الموضوع: تقرير سريع عن نيو لوجان :)

بسم الله الرحمن الرحيم

الحمد لله الذي رزقنا اياها بلا حول منا ولا قوة

اخوية الصغير استلم العربية الجميلة رينو لوجان الجديدة فئة comfort


طيب مبدأيا دي تاني عربية لوجان عندنا .... معانا الشكل القديم مانيوال فول اوبشن 2010

العربية ما شاء الله تبارك الله شكلها من بره جميل جدا وفاجر .... مع احترامي للشكل السابق بس في فرق كبير
هو اشتراها من معرض فئة ال COMFORT باوفر برايس 2000 جنية
يعني هي سعرها اساسا 92000 وهو جابها 94000
الفئة دي اول فئة فيها ABS وفيها التكييف DIGITAL وبصراحة الاهم من النكييف هو موضوع الفرامل ده

العربية ما شاء الله واسعه زي الموديل اللي قبله
العفشة محترمة جدا زي الموديل اللي قبله
صوت الموتور ... عندي احساس انه اهدى وانعم ... ولو اني مش متأكد لان الانطباع الاول في الحجات دي احيانا بيعمل تخيلات .... ههههههههههههههههههه

التارة مالتي فنكشن
البلوتوث موجود زي القديم
زراير الازاز في الباب وفي في المكان القديم زراير للازاز اللي ورا عشان التحكم من عند السائق

العربية كميكانيكا وفتيس وكده ما اعتقدش انها اختلفت كتير عن القديمة ... اعذروني انا دكتور ومش بفهم اوي في الحجات دي



بس كشكل طبعا الشكل الجديد احلى بكتير ...

بجد الحاجة اللي فرحتني .... الطابلوه اشيك بكتير اوي اوي
العيوب بقا اللي لسه موجوده من الجيل الاول

الكلاكس لسه في الدراع ( مش عارف ليه )
التانك بيفتح بالمفتاح بتاع العربية


استلمنا الورق بتاع العربية بعد يومين ورخصناها الحمد لله

انا صورتها حبة صور .... بس مش عارف ازاي ارفعهم .... يا ريت حد يدلني وانا جاهز