الموضوع: تقرير شراء ريدياتير استيراد - ابيزا 99

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز

تحية طيبة،

انا بقالي كتير مش بعمل تقارير ودة بسبب أنشغالي الشديد عنكم - لدرجة كنت ناوي اعمل تقرير صيانة سيارتي عند قراءة عداد 160,000 ودة غيرت فيه حاجات كتير من ضمنها سير الكاتينة وسير وبلية الدينمو وفلتر الهوا وفلتر البنزين والفرامل بالكامل من طنابير لتيل لزيت ونظفت بوابة ودورة البنزين بالمنظف

بس تقرير النهاردة مختلف تماماً وماينفعش ماعملوش
امبارح ولأول مرة بعد حادثتي الثانية (كفانا الله واياكم شر الطريق) أشتريت طقم التبريد الكبير

نظرة سريعة لتاريخ عربيتي للي مش متابع
عملت أول حادثة في اغسطس 2011 ودي غيرت فيها موتور وفتيس وكبوت ورفارف واكصدامات وفوانيس وشبكة وصدر ولحمت الريداتير ولغيت التكييف
وبعد فترة من المشي الردياتير اتكسر مني بسبب مطب لعين
وساعتها قررت اغيره - بس للأسف اشتريت ريدياتير صغير وتبريد فقط (مافيهوش سربنتينة التكييف) ومازلت حتي الأن بدون تكييف في عربيتي
عملت ثاني حادثة في اغسطس 2013 بردو ودي بفضل الله ماغيرتش اي حاجة غير بس فانوسين الأشارات والحق يقال الأستاذ كريم منير (ربنا يبارك فيه وفي أولاده وفي ماله) تكفل بصيانة سيارتي من الألف إلي الياء من سمكرة إلي دوكو إلي مصنعيات ولم يكلفني مليم احمر ومن كتر نبل أخلاقه كان كمان بيوصلني لو اسعدني الحظ وقابلته في ورشته في الحرفيين بالأضافة لصديقي واخي وحبيبي كريم ابيزا منسق مساعد قسم سيات بعتلي طقم الكشافات بتاعته وعلي نفقته الشخصية من اسكندرية للقاهرة

بعد هذه المقدمة
ندخل في تفاصيل موضوعي

أمبارح روحت انا واخويا الكبير (ربنا يديله الصحة ويتم شفاه علي خير) عند إيمن جمعة (عباد الرحمن لقطع غيار السيارات الأستيراد المريوطية فيصل) وكان اخويا راحله قبلها بيومين واتفرج علي بعض قطع الغيار واتفق معاه اننا هنروحله نشتري منه الأشياء
وبالفعل أشتريت الريدياتير الكبير (ابو مروحتين)








وزي ما باين من الصور انه ييعتبر بفضل الله جديد نوفي ومعاه فيشته والثرموستات
بس انا بردو حبيت اكشف عليه لكي يطمئن قلبي
روحت عند الشيخ أشرف بتاع الريدياتيرات وفكه وكبسه وكشف عليه وبفضل الله قالي انه جديد نوفي وحتي كان مازال فيه مياة حمرا من بتاعة الفبريكة
روحت عند بتاع تكييفات وكبست سربنتينة التكييف وكانت ماشاء الله عليها جديدة وزي الفل
روحت عند كهربائي وكشفت علي المراوح وكانت الله اكبر زي الفل وبتدور بقوة
سعر الشراء 800 جنيه
http://www.nilemotors.net/Nile/34102...post3875505611

لحد كدة وانتهي الفصل الأول
__________________________________________________

الفصل الثاني
شراء كشافات أمامية

الحمدلله امبارح بردو اشتريت طقم الكشافات الأمامية من عنده بردو
بس للأسف ماصروتهاش
الكشافات عادية - عايزة بس غسلة محترمة
اللي عاجبني فيهم الموتور بتاع التوجيه
التفاصيل http://www.nilemotors.net/Nile/34102...post3875505606

ولحد كدة انتهي الفصل الثاني

__________________________________________________


الفصل الثالث
شراء صدر أمامي

الصدر دة له حكاية تانية خالص
المسألة مش صدر ابيزا 98 والسلام
الصدر طلع له مقاسات ودي كانت مفاجأة بالنسبالي - كل معلوماتي السابقة ان المقاس بيختلف من طقم تبريد كبير وطقم تبريد صغير واللي كنت اعرفه ان الفرق فقط في ابعاد قواعد طقم التبريد
لحد كدة وكلنا عارفين المعلومة دي
الجديد بقي
ان بيفرق كمان في الأرتفاع ؟؟؟

ودة اللي اتصدمت فيه لما روحت عند الشيخ اشرف وحبيت اجرب الريدياتير في الصدر
لقيته مش راضي يدخل او يبات داخل الصدر
لأنه المفروض بيقعد علي القواعد السفلية وبيدخل جوة الصدر وبيتمسك من فوق بمسمارين جنب علايات الكبوت (في نفس الصاجة اللي فيها كالون الكبوت)

حزنت كتير اوي علي الصدر
لأنه بصراحة كان معاه ضفيرة الفوانيس كاملة متكاملة
ولأني دافع حقهم وكمان دافع كتير اوي في ثمنه (اغلي 200 جنيه عن ما اشتريته في اول حادثة)
فقررت اني لازم اخد الضفيرة دي
وبالفعل فكيتها (كانت ممسوكة بكلبسات في الصدر) وخليتها معايا وروحت رجعتله الصدر واخدت الصدر الأكبر
بس للأسف كان صدر 94 مش 98
وكمان لما روحت البيت اقيسه علي الريدياتير لقيته مفارق في حوالي 3 سم عن مقاس الريدياتير بس قولت مش مشكلة وهخلي بتاع الريدياتير يعدله ويركبه علي كدة ان شاء الله
الصدر اخدت معاه الفوم بتاع الأكصدامات (صدادات الأكصدام)
http://www.nilemotors.net/Nile/34102...post3875505614







لحد هنا وانتهي الفصل الثالث والتقرير كله

تحياتي للجميع
وانتظروني في تقرير جديد وتجربة جديدة

والله المستعان
،
،

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors