الموضوع: باقى من الوقت 6 ايام على استلام كورولا 2014

المشاركة الأصلية كتبت بواسطة Y a r i s

ايه ده ... هو انتا كل ده ولسه مستلمتش كورولا ومعندكش كورولا ! :)

يعنى ايه الى حضرتك بتقولو ده

المشاركة الأصلية كتبت بواسطة y a r i s

اصل انا شايفك حاطط صورة في توقيعك واقف وجمبيك عربية كورولا
فأعتقدت انها صورة حضرتك ... عامة بالتوفيق. في شراء الكورولا .... اهم حاجة ورق العربية فاتورة الشراء مختومة + شهادة بينات العربية الي في الغالب بتطلع من مرور بين السرايات ... وبس بتمضي على محضر الاستلام ... وشيك شوف الولاعه موجودة ولا لأ ... منيوال العربية موجود. الاستيبن وشنطة العدة .... وهات معاك وانتا بتستلم العربية طقم دوسات علشان الي هيركب معاك الجزمة متوسخش موكيت العربية وياريت تجيب طقم الدوسات الي بيبقى تالت قطع ... بحيث ان القطعه التالته بتيجي حته وحده علشان تحافظلك على الارضية ... وبس بالتوفيق يا عزيزي ... ومبروك مقدماً وسلفاً :)

الله يبارك فيك يا باشا

المشاركة الأصلية كتبت بواسطة abofandy

الف مليون مبروك يا صديقى
مبروك الانضمام لملاك الكورولا الوحش اليابانى

مقولتش كنت حاجز يوم اية .. الاستلام يوم اية .. لون اية .. فرع اية

اية كل الاسئلة دى هو تحقيق نيابه ياعم الحج ولا اية هههههههههههه


بص شيك طبعا على الانوار بتاعه العربية كلها ....

- شيك على الزجاج بتاع العربية لو فية شرخ او نقره وجرب رفع الزجاج
- شيك على ريموت العربية هتستلم 2 مفتاح بالريمون ومفتاح عادة
- شيك على اى خرابيش فى العربية وخليهم يشيلوا المشمع الابيض ويغسلوا العربية من الاتربه وشوف اى خرابيش
- شيك على كلاكس العربية انه شغال
- شيك على كاسيت العربية وخليه يعمله بيرينج للموبيل بتاعك وينقل الاسماء من الموبيل للكاسيت
- شيك على الاكصدام الامامى من الامام تحت لمبات الفوج لان بيبقى فية خرابيش بسيطه كدة (( كان عندى خربوش بسيط ودة لان العربية كانت واطيه قبل التعديل بس انت هتستلم متعدله بس بردة انزل وشيك مش هتخسر حاجة )
شيك
- شيك على الشنطه وافتحها واقفلها اكتر من مره
- شيك على الاستبن ومفتاح العده و 4 طبات بتوع الجنوط والولاعه
- شيك على لمبه الشبوره الخلفيه هى واحدة بس هتلاقيها فى الشمال تاكد انها شغاله ودى مع نقطة الانوار
- شيك على الفرامل هل فية صوت تصغير ولا لا حتى لو هتمشى بيها مسافة صغيره قبل ما تطلع من التوكيل
- شيك على الاوتوبارك (( اقصد تغعيله .. خلى المندوب يفعله ليك وانت واقف او انت فعله علشان لو فية مشكله يتسستم على الكومبيوتر فى ثوانى ))
- شيك على هواء الكاوتش بعد ما تخرج بالسلامه من التوكيل وحط بنزين قبل ما تقطع منك
- بلاش تقرص على العربية وتجيب اخر الدواسة (( هات السرعة الى انت عايزاها حتى لو 180 بس سيب العربية تجمع مع نفسها مش تكتم على نفسها بصغط وكبس على البنزين ))
- شغل التكييف عادى ملوش اى علاقة بالتليين او الكلام دة وشيك عليه بردة
- شيك على الفلاشة وخد فلاشة معاك عليها قران وشغل اول لما تدخل العربية
- اول لما تفتح باب العربية سمى الله وادعى انها تبقى مع فتحه الباب فتحه خير عليك وعلى اسرتك


فى الاخر ربنا يباركلك وخلى بالك وانت ماشى كويس وحاسب عليها لان العين فلقت الحجر ومتنساش تدبح حاجة او تطلع صدقه (( وومكن تدينى حته من الدبيحه او فلوس من الصدقه هههه ))

ربنا يباركلك فيها وتبقى فتحه خير ويطعمك من خيرها ويكفيك شرها
مبارك عليك ان شاء الله بس بردة هخد لفه بقى وحته شد فرامل اليد كدة علشان العربية تخمس علشان اشييك على الوير بتاع فرامل اليد بس هههههههههه

متنساش تسالنا عن التعديل وانت فى التوكيل هيبدا امتا
وتسال عن حل لسرقه العلامه بتاعته تويوتا خصوصا الى فى الشبكه الاماميه دى لانها اتسرقت من عندى ومن عند ناس كتير اوى فى المنصورة واسئل عليها فى قطع الغيار موجودة ولا لا وسعرها كام وبكدة تسلم اوى

حبيب قلبى يا دكتور متغيب علينا ليه بس انا بستنا مواضيعك على طول - ياباشا العربيه متغلاش عليك وهسالك على الحجات الى حضرتك طلبتها من عنيا الاتنين ان شاء الله

حجزت يوم 5-2-2014 الاستلام يوم 14-4 ان شاء الله
اللون اسود فرش اسود
فرع ابو رواش