الموضوع: لسة شاري نيو صني سوبر صالون و الملاحظات

السلام عليكم شباب
انا لسة شاري نيسان صني من اسبوع بالضبط و عامل بيها 280 ك
طبعا انا واخدها من مودرن موتورز سيدي جاير الاسكندرية و كانت عاملة على ال ODO 27 كيلو
من حيث عزل الصوت انا شايف العربية جيدة جدا من الازعاج الخارجي ........
اداء الموتور عند الطلوع من الثبات العربية بطيئة نسبيارغم اني بعلي ال RPM على 3
مع التكييف الاداء جيد جدا ايضا و التكييف جيد جدا و لكن فكرت اني اروح التوكيل اشحنه اكتر لكن سمعت انه بيحمل على الموتور لو كبسته اكتر.
كماليات العربية ممتازة من حيث المالتي و ال C.D بيقرا اسطوانات MP3
معدل استهلاك البنزين انا شايفه عالي 20 لتر لكل 210 كيلو على عربية 1500 c.c
تيل الفرامل مش شايف فيه مشكلة خالص احيانا بسمع صوت الصبح وقت الندى لكن لما بتحرك بهدوء و لما العربية بتتحرك و مع كذا فرامل مش بسمع صوت خالص حتى و انا في الاشارات.
انا عن نفسي اول ما بشغل الموتور بيكون اعلى من 1 RPM بستني شوية و اسخن مابتحركش الا و الامبير اقل من ال 1 و تكون العربية جاهزة و ممتازة.
العجل عندي جنوط اسبور ممتاز و الكوتش فعلا لما بعدي على زلط صغير بينطره على الصاج من تحت بس معمليش مشكلة يمكن عشان انا بمشي على البحر اكتر و مش شايف فيه مشكلة.
استفساري عن:
1- معدل استهلاك البنزين عالى كدا ولا واطي و لا بيتظبط مع الوقت ولا محتاج تعديل في السوفت.
2- بحس بالنقلات من الاول للتاني فهل دا طبيعي ولا لأ ولا برضوا تظبيط سوفت وير

ارجو افادت الاعضاء و نقل الخبرات

متابع