الموضوع: صيانة 60 الف للفانتازيا

موديل العربية: فانتازيا 2010 امبيانت خليجي
تاريخ الصيانة: 4-4-2013
المكان: احمد زاهر في صقر قريش في المعادي 01002221256
تم تغيير:
1- فلتر زيت + فلتر هواء + فلتر بنزين بسعر 350 جنيه
2- بلية كاتينة + سير كاتيينة + سير دينامو بسعر 900 جنيه
3- طقم بوجيهات بسعر 250 جنيه
4- فلتر فتيس بسعر 425 جنيه
5- زيت فرامل ماركة Wolf DOT3&4 (علبة واحدة 0.5لتر)
6- زيت موتور ماركة ًWolf VitalTech 5W40 PI C3 (علبة 5لتر يستخدم منها 4.5لتر)
7- زيت فتيس ماركة Wolf VitalTech Multi Vehicule ATF (علبة 5لتر يستخجم منها 4لتر)
8- مياه تبريد Wolf Longlife (عبوة 5لتر)

ملاحظاتي:
1- مارحتش التوكيل علشان بيغير نوع الزيوت بشكل عشوائي يعني على صيانة الاربعين حطولي موبيل وان وابديت تحفظي ومكنش فيه اجابه غير انه افضل نوع, مع ملاحظة ان غطاء زيت الفتيس على وش الموتور عندي محفور عليه كاسترول والوكيل في الامارات بيستخدم كاسترول, دلوقتي بيستخدموا توتال!!! العربية في الخليج السيسيتم بيدي انذار الصيانة كل 15 الف كيلو, طلبت في التوكيل ظبت النظام علشان يديني انذار كل 10 الاف علشان زيت موبيل اللي ربنا يعلم بحاله! قالولي حصل يا فندم, ومفيش حاجة اتغييرت وبهدلتهم واعتذروا وطلبوا مني اروح تاني علشان يصلحوا الغلطة ولغاية دلوقتي رافض اروح.
ماعنديش ثقة في التوكيل!!!
2- اهم حاجة تغيير زيت الفتيس, حسب المانيوال بتاع العربية الفتيس بياخد 7لتر, مصر كلها بتحط 4لتر حتى التوكيل, علشان محدش اشترى الماكينة اللي بتعمل شفط لزيت الفتيس او حتى بيستحدم الطريقة البلدي انه ينزل لتر واحد ويطبب ويزود لتر من فوق بلون تاني وينزل اللتر اللي بعده ويطبب ويزود وهكذا لغاية ماينزل الزيت الجديد بلونه المختلف, حتى التوكيل مابيعملش كده, مع العلم ان الطريقة البلدي مش بتغيير 7 لتر برده!!
البديل انه يفك الفتيس علشان يفك البادي فالف و ينظفه, غالبا البادي فالف حايبوظ في حركة زيي ديه و ده ب13 الف جنيه في التوكيل!!!
حسب Wolf اللي انا اشتريت منهم زيت الفتيس, عمر زيت الفتيس 60الف كيلو, ولكن قالولي بشكل رسمي بنبلغك انك تغيره على 40الف حسب تعليمات الوكيل بتاعك في مصر!!!!!! طبعا التوكيل بيطلب انك تغيير الزيت 20الف كيلو بدري علشان انت فعليا بتغيير 4لتر بدل 7لتر يعني مش بتغيير الزيت كله انت بتخلط 3لتر محروق على 4لتر جديد!!!! ربنا يستر....
3- احمد زاهر باسم الله ما شاء الله فاهم كويس جدا, بس لما جه يغيرلي زيت الفارمل طلبت منه يعملي فلاشينج للزيت القديم من عند كل عجلة, قالي ملهاش لازمة وحتاخد هواء وحتقرفك, كل اللي عمله انه فك العلبة ونضفها تماما وحط الزيت الجديد, انا مش مبسوط.....بس مش متأكد التوكيل بيعمل حاجة مختلفة وللا لا!!!!
4- انا جبت الزيوت من Wolf, مصنعة في بلجيبكا, مخاطرة طبعا, بس اللي مطمني شوية انهم ورولي شهدات اعتماد فولكس بالكود للموتور والفتيس, حتابع الوضوع عن حالة الزيت بعد 10الاف انشاء االله...اللي شجعني برده اني ملاقتش زيت فتيس كاسترول, احمد زاهر عنده الفيبي, معتبره مضروب علشان بنص سعر الفولكس (اللتر فولكس ب300جنيه), اللطيف ان الفيبي بره مصر بيحطوه للمرسيدس!!!! سعر الولف 80 حنيه للتر...سعر الكاسترول لما كان موجود 70جنيه....
5- قطع الغيار من عند احمد زاهر نفسه, سعره مش فارق كتير عن الهاشمية, احمد زاهر والمهندس خالد اسماعيل اللي في العاشر مدينة نصر وزيوت ولف اجمعوا ان قطع الغيار الاصلي عند الهاشمية في العباسية او الشهابي في شارع دمشق بس....وانا شايف ان ديه لو حقيقة تبقى حاجة غريبة....
6- لم يتم تغيير بلية الدينامو وفلتر التكييف علشان مش موجودين عند احمد زاهر.

لو حد عنده اي نصيحة او تعليق اكون شاكر ولو حد عنده سؤال انا تحت امره....

شكرا على معلومة شل المعادي
بس اعتقد المفروض انه يفك الطبب بتاعة الاربع عجلات مش عجلة واحدة وللا ايه؟