الموضوع: اكسنت 99 اتوماتيك : مشكلة محيرة جدا ... السيارة بتبطل و مش عارف السبب

المشاركة الأصلية كتبت بواسطة equation

السلام عليكم و رحمة الله و بركاته....
انا عندي مشكلة محيرة و قلت لازم اسأل اهل الخبرة و التجربة ,,,بعد ما تعبت من الميكانيكية و الكهربائيه.
عربية اكسنت 99 بها ماتور 1600 انجيكشن ....
1- العربية كان بها نفخ في الرداتير و كانت بتسخن .... رحت للميكانيكي قالي هنغير جوان وش سلندر ....
2- غيرت جوان الوش سلندر و غير البجوهات و كمان نضف البوابة.. بعدها المشاكل بدأت ... العربية بقت تدور بصعوبة و بقت تبطل و هي علي سرعة بطيئة .....
3- رجعت له قالي المشكلة في المارش .... و تقريبا المارش اتحرق من كثرة محاولات التدوير ..... و غيرت المارش بواحد استيراد ..... و المشكلة زي ماهي ..... و المارش الجديد برضه اتحرق .... بسب محاولات التدوير الفاشلة ..... الميكانيكي قال ان دي مشاكل كهرباء و هو مش فاهم فيها .... طبعا بعد خناقة كبيرة مشيت من عنده و رحت لكهربائي
4- رحت لكهربائي ركب لي مارش جديد و عمل كتاوت للمارش و قالي غير البطارية علشان البطارية دي ضعيفة ..... غيرت البطارية و لكن مازلت مشكلة التأخير في التدوير موجودة و الكهربائي قال ان المارش شغال و المشكلة دي ميكانيكا ......

انا عايز اروح لميكانيكي تاني بس كنت عايز افهم من اهل الخبرة قبل ما اروح و اتبهدل اكتر من كدا ....
العربية بقالها 3 سنين معايا و كنت ماشية زي الفل و الحمد لله

يافندم ممكن افهم بس دلوقتى فين مشكلة العربيه ،
انا مش فاهم حاجه غير انى كان فيه مشكله فى المارش وروحت لميكانيكى، مع انى المارش شغل كهربائى ، الميكانيكى مالوش دعوه، ممكن حضرتك تكلمنى اى وقت وانشاء الله هاوجهك للصح اللى تعمله وينهيلك المشاكل ديه