الغاء السخن سبب فى ضرب وش السلندر؟؟

**Fo1Fo** · 13-04-2014 11:50 AM

المشاركة الأصلية كتبت بواسطة borio1704

أي سربنتينة في الدنيا الغرض منها حاجة إسمها "التبادل الحراري".. بمعنى إن يحصل إنتقال الحرارة من وسط لآخر.

وفي الحالة بتاعة السربنتينة فطبعا اللي بيفقد الحرارة هي السربنتينة واللي بيكتسب الحرارة هو الهوا المحيط... والنتيجة هي تبريد محتويات السربنتينة

التبريد بالطريقة دي مستخدم في تطبيقات كتير زي الرادياتير والـintercooler بتاع التربو ... وحتى سربنتينة تبريد الثلاجات في ظهر كل ثلاجات البيوت.

إذا.. سربنتينة الدفاية فعلا ممكن تزود كفاءة دايرة التبريد بشكل غير مباشر... بس تأثيرها على التبريد ضعيف نسبيا.. أولا بسبب فرق المساحة وثانيا كمية الهوا اللي بيعدي عليها أقل من الرادياتير.

...

عاوز أقول حاجه ان سربنتينه الدفايه ليس لها دور فى تبريد المحرك ( مادام مفتاح البارد ( البكر )او مزلاج البارد فى العربيات القديمه واقف فى المنتصف او على البارد ) لأن المفتاح ده متصل بصمام التحكم فى دخول الماء الساخن الى سربنتينه التكييف . متي يكون له دور ؟ لما المفتاح ده يجى على السخن وأشغل مروحه التكييف ( دون الضغط على زر التكييف ) وأنا بعمل الحكايه دى لما العربيه تسخن منى بشكل مفاجئ عقبال ماوصل للميكانيكى ( طبعا داخل كابينه القياده بيتحول الى جهنم ( بأتحمل أحسن ما جيب وش سلندر ) ممكن اللى حصل فى موضوع صاحب الموضوع والله أعلم هو بيقول انه حط سداده (انا فكيت خرطوم وسديته وركبته مكانه تانى بس هو مقفول من الداخل يعنى كده الميه موجوده جوه سربنتيته السخن بس مش ماشيه) ممكن السداده أتحطط فى أتجاه خروج الماء من سربنتينه التكييف الى الموتور وضغط المياه حركها من مكانها وراحت على الموتور وسدت حاجه فيه وحصلت المشكله . ان ماكانش حاجه من اللى أتقال هى السبب يبقى ده كان قدرها وجت فى صاحبنا صاحب الفكره علشان كده لا تسوق عربيه غيرك ولا تلعبلوا فيها لا قدرها يكون على أيدك

**مصطفى-حسن** · 13-04-2014 01:06 PM

المشاركة الأصلية كتبت بواسطة midnightman_74

سربنتينة من غير ما يعدى عليها هواء فى علبة مقفولة ؟؟؟ أمال فايدتها اية ولية محطوطة ؟

عشان التكييف السخن لما تيجى تشغلة او تخلط هواء سخن على بارد عشان توصل لدرجة حرارة معتدلة داخل الكابينة فى فصل الشتا

باختصار عشان التكييف السخن

المشاركة الأصلية كتبت بواسطة borio1704

أي سربنتينة في الدنيا الغرض منها حاجة إسمها "التبادل الحراري".. بمعنى إن يحصل إنتقال الحرارة من وسط لآخر.

وفي الحالة بتاعة السربنتينة فطبعا اللي بيفقد الحرارة هي السربنتينة واللي بيكتسب الحرارة هو الهوا المحيط... والنتيجة هي تبريد محتويات السربنتينة

التبريد بالطريقة دي مستخدم في تطبيقات كتير زي الرادياتير والـintercooler بتاع التربو ... وحتى سربنتينة تبريد الثلاجات في ظهر كل ثلاجات البيوت.

إذا.. سربنتينة الدفاية فعلا ممكن تزود كفاءة دايرة التبريد بشكل غير مباشر... بس تأثيرها على التبريد ضعيف نسبيا.. أولا بسبب فرق المساحة وثانيا كمية الهوا اللي بيعدي عليها أقل من الرادياتير.

...

دة غير ان الهوا مبيعديش عليها غير لما تفتح لها من البكرة اللى هيا احمر فى ازرق

المشاركة الأصلية كتبت بواسطة fo1fo

عاوز أقول حاجه ان سربنتينه الدفايه ليس لها دور فى تبريد المحرك ( مادام مفتاح البارد ( البكر )او مزلاج البارد فى العربيات القديمه واقف فى المنتصف او على البارد ) لأن المفتاح ده متصل بصمام التحكم فى دخول الماء الساخن الى سربنتينه التكييف . متي يكون له دور ؟ لما المفتاح ده يجى على السخن وأشغل مروحه التكييف ( دون الضغط على زر التكييف ) وأنا بعمل الحكايه دى لما العربيه تسخن منى بشكل مفاجئ عقبال ماوصل للميكانيكى ( طبعا داخل كابينه القياده بيتحول الى جهنم ( بأتحمل أحسن ما جيب وش سلندر ) ممكن اللى حصل فى موضوع صاحب الموضوع والله أعلم هو بيقول انه حط سداده (انا فكيت خرطوم وسديته وركبته مكانه تانى بس هو مقفول من الداخل يعنى كده الميه موجوده جوه سربنتيته السخن بس مش ماشيه) ممكن السداده أتحطط فى أتجاه خروج الماء من سربنتينه التكييف الى الموتور وضغط المياه حركها من مكانها وراحت على الموتور وسدت حاجه فيه وحصلت المشكله . ان ماكانش حاجه من اللى أتقال هى السبب يبقى ده كان قدرها وجت فى صاحبنا صاحب الفكره علشان كده لا تسوق عربيه غيرك ولا تلعبلوا فيها لا قدرها يكون على أيدك

للاسف الانوس والنوبيرا مفيهاش مفتاح للتحكم فى دخول المية السخنة للسربنتينة وعشن نتحكم فى المية اللى داخلة لسربنتينة السخن بيكون مانيوال اننا نوصل الخرطومين (الداخل والخارج) فى بعض

**mohamedsamir03** · 19-08-2014 04:34 PM

حلو الموضوع دة جدااااااااااااااااااا
وبجد بجد انا بشكر كل من شارك فية
لان عندى مشكلة فى الثلاجة الداخلية اللى داخل التابلوة
وكتبت استفسار فى موضوع منفصل تانى
اسمحولى انى انقلة هنا
(((( انا عندى ثلاجة التكييف نيو اكسنت اللى موجودة تحت التابلوة باظت بعد ما كشفت على التكييف مرتين عند 2 صنايعية
واكد ان الثلاجة بايظة ولازم نفك التابلوة عشان نغيرها

والاهم انها غالية ومش موجودة ولفيت عليها كتييير وقلقان من فك التابلوة

وامبارح وانا فى التوفيقية بسال عليها صاحب محل قالى حاجة غريبة قاللى الغى الثلاجة دى خالص وكانها مش موجودة لانها هاتلغى الساخن بس لكن التكيف هايشتغل عادى
انا حسيت انة بيشتغلنى بس قعد يشرح واكدلى انه عملها فى عربية صديقة وتمام

فانا على حد علمى البسيط ان الثلاجة دى هى اللى بتبقى ساقعة والهواء بيعدى عليها يبرد ويدخل على العربية

وبالمناسبة بشعر ان فية هواء ساخن دائما داخل الصالون

انا مش فاهم حاجة

ومش عارف دة صح ولا غلط

ارجو الافادة )))

سؤال تانى اللى فاهمة من كلامكم ان داخل الثلاجة الداخلية بيمر فيها مياة ولا اية
طيب اية علاقة الفريون بالموضوع
لان بتاع التكييف لما كان بيضغط هواء فى الدائرة عشان يختبر اى تسريب

التسريب ظهر من الثلاجة معنى كدة ان اللى بيمر فى المواسير غاز مشى مياة طيب المياة دى تبقى فين
معلش لو سؤللى عبيط بس انا حابب افهم
وبشكركم