العناية بالموتور

**iNjECTOR** · 06-04-2014 01:57 AM

السلام عليكم ورحمة الله وبركاته

العناية بالموتور
=======

المقصود من العنياة هنا ليس العناية المكانيكية ( وبالمناسبة نصحيتيى لك ان تقوم بكل إصلاح داخل التوكيل للمحافظة على عمر المحرك اطول فترة ممكنة ) المقصود النظافة

1 - بداية لا تقم ابدا بغسيل المحرك بالماء كما إعتادت بعض البنزينات فى مصرنا الحبيبة
ولا حتى بماء وجاز

2- قم دائما بإستخدام الفوم الخاص بالتنظيف الموتور لذا مرة كل 4 اشهر فقط ( يعنى الموتور هيتساب كده لا طبعا هنعرف بعد كده هنعمل لإيه )

ديه صورة الفوم

Engine Foam, Buy Latest Engine Foam at Best Prices in Egypt, Alexandria, Cairo | Top results | Souq

طيب بعد ما تغطى الاماكن المهمة اللى بتختلف من عربية لعربية ( تقدر تعرف الاماكن ديه من التوكيل ) بكيس او فوطة إبتدى رش الفوم عمودى كامل الموتور وبعدين بالعرض كامل الموتور علشان تضمن ان الموتور بالكامل إتغطى بالفوم

هتسيب الفوم حوالى 15 دقيقة وأنت سايب الكبوت مفتوح ...

3- طيب هتشيل الفوم إذاى إما يكون ربنا موسع عليك وعندك كومبريسور هواء وفى الحالة ديه بعد الاستخدام هتظف بفوطة عادية علشان بقايا الفوم ولو مفيش يبقى مقدمكش غير الفوطة وتعمل نفس النظافة بس بشكل اطول

4- بعد ما تتاكد انه كل سليم نبدأ المرحلة الثانية ... هتجيب الزجاجة الامورة ديه بـــ 40 جنيه من اى محل إكسسورات عربيات

طبعا مستغربين ان الصورة المرسومة على الزجاجة هى لشكل التابلوه هنستخدمه للتابلوه بس من الناحية التانية اقصد الموتور

طبعا بعد ما تبخ فى كل حتة هتيجى بفوطة تانية وتنشف السائل مش هتصدق ان ده موتور عربيتك وصدقنى حتة لو ضرب مشاوير كثيره الموتور هيفضل فبريكة بكل ما تحمله الكلمة من معنى لمدة 14 يوم او اكثر

الموضوع منقول عن منتدى ندى الاحباب

**مصطفى-حسن** · 06-04-2014 02:49 AM

والله يا فندم كلام حضرتك يحترم وهو اكيد كلام علمى

لكن انا عايز اقولك انى كل شهرين بمسك الموتور بتاعى من فوق ومن تحت ومن كل الاجناب بمسدس المية فى المغسلة بفرمة
مش بس كدة
عايز اقولك انى بدى الواد اللى بيغسل الدخان بتاعة اول ما يمسك المسدس بتاع المية واقولة اهتم بالموتور وباقى العربية اى حاجة مش هتفرق معايا

وعلى الحال دة بقالى 7 سنين

الاول بغسلة بالجاز
وبعدين بالرغوة
وبعدين بالمية العادية

**ahmedelfeky** · 06-04-2014 05:13 AM

المشاركة الأصلية كتبت بواسطة ZARIF

والله يا فندم كلام حضرتك يحترم وهو اكيد كلام علمى

لكن انا عايز اقولك انى كل شهرين بمسك الموتور بتاعى من فوق ومن تحت ومن كل الاجناب بمسدس المية فى المغسلة بفرمة
مش بس كدة
عايز اقولك انى بدى الواد اللى بيغسل الدخان بتاعة اول ما يمسك المسدس بتاع المية واقولة اهتم بالموتور وباقى العربية اى حاجة مش هتفرق معايا

وعلى الحال دة بقالى 7 سنين

الاول بغسلة بالجاز
وبعدين بالرغوة
وبعدين بالمية العادية

بس الغسيل بالجاز ده بينشف الخراطيم او اي حاجه رابر Rubber موجوده في الموتور

**مصطفى-حسن** · 07-04-2014 02:59 PM

المشاركة الأصلية كتبت بواسطة ahmedelfeky

بس الغسيل بالجاز ده بينشف الخراطيم او اي حاجه رابر rubber موجوده في الموتور

مهو انا بغسلة بالجاز
وبعديها ب5 دقايق الرغوة
وبعديها ب5 دقايق المية بتاعة المسدس

فمبيكونش فية اى اثر للجاز بس شكل الحوض بالموتور بيفرح القلب

المشاركة الأصلية كتبت بواسطة injector

زى مالاستاذ ahmedelfeky مشكورا قال لحضرتك ان المواد البترولية غالبا ما بتعمل تشقق للخراطيم مش كده وبس الاويلسيهات الجلد كل ماهو rubber انا معاك انها منظف ممتاز بسزى ماحضرتك شوفت ليه اضرار كمان تيجى حضرتك نحسبها :-

زى منتا اخدت بالك ان الموضوع ده هنعمله كل 4 شهور يعنى 120 يوم طيب تقريبا احنا بنغسل الموتور كل 21 يوم قول 20 يوم يعنى هتغسل الموتور 6 مرات المرة الواحد تكلفتها
1- لتر ونص جاز تقريبا 2 جنيه فى 6 مرات = 12 جنيه
2- غسل موتور كل مرة حد ادنى 5 جنيه = 30 جنيه
3- شاى كل مرة هنقول متوسط 3 جنيه = 18
المجموع = 60 جنيه او اكثر
يعنى حضرتك وفرت 20 جنيه زائد 10 دقائق غسيل موتور او اكثر كل مرة يعنى ساعة

وطبعا حضرتك ليك كل الحرية اصل انا حسبتها كده ...

تحياتى لكل من مر على الموضوع
الاستاذ zarif
الاستاذ ahmedelfeky

فية نقطة مخدتش بالك منها
الحوض بتاع العربية والاجزاء المتدارية من العفشة المسدس هوة الوحيد اللى بيوصل ليها وخصوصا لو عليها اى زيوت اى طين او شحم لم تراب وكدة

انا جربت الرغوة دى مرة واحدة من باب الفضول ومعجبتنيش