مروحه الايه اكس الاصليه اللى نازله مع المحرك1400 (اوعى تكون اللى عندك اللى نازله مع ال1100)قادره على تبريد المحرك مع التكييف بدون اى مشاكل
فالاول دوره التبريد سليمه ولا فيها اى مشاكل
رقم العضوية : 27613
تاريخ التسجيل : 13Dec2008
المشاركات : 110
النوع : ذكر
الاقامة : القاهرة
السيارة: لا يكن
السيارة[2]: CITROEN AX
الحالة :
السيارة أوبل أسترا موديل 2000 والتي بها محرك 1600 سم3 بها مروحة سرعتين قوية ومهيبة الشكل وكبيرة رغم صغر حجم غرفة المحرك نوعاً ما مساحة المربع 43سم *43 سم
أسعارها بتاريخ 2010 ولا اعلم سعرها الحالى:
- جديدة ألماني بحوالي 600 جنيه المروحة بالقميص.
- جديدة تايواني بحوالي 430 جنيه المروحة بالقميص.
- مستوردة استعمال الخارج أصلي ألماني 450 جنيه المروحة بالقميص أو حسب الفصال.
والمروحة منها نوعين كبير وصغير والمواصفات المذكورة اعلاه هى مواصفات الكبيرة وبها موتور اكبر وقوة تبريد عالية للغاية وريش على شكل موزة بتدفع الهواء بكميات اكبر على الراديتاتير
قرات عن مشكلة فى تبريد الشاهين معروضة بتاريخ 2010 واتحلت بهذه المروحة
والسؤال الستروين ax بيركب عليها مروحتها ومروحة الاكسارا .
هل هذه المروحة افضل من مراوح الستروين والاكسارا وهل يمكن ان تركب على الستروين لان الصيف جه وابتدت العربية تسخن وقبل كده المروحة علقت معايا مرتين وكانت العربية هاتجيب وش سلندر لولا ستر ربنا .
ارجو الافادة عن مشكلة الحرارة وهل الافضل جركن الميه الخضراء ام المادة الخام وازودها ميه حنفيه .وهل وضع مادة مزيل صدا الماتور مفيد ؟
ارجو الافادة مع الشكر
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
مروحه الايه اكس الاصليه اللى نازله مع المحرك1400 (اوعى تكون اللى عندك اللى نازله مع ال1100)قادره على تبريد المحرك مع التكييف بدون اى مشاكل
فالاول دوره التبريد سليمه ولا فيها اى مشاكل
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 27613
تاريخ التسجيل : 13Dec2008
المشاركات : 110
النوع : ذكر
الاقامة : القاهرة
السيارة: لا يكن
السيارة[2]: CITROEN AX
الحالة :
شكرا لمرورك الكريم استاذ روتانا ولكن كان الاستفسار عن الافضل من حيث القوة والاعتمادية الاعلى .
والمشكلة انى لسه ما سافرتش لمسافة طويلة بالعربية واكتر مسافة مشيتها متواصل لا تزيد عن 20 كيلو متر
وشفت لما الكهربائي التعبان ماوصلش كلبسات المروحة بشكل سليم غضب موتور الستروين وهو سخن والحرارة على 110 .الله لا يوريك لقيت الميه تحت العربية وواحد بيقول يا استاذ العربية جايبة ميه من تحت ولقيت البخار بدأ يطلع من الكبوت فركنت لمدة 20دقيقة وزودت ميه ورحت لاقرب كهربائى وبرضه ما وصلش الكليبسات كويس لحد ما انا عملتها بايدي .
بس حضرتك ماجاوبتنيش على الافضلية بين جركن الميه الخضراء ام المادة الخام اللى بتتزود على ميه الحنفية وعن استخدام المادة المزيلة لصدا الماتور
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
انت الاول عشان تظبط الاداء لازم تنضف دوره التبريد بالكامل عشان لو الدوره فيها سدد (بالزات عند الرداتير)المروحه حتشتغل كتير جدا عشان تعوض السدد حتى لو المروحه بتاعت الاوبل
انا او ما جبت الايه اكس عانيت كتير من الحراره والسبب ان الرداتير كانت مواسيره مسدوده وبعد تسليكه اصبحت المروحه تعمل زى 30 ثانيه وتفصل (جوده تبديد حرارى)
فانت امشى مع الخطوات دى
تفك الرداتير وتسلكه ماسوره ماسوره وتنضف خراطيمك ولو خرطوم مش عاجبك غيره(مشقق او ضعيف)وتقف على ايد الصنايعى وتتاكد انه سلكه ماسوره ماسوره
تتاكد ان طرمبه الميه بتقلب الميه كويس (فك خرطوم اللى رايح على الرداتير ودور وشوف قوه اندفاع الميه والضغط)تمام اوكيه ضعيف يتغير
قفل وحط ميه مقطره
تراجع وتظبط جميع الوصلات الكهربائيه والكتاوت بتاع المروحه للامان تعمل وصله تشغيل مباشر للمروحه فى التابلوه احتياطى لاى موقف طارئ(انا هاوى كهرباء وعامل كمان لمبه جوه التابلوه مع العدادات بتنور مع تشغيل مروحه الرداتير)
اه الغطا بتاع الرداتير تتاكد ان سوستته مظبوطه او تغيره نضافه
تجرب العربيه مشوارين وتتاكد ان مفيش تسريب فى الدوره والميه مبتنقصش
الميه الخضراء عندك نوعين ممتازين
ايادا اسبانى الجركن 5 لتر على ما اتذكر ب45 وتركيزه 5%(ده اللى بستخدمه وعند التغيير القادم حنقل لموبيل)
موبيل (الاقوى والافضل)جركن 4لتر ب85 على ما اتذكر تركيز45%
ويفضل تبدء بالايادا عشان الدوره تتعود على الميه الخضرا بتركيز اقل فى الاول
الكانز المركز بيقولو كويس بس التوب اللى قولتلك عليه
حتفضى الميه من الدوره بالكامل وتحط بدالها الميه الخضرا وتاخد هواك والتزويد بعد كده ميه مقطره وليست ميه خضرا
بعد اللى حتعمله فوق عايز تروح اسوان العربيه معاك تنسى السخونه تماما
بعد الظبطه دى لينا كلام لو المروحه لسه مقصره معاك
مزيل الصدء بيعتمد عل مواد زى ميه النار المخففه وده بينضف اه بس اى نقطه ضعف تتحول لتسريب وتلاقى الدوره بقت مصفه انا مجربه خليك فى التسليك اليدوى
ومتهملش روح العربيه الزيوت والتبريد تخليها اعتماديه وتروح على القمر والميه متسترخصش وتشترى ميه مصبوغه بلون اخضر تدمرلك وش السلندر
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 27613
تاريخ التسجيل : 13Dec2008
المشاركات : 110
النوع : ذكر
الاقامة : القاهرة
السيارة: لا يكن
السيارة[2]: CITROEN AX
الحالة :
متشكر ليك يا استاذ روتانا على هذه المعلومات القيمة وعلى الاهتمام بتعليم شخص مبتدئ فى مجال العربيات زي حالاتى .باذن الله انفذ كلامك حرفيا
جزاك الله كل خير
رقم العضوية : 9743
تاريخ التسجيل : 28Apr2008
المشاركات : 460
النوع : ذكر
الاقامة : Cairo
السيارة: Citroen Ax
السيارة[2]: Fiat Siena Fire 2007
دراجة بخارية: no
الحالة :
شكرا يا استاذ احمد على المعلومات الغزيره دى
واحب اوضح ان اى مروحه حجمها مناسب هاتشتغل كويس بشرط سلامة دورة التبريد ولكن انا بفضل مروحه الستروين الاصليه وهى موجوده بوفره استيراد
وانا برضه عامل زرار لتشغيل المروحه يدوى ولمبه بتنور مع تشغيل المروحه جنب الزرار فى التابلوه والمروحه فى عز الحر بتشتغل زى ما الاستاذ احمد قال حوالى نص دقيقه او اقل وتفصل لمده طويله ثم تعمل مره اخرى لنصف دقيقه وهكذا
واعتقد ان ده الطبيعى بتاعها لانها كانت بتشتغل عندى من اول ما العربيه تسخن لحد ما ابطل العربيه حتى لو فى الشتا بس لما ظبطت دورة التبريد وغيرت الترموستات بالتروموستات الموصى به للموديل ده بقت تمام زى ما وضحت قبل كده
على عبد الفتاح
أبو أحمد
المفضلات