ايه الفرق بين الموتسكلين

**Qazeefa** · 02-04-2014 07:11 PM

ايه الفرق مع العلم ان الاتنين
honda stead 94

بس واحد تحس ان العجله القدام بعيد عن البودي ؟ والتاني قريبه ايه الفرق

يرجى الرد للضرورة

**ENG.MaRk** · 03-04-2014 12:44 AM

واحد تحس ان العجله القدام بعيد عن البودي والتاني قريبه

**rrchico** · 03-04-2014 03:35 AM

حبيبى ازيك الاول بص ،، الموتوسيكلات الكاستم بيصلح فيها التعديل و التعديل ملوش حدود على حسب الامكانيات و الفلوس و الخامه و ده موجود بكثره بره مصر مع العلم ان فيه هنا تعديلات وهميه بس مش واخده حقها ،،، ما علينا طولت عليك
،،، النوع اللى العجله بعيده عن الموتوسيكل اسمه شوبر بايك و ده ستايل محبوب جدا بره و بيعملوا منه شوبر لغايه 3000 سى سى و اكتر كمان لانه بايك هاند ميد معظم الوقت و ان العجله بعيده بتدى ثبات بس بتقل الجادون قوى ،، و ده بيحصل للموتوسيكلات الكاستم بيخلوها شوبر ذى الاستيد و الشادو و الياماها فيراجو و السوزوكى ماردور ،،، اما النوع العادى ف ده الاستوك اللى بينزل معظم الوقت من المصنع و ده ليه ناسه و ده ليه ناسه ،،، الشوبر بيبقى حلو للناس الطوال قوى بيبقى الموتوسيكل لايق عليهقمش صغير و بيدى ثبات ،،
انهى افضل ؟...
الاتنين لان دى اذواق ذى اللى بيحب العربيه المتعدله و متظبطه و اللى بيحب العربيه العاديه اللى من غير لعب و من المصنع
انا بحب الشوبر بصراحه مختلف و شكرا و اسف للاطاله

**Qazeefa** · 04-04-2014 10:56 AM

كم يكلف التعديل الشوبر :]

**Qazeefa** · 04-04-2014 10:59 AM

طب تمام كم يكلف تعديل التشوبر وهل يمكن تكبير العجله الاماميه يعني اعملها اعرض شوية ؟

**KHALED2010** · 22-04-2014 04:21 PM

بخصوص تعديل العجله الامامية ليه اى موتسكل بينزل الفرده ال ورا اعرض من ال قدام
علشان المناورات على الطريق
اليوترنات
لو العجله ال قدام عريضه الموتسكل ممكن يقع بسهوله فى اى مناورة على الطريق
خصوصا مع التعديل ال انت عامل الموضوع علشانه (الشوبر) الجادون لوحده تقيل مابالك بقى لو العجله ال قدام بقت عريضه الجدون هتحتاج مجهود جامد جدا علشان تقدر تتحكم فى البايك