الموضوع: تم تفتيح العربية و الحمد لله - كورولا ٢٠١٤ -

زملائي الاعزاء بقسم تويوتا ......
تم تفتيح عربيتي في طريق السخنة و دة عشان كان كل مشاويري داخل البلد و كان لازم اخلي عربيتي تشم نفسها شوية.
تفتيح العربية بيحتاج لطريق طوالي جيد و طريق السخنة كان عز الطلب و بيتم عن طريق انك بتجيب مانيوال موود و تبداء تحرق علي كل نقلة لغاية اخرها في الار بي ام قبل دخول الريد زون.
كنا ٤ في العربية بشنطنا و انا اول مبتحرك اوتوماتيك بقفل الازاز و اشغل التكييف و بصراحة مختش بالي بالموضوع ده و انا بفتح .
يعني ٤ بالشنط و التكييف اول في تاني في تالت بتعرف تعد لغاية كااااام ؟ سبع نقلات مانيوال بالتمام و الكمال.
كورولا ٢٠١٤ فتيسها المانيوال ما شاء الله ٨ نقلات حاجة كدة فوق الخيال .
طبعا انا عمال بحرق و التجميع اكتر من رائع كعادة الياباني و من غير سبورت موود ، بصراحة كان نفسي افتح و انا قافل التكييف عشان التكييف بيعلي الار بي ام شوية بس مش مشكلة.
اقصي سرعة وصلتلها كانت ٢٠٠ و الار بي ام كان معدي ال ٤ بحاجة بسيطة في النقلة السابعة.
العربية كانت تجيب اكتر من كدة مستريح لولا ان مراتي كانت معايا و خايفة جدا فمكسرتش ال ٢٠٠ و قلت اخدها من قاصرها بدل منام في الشارع هههههه.
طبعا كانت مستغربة جدا اني كنت باخد الملفات بكل سهولة و مش بهدي يعني ١٦٠ و في ملفات علي ١٨٠ وحاسس ما شاء الله اني مالك العربية و قادر اتحكم كويس جدا بفضل انظمة الثبات اللي في العربية تديك احساس بثقة متحسوش الا لما تجرب الانظمة دي.
انا بطبعي مش بجري كتير بس لازم اي عربية اجبها افتحها في اول ٥٠٠٠ كم .
ملحوظة اخيرة عزل كورولا ٢٠١٣ بعد سرعة ١٧٠ افضل شوية من ٢٠١٤ و ده للامانة بما اني امتلكت العربيتين لكن الثبات بصراحة ما شاء الله .

اي حد ناوي يجرب موضوع التفتيح ياخد باله كويس جدا لأن السواقة ملهاش كبيرو الحافظ هو الله حتي لو معاك esp .