فقدت السيطره عالعربيه !

**a raafat** · 07-04-2014 10:47 PM

أمبارح يا جماعه كنت راجع بليل من كارفور أسكندريه رايح ناحية باب شرق المهم الطريق كان فاضى وسالك جدا فكنت بجرى بالعربيه على سرعة تتراوح بين 80 ل 100 تقريبا المهم وانا فى أخر كوبرى محرم بك لقيت زحمه فدوست فرامل جامد عشان ألحق أقف والكوبرى كان واخد دوران شويه فلقيت العربيه بتروح شمال ويمين مع صوت صفير الفرامل المعروف الحمدلله لميتها تانى ومن حسن حظى ان كان حواليا فاضى فمخبطش فى حد السؤال بقى هل ده بسبب انى دوست فرامل والطريق واخد دوران ؟ ولا العربيه عندى مش مظبوطه ؟ مع العلم ان العربيه جيب شيروكى 93

**eng/ahmed_go** · 07-04-2014 11:20 PM

يا باشا اكبر غلط ممكن الواحد يعمله انه يضغط على الفرامل وهوا في ملف وبالذات لو عربيه عاليه زي الشيروكي وكل ما كان الملف اكتر انحدارا كل ما كانت فرصت ان العربيه تتقلب اكبر
واخيرا الحمد لله على سلامتك

**a raafat** · 07-04-2014 11:28 PM

المشاركة الأصلية كتبت بواسطة eng/ahmed_go

يا باشا اكبر غلط ممكن الواحد يعمله انه يضغط على الفرامل وهوا في ملف وبالذات لو عربيه عاليه زي الشيروكي وكل ما كان الملف اكتر انحدارا كل ما كانت فرصت ان العربيه تتقلب اكبر
واخيرا الحمد لله على سلامتك

الله يسلمك يا أستاذ احمد
الحمدلله جت سليمه وانا عارف ان غلط اللى انا عملته بس الموقف كان صعب وكان تصرف لا أرادى وأدى الواحد بيتعلم برده من أخطاءه

**محمد بدر** · 07-04-2014 11:37 PM

العربية ممكن ميكنش فيها أي مشكله و تعوم منك.
الطريق نفسه يعتبر عامل مهم جدا كما ذكرت حضرتك انك دخلت علي دوران واستخدمت الفرامل طبعا ده بيكون عامل كبير في عدم السيطره علي العربية ويزداد الأمر سوء إذا كان الطريق به ولو قليل من الندي أو يكون عليه بقعة سولار أو أي شئ زالق.

ولاكن إذا فقدت السيطره علي السياره في طريق مفيش فيه المشاكل ديه يعني عامت منك في الطوالي مجرد إنك حركت عجلة القياده وتكرر أكثر من مره فالموضوع ده بيكون ليه عده أسباب ومنها.
جلب المقصات. أو المقصات نفسها فيها مشكله ما. أو الميزان يعني الموضوع غالبا بيكون في العفشه.
بس لو كان التعويم مع أستخدام الفرامل يبقي كده أكيد الفرامل هي السبب عجلة تمسك قبل العجله التانيه او عجله متمسكش أصلا وده يخللي العربيه تروح منك في أتجاه تاني خالص وبشكل مفاجئ.
يارب أكون قدرت أوصل المعلومه بشكل جيد

**ahmedamgad18** · 08-04-2014 12:03 AM

ممكن فعلا يكون عندك جهاز فرامل بيمسك اقوى من التانى والصنايعية بيقوله عليه جهاز كسلان ... انت ممكن تجرب العربية فى مكان فاضى ودوس فرامل فجائية وتشوف العربية حتفضل محتفظة بثباتها ولا لأ . وربنا ستر

**lanos2004** · 08-04-2014 01:23 AM

انا شوفت المنظر دة وجيب بتلف حوالين نفسها مع ضغط فرامل فى ملف وربنا سترها الحمد لله وكان فى ملف

**Abdo Taha** · 08-04-2014 10:29 AM

زي ما الشباب قالوا ممكن يكون عندك مشكلة في توزيع الفرامل لأن عندي ممكن امسك فرامل مع الملفات عادي و مش بتعوم .

**M.Ayman** · 08-04-2014 12:22 PM

ممكم يكون فعلا عادي علي الملف مع فرامل جامده و ممكن تكون مشكله في ماستر الفرامل بيخلي عجله تقفش اقوي من عجل تانيه علشان كده لازم تشيك علي سيستيم الفرامل كله و حمدلله علي سلامتك

-

الموضوع: فقدت السيطره عالعربيه !

LinkBack

أدوات الموضوع

عرض

-

-

-

-

المواضيع المتشابهه

بويه جت عالعربيه اعمل ايه

هى دى قدره السيطره والتحكم

الموتور 1600 للبولو ينفع ولا تقيل عالعربيه؟

1600 للبولو ينفع ولا تقيل عالعربيه

الكلمات الدلالية لهذا الموضوع

المفضلات

المفضلات

ضوابط المشاركة