الموضوع: بعض أسعار قطع غيار لانسر شارك الاصليه

الفتره الاخيره انا كنت حاجز لانسر شارك الفئه التانيه وكنت منتظر استلام الجميله الشارك بس للاسف مكانش ليا فيها نصيب ولغيت الحجز (يالا الحمد لله على كل شيء وربنا يرزقنا بما فيه الخير) ولاني كنت هشتري العربيه فحبيت اسأل على اسعار قطع الغيار بنفسي عشان ماتفاجأش بحاجه بعد الشراء وارحم نفسي من الكلام الكتير المتضارب عن اسعارها فرحت التوكيل دايموند موتورز وسألت على بعض قطع الغيار الاصليه يعني قطع غيار من التوكيل مش من اي حته تانيه عشان انا مش بحب قطع غيار غير الاورجنال وحبيت اشاركم في الاسعار اللي جبتها ممكن تفيد حد فيكم يكون محتاج قطعه معينه لعربيته وعاوز يعرف سعرها وممكن كمان الموضوع يساعد حد مقبل على شراء العربيه
ودي كانت الاسعار

فلتر زيت 85 جنيه
فلتر هواء 310 جنيه
فلتر بنزين 780 جنيه
بوجيهات بلاتنيوم 505 جنيه
طقم سيور 550 جنيه (بدون سير الكاتينه)
تيل فرامل امامي 545 جنيه
طنابير 1365 جنيه
مقصات 2125 جنيه
2 مساعد أمامي 2595 جنيه
علبة دركسيون 8140 جنيه
فانوس امامي 2750 جنيه
اكصدام امامي 3080 جنيه

الاسعار دي شامله الـ 10% ضريبه
ياريت لو حد عندوا أسعار لقطع غيار تانيه لللانسر الشارك بس تكون الاصليه من الوكيل يكتبها ويوضحلنا اذا كان السعر شامل الـ 10% الضريبه ولا لأ
ممكن يبقى الموضوع ده مرجع جيد ليكم في اسعار قطع الغيار

اتمنى الموضوع ده يكون مفيد بالنسبه لكم واكون افاتكم بالمعلومات اللي انا جبتها بنفسي من التوكيل وكنت اتمنى أضيف الموضوع ده وأنا عضو شاركاوي معاكم بس معلش بقى مليش نصيب

المشاركة الأصلية كتبت بواسطة ahmedz310

الف شكر علي الإفاده بس ماقولتلناش حجزت ايه ?

حجزت واستلمت الحمد لله كيا ريو تاني فئه سيدان
إن شاء الله هأعمل موضوع فيه اسعار قطع غيار الكيا ريو عشان اللي حابب يقارن فروق الاسعار إن شاء الله