صديقي العزيز / أيمن
بداية واحشني جدا يا غالي و لو أنك قاطغتنا فجأة و قاطعت مقابلاتنا و أنقطعت أخبارك و أرجو أن يكون المانع خير أن شاء الله
بالنسبة للطريق الي الاسكندرية أنا لسه راجع منه النهاردة و الحمد لله أنك عملت الموضوع ده لتحذير الناس من الطريق ده و أليك الوصف التفصيلي للطريق
(1).. الطريق من القاهرة الي الاسكندرية :
الطريق كويس جدا بأستثناء بعض التحويلات حتي قبل 60 كم من الاسكندرية (تحديدل قبل قرية الاسد بقليل و حتي البوابات) مليان تحويلات غبية و خاصة بالليل
أما بعد البوابات و تحديدا من العامرية الطريق شغال حتي الاسكندرية و لكنه خطر جدا جدا جدا و يرجي أتباع أقصي درجات الحذر و للاسف كنت ذاهب الي الاسكندرية بالليل و لولا وجود أحمد عبد العزيز (شفاه الله و عافاه) كنت لبست كذا مطب أو تعرضت لأذي حقيقي
الطريق مظلم تماما حتي الكباري غير مضائة و أكوام الرمال و الدبش علي جانبي الطريق بدرجة تدل علي الاهمال و اللامبالاة بحياة الناس و ارواحهم
لذا أنصحك بالتوجهه الي الاسكندرية في وضح النهار و تجنب السير ليلا في هذا الطريق
(2).. الطريق من الاسكندرية الي القاهرة
- الطريق حتي كارفور عادي جدا كما هو في الذهاب و العودة
- الشارع المار أمام مديرية الامن تم أغلاقه تماما من جهة ميدان فيكتور عمانويل
- للمتجهه الي القاهرة بتمشي حتي كارفور و بعد ذلك الطريق بيتجهه بك أجباري الي تحويلة الي الدولي / محور التعمير و بتتجه منه الي الكيلو 21 و تسيب نزلة الكوبري الي العجمي / الكيلو 21 و تنزل النزلة اللي بعدها علي الصحراوي قبل العامرية مباشرة
- بعد البوابة توجد عدة تحويلات غبية جدا و مطبات لمسافة حوالي 30 أو 40 كم لذا يرجي توخي الحذر
- الطريق بعد كده كويس الا من بعض التحويلات
كما نوهت يرجي الذهاب و العودة في وضح النهار و تجنب السير فيه ليلا أن أمكن مع الحرص و عدم السير بسرعات زائدة
و ربنا يستر طريقك و طريقنا
-
المفضلات