مقارنة فلوانس وسيفيك

**hmostafaahm** · 09-04-2014 06:06 AM

أنا حاليا بقارن بين العربيتين دول استبعدت الكورولا من المقارنة لسبب واحد بس أنى معاي الكورولا ٢٠١١ ومش هافرط فيها ومش ناوى اعمل معرض تاريخ تويوتا بامتلاك عربيتين كورولا ومع ذلك اشهد لتويوتا بال اعتمادية والتوكيل محترم جداً بخبرة تعامل ٣ سنين ، نرجع للمقارنة بتاعتنا أنا بفاضل بين العربيات التانية فى فئة الكورولا وأعلى تفضيل عندي كان للفلوانس e4 اللى هى الفئة اللى سعرها ١٨٨ الف وما بين السيفيك vti الهايلاين عايز رأيكم فى هذه المقارنة

**ahmzd** · 09-04-2014 06:48 AM

رأيي المتواضع .. فلوينس للأسباب الآتية : -
أولا : حاليا في 2014 .. الفلوينس أكثر انتشارا من السيفيك !
ثانيا : الفيس ليفت بتاع الفلوينس الحالي تطوّر كثيرا عن الشكل الماضي داخليا وخارجيا ، شكلا ومضمونا .
ثالثا : الفلوينس واسعة جدا جدا من حيث الصالون والشنطة ، وأيضا أكثر ارتفاعا عن الأرض .
رابعا : الفلوينس كسعر مقابل إمكانيات ممتازة ، ففيها كل شيء وفي نفس الوقت أرخص من السيفيك !
خامسا : السيفيك لم يحدث بها أي تغيير جذري منذ عام 2006 ، اللهم إلا الشكل الخارجي وتغيير طفيف في شكل العدادات والمقود ! أما الموتور والشاسيه والفتيس فلا تغيير نهائيا ! وإن كان الحق يقال أن أساسياتها هذه ممتازة .. ولكن التطوير هام جدا ومطلوب وعامل رئيسي في المنافسة !
سادسا : توكيل رينو من أفضل التوكيلات وأكثرها احتراما وفهما حاليا في مصر .. وسمعته هذه عمرها عدة أعوام .
هذا .. والله أعلى وأعلم .. وانتظر رأي باقي الأعضاء المحترمين فأنا أقلهم خبرة في هذا المجال !!

**ALnadi** · 09-04-2014 08:50 AM

ياراجل
السيفيك أعتماديتها وتوكيلها ومضمونها محدش يقدر يكابر عليهم وإلا يكون بيغالط نفسه ده غير الماكينه الماكينه الفيتيك الكل بيشهد ليها ولأدائها المميز ده غير طبلوها المعروف بطبلو الطيارة
أقول إيه ولا إيه
السيفيك عروسة اليابانى
وربنا يكرمنا بيها إن شاء الله

**hany63** · 09-04-2014 10:19 AM

ممكن تشوف الموضوع ده

http://www.nilemotors.net/Nile/404649-bmw-f30.html

**تامر.محمد** · 09-04-2014 10:28 AM

حسب عايز من العربية ايه
عموما الفلوينس و الكورولا 2014 قريبين جدا من بعض و محترمين جدا الاتنين

السيفيك تتفوق على الاتنين كعادتها في الثبات و التسارع بوضوح
مش عارف نظام السيفيك هايلاين في الكماليات ايه بصراحة

**speranz** · 09-04-2014 12:53 PM

الكورولا والفلوانس زى بعض عربية عائلية وعواجيزى حبتين
رائى السيفيك احسن فى هذه الحالة كنوع من التغيير

**hany63** · 09-04-2014 02:04 PM

المشاركة الأصلية كتبت بواسطة م أحمد

عامل الارتفاع عن الارض دا اوبشن من اوبشنات العربية الهام جدا جدا بما انك فى مصر

يعنى الفلوينس

و من ناحية تانية كعربية نعومة و شكل الهوندا اعلى من تويوتا ذات نفسها !!!

السيفيك الجديده بقت عاليه
دي يمكن بقت اعلى حاجه في فئتها