الجنزير

ياريت مشاركة الاعضاء بالافكار المميزة

**ahmscu** · 03-04-2014 01:56 AM

هو مبدئيا كده موبينه الكترونى مع ابلاتين وكوندنسر فكره مش تمام،الموبينه اللى قصدك عليها اللى هى اليابانى دى برضه مش اد كده،ممكن تبص على سلوك البوجيهات ساعات بتصدى وخصوصا الانجليزى،ياريت برضه تقولنا على نوع البوجيهات وجايبهم منين لان معظم الللى فى السوق مضروب،لما تيجى توطى العربيه عندك حلين يا اما من الاسبراتير تقدمه او تاخره او من مسمار (مش بك) السلانسيه اللى تحت البك على طول،والله اعلم طبعا

**abokoko** · 03-04-2014 02:27 AM

المشاركة الأصلية كتبت بواسطة ahmscu

هو مبدئيا كده موبينه الكترونى مع ابلاتين وكوندنسر فكره مش تمام،الموبينه اللى قصدك عليها اللى هى اليابانى دى برضه مش اد كده،ممكن تبص على سلوك البوجيهات ساعات بتصدى وخصوصا الانجليزى،ياريت برضه تقولنا على نوع البوجيهات وجايبهم منين لان معظم الللى فى السوق مضروب،لما تيجى توطى العربيه عندك حلين يا اما من الاسبراتير تقدمه او تاخره او من مسمار (مش بك) السلانسيه اللى تحت البك على طول،والله اعلم طبعا

الموبينه
اشتريت الزيت الانجليزى ولم تكمل ال6 اشهر وباظت
وبالتالى اشتريت الالكترونى

الابلاتين
كلمت الميكانيكى ولسه لم اذهب له - ورايه اننا نبص على الابلاتين الاول (راى حضرتك )

الاسلاك بتاعه العربيه ولم تتغير (2007م )
وشكلها كويس على الاقل خارجيا

البوجيهات
3 شمعه كل واحد فى علبه مستقله والاربعه فى علبه واحده
ومش فاكر الاسم ممكن بيرو

انا فعلا حركت الاسبراتير سنه صغيره لان العربيه كانت مش بتسحب فزودت السنه على اساس انى اقدم الكهرباء

وفعلا بزود او ااخر البنزين من المسمار الحلزونى

متابع مع حضرتك
وشكرا

**hassanin_lada** · 03-04-2014 03:49 PM

بص ياباشا كتر اللعب في العربية مش كويس

الطبيعي مع الظبط ال 100% الابلتين والكوندونسر بيقعد حوالي سنه (طبعا في انواع مضروبه ومش بتكمل اسبوع)

غير كده العربية مايتلعبش فيها غير لما تخرب خالص
الادا طبيعي ايام تبقي عالية ايام تببققي واطيه وده بسبب محطات البنزين اللي مليانا شوائب

الكركبه وانت طالع ده دسك واسطوانه حاول عيش بيهم فتره لحد مايجيب اخر وبتغيره بطفم فاليو ب 400 تقريبا ومصنعية 100 جنيه

بلاش لما تحب تعلي العربية تلعب في الاسبراتير لان تقديم الكهربا وتأخيرها مش كويس علي سحب المكنه وفعلا في مسمار هو اللي مسؤل عن زيادة عدد اللفات او تقليلها هحاول اصورهولك
ربنا يعينك علي اللادا :)

**abokoko** · 03-04-2014 05:23 PM

الديسك و الاسطوانه مغيرهم فى 8/2011

**hassanin_lada** · 03-04-2014 05:34 PM

ماهو لو زي ماحضرتك بتقول في رجه في الفتيس وانت طالع او كركبه في العربية يبقي طقم دبرياج

**abokoko** · 03-04-2014 05:50 PM

بس الميكانيكى لبفسرها بسبب الابلاتين
؟

**ahmscu** · 03-04-2014 09:20 PM

انا رايى زى ماقال الميكانيكى،مشكلتك فى ضبط الكهربا واظن الموضوع من الاسبراتير،لو طقم دبرياج يبقى لازم السحب يتاثر وخصوصا على المطالع،هات ابلاتين وكوندنسر فرنساوى وخليه يضبطلك الابلاتين على فيلر 40 وخللى كهربائى يبصلك على الارضى ولو عندك ترموستات احتياطى غيره،انا كان عندى قريب من مشكلتك وغيرت الترموستات بواحد 90 العربيه اتظبطت(مش عارف ايه العلاقه بس فعلا العربيه اتظبطت لوحدها)

**abokoko** · 04-04-2014 12:35 AM

المشاركة الأصلية كتبت بواسطة ahmscu

انا رايى زى ماقال الميكانيكى،مشكلتك فى ضبط الكهربا واظن الموضوع من الاسبراتير،لو طقم دبرياج يبقى لازم السحب يتاثر - بالنسبه لى العربيه مفيهاش مشكلة فى السحب - وخصوصا على المطالع،هات ابلاتين وكوندنسر فرنساوى وخليه يضبطلك الابلاتين على فيلر 40 - غريبه ظبطه الابلاتين بالفلر - وخللى كهربائى يبصلك على الارضى - ممكن توضيح الفكره ايه - ولو عندك ترموستات احتياطى غيره - انا مركب 80/90 ومعايا واحد احتياطى بس مش عايز اركبه حاليا لان الرياتير النحاس رغم انه لم سنه الا انه تعبان وقارفنى فى اللحام كل شوه تنفيس واروح الحمه واخر مره فك الجنب كله ورجع لحمه من جديد - ،انا كان عندى قريب من مشكلتك وغيرت الترموستات بواحد 90 العربيه اتظبطت(مش عارف ايه العلاقه بس فعلا العربيه اتظبطت لوحدها) - عن تجربه سابقه ال 80/90 هو المقاس الوحيد اللى بيظبط العربيه معايا -

الموضوع: موضوع لتنشيط القسم

LinkBack

أدوات الموضوع

عرض

موضوع لتنشيط القسم - انشر الموضوع فى :

-

-

-

-

-

-

-

المواضيع المتشابهه

اقتراح لتنشيط القسم ارجو التفاعل علي الاقل بابداء الرأي

اول موضوع في القسم

اول موضوع ليا هنا فى القسم

دا اخر موضوع ليا ف القسم

الكلمات الدلالية لهذا الموضوع

المفضلات

المفضلات

ضوابط المشاركة