عاوز رأيكو فالفيرنا 2014

**Mico_Mico** · 08-04-2014 09:14 PM

انا كنت خلاص استقريت على فيرنا 2014 مانيوال فول اوبشن خصوصا انى كان معايا عربيتين فيرنا لمدة 6 سنين وعارف ادائها كويس - بس لما شفت بوست واحد كاتب انه لقى الجنوط الاربعة معووجين والغيار اللى هو بيتجاب بصباعك الصغير تقيل !!!!! وفرامل الايد خفيفة والنور مش شغال - وواحد تانى قال ان عربيته بردو ال 2014 بترمى يمين ومش نافع فيها اى تظبيط زوايا - انا من ساعتها اترعبت
طلبى بسيط وهو ان اى حد معاه فيرنا 2014 ومشى بيها على سرعات عالية 100 او اكتر يقولى ادائها كان ازاى واى ملاحظات تانية عالعربية
يا ريت بس اللى معاه فيرنا 2014 عشان الشكاوى دى كانت فى موديل السنة مش 2013 او اللى قبل كده

**ENG.MaRk** · 17-05-2014 08:34 AM

يعني حضرتك معاك فيرنا 6 سنين و لسة عايز فيرنا تاني ؟؟؟
انت مش بتزهق ولا ايه .... عربية مملة جدا و بغض النظر عن الاعتمادية الجبارة إلا إن العربية تفتقر لكل حاجة تقريبا من وسائل الأمان و الرفاهية .... العربية سعرها 80000 بس ممكن حضرتك تجيب بيها اللوجان الشكل الجديد ب 102000 تقريبا و لو فرق السعر كبير ممكن حضرتك تقسط الباقي علي سنتين .... اللوجان فيها 2 ايرباجز و abs و تقريبا ( مش متأكد ) فيها مثبت سرعة يعني فرق رهيب في الأوبشنز مع بقاء الاعتمادية

**Mico_Mico** · 17-05-2014 10:05 AM

على فكرة البوست ده قديم - انا من فترة فعلا غيرت رأيى وهجيب النيولوجان لسبب واحد بس - انى مش ناوى اعمل كيلومترات كتير - بس كصيانة واسعار قطع غيار الفيرنا احسن بكتير - والنيولوجان على فكرة مش غالية اوى كده - انا ناوى ان شاء الله اجيب الفئة التانية ب 86 وفيها اضعاف الاوبشنز اللى فالفيرنا - واعلى فئة ب 97 الف دى اللى فيها جى بى اس نافيجاشن وجنوط اسبور ومثبت سرعة وسنسور وايه بى اس وتكيف اوتوماتيك زيادة عن الفئة اللى هجيبها