الطرق الزراعيه والتكاك هام جدا

**waleed alsudy** · 08-04-2014 11:45 AM

ياجماعه انا حبيت اطرح النهارده موضوع الكل اكيد عارفه وطارحه للنقاش علشان لازم يكون في حل
علشان كدا الموضوع زاد عن حده خالص
طبعا كلامي على الطرق الزراعيه اللي بقت خطورتها فظيعه جدا واستحاله تمشي على طريق زراعي ومش تلاقي حادثه او اثنين واغلبيه الحوادث بتكون من التكاتك
يعني انا مش هكلم على الشوارع المكسره او النقر او المطبات الفجائيه بدون اي تحذير وعدمم وجود اضاءات عند المطبات وغيره وغيره
انا هكلم عن التكاتك اللي بقت على الطرق الزراعيه اكتير من العرابيات نفسها وكل اللي سايقينها اطفال حتي مش وصلو السن القانوني للقياده يعني لا موبالاه للاسف
الكلام اللي هقوله دا والله شفته بعيني اول امبارح وربنا يحاسبني عليه
على طريق شبين الكون قبل المدخل بحوالي 4كيلو عرابيه نسيان صني الشكل اللي قبل الاخير تقريبا مرسومه على الشجره لقيت العرابيه لفه على الشجره ولما دققت اوي وانا معدي بالعرابيه لقيت ان الربع اللي ورا بس هو اللي ملحوم في الشجره اما باقي العرابيه طاير تحت والله لو فيلم اجنبي مش هيقدرو يعملو كدا وثلاث تكاتك مقلوبه تحت كمان
يعني منظر بشع جدا جدا
يعني دا يرضي مين ياجماعه
وعلى فكره انا من فتره قريبه يعني مش بعيده برده حصلي حادثه على الطريق الزراعي وانا راجع للقاهره وتقريبا قبل بنها المهم الميكروباص ماشي في امان الله ناحيه الشمال وفجائه جدا وبدون اي تحزير تكتك يجي من اليمين خالص ويكسر قدام السواق علشان يلف وبسببه اتقلبنا على الطريق وكنا نازلين على الترعه المهم ان ربنا ستر والحمدلله
المهم ياجماعه بجد لازم يكون في حل فوري للمهزله دي والارواح والممتلاكات اللي بتزهق كدا

وبشكركم جدا على اهتمامكم للموضوع واسف على الاطاله

**lidosasa** · 08-04-2014 12:23 PM

الدنيا بزرميط وكل اللى عايز يعمل حاجة بيعملها والتكاتك بتمشى على الطريق السريع مخالف والناس سايقة ولا كأننا فى لعبة gta ربنا يرحمنا برحمته

**Astra Lovers** · 08-04-2014 01:13 PM

لو عايز حل عملي ............ كل اللي يشوف تكتك يبوظه

**Elawany13** · 08-04-2014 02:15 PM

ربنا يرحمنا برحمته
بقت حاجه تقرف

**J A G U A R** · 09-04-2014 11:07 PM

ربنا يسترها علينا علشان فعلا بقت حاجه صعبه

**أبو آسر** · 10-04-2014 03:40 AM

مصر كلها بقت كده دلوقتي مش الطرق الزراعية بس
أنا اليوم اللي بخرج فيه بالعربية حتى لو رايح أجيب حاجة من السوبر ماركت اللي في السنتر اللي جنبي بيبقى يوم ما يعلم بيه إلا ربنا وآه بقى لو رايح مشوار مصر الجديدة مثلا ولا جسر السويس ! مراتي بقت بتكره تنزل معايا بسبب اللي بيحصلي وتقولي انت هتموت نفسك من اللي بتعمله ده
وعلى فكرة الموضوع مش سواقين تكاتك بس ! والله بلاقي ناس راكبة عربيات بتعدي ال100 ألف جنيه وميفرقوش حاجة عن واحد راكب عربية كارو !
بصراحة اللي حصل للبلد آخر 3 سنين ده كأنها كانت بلاعة مجاري وطفحت في الآخر وغرقت البلد وكل الناس ظهرت على حقيقتها والتدين المفتعل بتاع الشعب المتدين بفطرته ظهر على الوش الحقيقي
ربنا يطلعنا من البلد دي لأني فقدت الأمل فيها فعلا بدرجة 100% ومش شايف أي بشرى لأن الأخلاق في الحضيض والأجيال الجديدة بتتربى على الأخلاق دي فانتظروا ما هو أسوأ وأسوأ دي كلها مقدمات بس فاللي يقدر ينفد بجلده ينفد بشرط يكون محترم ومش عارف يتأقلم على الوضع علشان لو غير كده هينقل عدواه للبلاد اللي برة وبالتالي العالم كله هيبقى جحيم !!
#خواطر مقهور في بلد الشعب المتدين بفطرته !!