سلام عليكم
انا معايا عربية نيسان صني 1999 بقالها سنة معايا وماشية زي الفل
المهم بقالها زي شهرين بتطلع دخان اسود ولما ادورها الصبح واسيبها تسخن وبعدين اجي ارجع لورا تقوم مبطلة وعشان متبطلش لازم احرق بنزين جامد وبعدها تمشي معايا زي الفل
وممشيها بنزين 92 ,,,, من 5 ايام مكنش في 92 فولتها 80 المهم تاني يوم م التفويلة روحت قولت اخلي الميكانيكي يشوف موضوع الدخان الاسدو دا والتبطيل مع اول رجوع لورا الصبح
روحتله قالي ننضف الكربراتير
وهعليلك السخان اول ما تدور الصبح هيبقي الار بي ام عالي لحد ما تسخن دوس دوسة بنزين واحدة هينزل الار بي ام لمكانه ,, المهم عمل كدا وتاني يوم جربت كلامه والعربية مشت زي الفل
ويومها لقيت تحت العربية شوية بنزين روحتله لقيت خرطوم تحت عند التنك مشقق غيرناه عادي
المهم جيت بقي اليوم اللي وراه
دورت بالظبط دقيقة وقامت مبطلة .. احاول ادور مفيش مش راضية حلفت بالتلاتة ماهي دايرة
جبت ناس زقوني مع العلم البطارية مية مية المهم دارت بالزق وفضلت دايس بنزين ع الاخر كان الار بي ام ع 5 وفجاة بعد دقيقة وانا دايس ع اخري قامت مبطلة
كمان زقة نفس الكلام
ف الاخر البطاريه تعبت وركنتها ..كلمت الميكانيكي قالي شوف حد يدورهالك وهاتها .. المهم الميكانيكي بعيد عني 30 كيلو مش هيجيلي روحت جبت كهربائي اعرفه شال العمة وقالي دور والعربية تعمل صوت كاتها مخنوقة مش عارف ساعتها هو كان بيعمل ايه ف الكربراتير ..اه وقبل ما نحاول كملنا تنك البنزين للاخر وفك خرطوم وقعد يشفط وبتاع
المهم انا عارف اني طولت اوي بس عشان تعرفو الحالة بالظبط
بعد العربية م دارت مشيت بيها يومين ..جيت ادور ف التالت مشتغلتش نفس الكلام
السؤال العيب ايه هل طرمبة بنزين ,,.هل العطل دا كدا فجاة ولا الميكانيكي وانا عنده بوظلي حاجة
لان العربية بقالها سنة موقفتنيش ولا مرة وشكرا