الموضوع: دايهاتسو ميرا 98.. ماروتى 2002

السﻻم عليكم ورحمة الله
كنت ناوى اجيب ماروتى ولقيت عالنت واحده 2003 طالب 22 بس مش هدفع غير 20 والناروتى غنية عن التعريف

بعدين لقيت اعلان نزل من كام ساعه عن ميرا 98 وكلمت صاحبها قال 22 بس برضه مش هدفع غير 20 ﻷن دول اللي معايا

المهم ده وصف الاعلان
هاتسوا ميرا يابانى 100% موديل 1998 مانيوال بحالة الزيرو ممتازة موفرة جدا جدا فى البنزين فابريكة دواخل بالكامل - رشة برة نظافة - طارة باور - كاسيت - سماعات بايونير - تكييف مروحة و ليس فيريون بطارية جديدة بالضمان- ريداتير جديد - 4 فرد كاوتش تيوبلس جداد من 4 شهور فقط - عفشة مجددة بالكامل ماتور و فتيس و عفشة ممتازين - استعمال بيتى - لا تحتاج اى مصاريف ماشية 75.000 كيلوا فقط - كانت مرفوعة 3 سنين - رخصة سارية 2016 السيارة كما فى الصور لكن بدون فاميه - يرجى اصطحاب فنى للتاكد من صحة البيانات

وكلمته قال هي بتاعت والدته ومعاها توكيل من سنة وباقى سنتين في الرخصه

صور العربية حلوه.. هي لونها احمر بس مش مهم والفرش شكله نضيف

المهم ايه نظان العربيه دي عشان اول مرة اسمع عنها ويعني ايه تكييف مروحه ؟؟ وﻻ دي اشتغاﻻت


وتنصحوني ب ايه.... ةشكرا جزيﻻ

وايه نظامها وثباتها ؟؟ والسفر

الماروتي تتفوق ف الانتشار وقطع غيارها مرطرطه وكاربراتير يعني بنزين 80 وهتبقي موديل احدث ولو دورت شوية ممكن توقع حته مكيفه ب ال 22 الف / اما حكاية تكيف مروحه فده بيشتغل نفسه ومكسوف يقول انها مروحه وبتوزع الهوا من الهوايات اللي ف التابلوه طبعا دي محتاجه طريق مفتوح عشان مع الجري تحس بوجودها انما ف الزحمه انسي يمكن التكيف العادي ابو فيريون يادوب بينسم ف الزحمه بس اهه بيخفف من الحر شوية ومش بيجيب هوا سخن من بره وخلاص