جنوط الفيرنا

**Mico_Mico** · 09-04-2014 10:04 AM

انا لاحظت فى مشاركات وردود كتير ان تقريبا فى اجماع انك لما تشترى فيرنا زيرو هتلبس معاها خمس جنوط معووجين صناعة مصرية اصيلة
فالحالة دى لو عملت شكوى وطلبت تغيير الجنوط - الجديدة هتبقى نفس الكلام ولا ايه؟؟؟
وناس كتير منكو بيقولو ان مفيش حل للمشكلة دى غير تغيير الجنوط ( على حسابى طبعا ) بجنوط اصلية كورى - فكنت عاوز اعرف تكلفة خمس جنوط كام وهل تغييرها بره التوكيل يطلعها مالضمان؟؟؟
برجاء الرد عشان عاوز اجيب فيرنا 2014 لو الدنيا ممكن تتظبط

**A_H_M_A_D** · 09-04-2014 01:07 PM

ريح دماغك و ركب جنوط أسبور من عند أي واحد بتاع جنوط , كمان لأنها بتدي العربيه ثبات أكتر على الطريق و بتخلي شكلها رياضي و شيك جدا

**El Prince** · 09-04-2014 01:18 PM

بقالها معايا خمس سنين و مفيش الكلام ده نهائى و ماشيه زى الفل

**eslam atia** · 09-04-2014 01:44 PM

علي فكرة
مش كل العربيات نازلة بالعيب دا
فيه وفيه
انت ونصيبك
بس الافضل طبعا انك تجيب مقاس اكبر علشان الثبات والفرامل

**bassem samir** · 09-04-2014 03:12 PM

متابع

**MEMODINA1** · 09-04-2014 03:25 PM

انا هتكلم عن تجربتى انا وممكن تختلف عن باقى التجارب ولكن انا بتكلم عن تجربة شخصية ..
فى الاول لما جبت العربية كنت احس رعشة عند 100 كدا . قلت عادى ورصص وبرضة نفس الموضوع .. قعدت فترة مبصش على الموضوع لان كل مشاويرى داخل المدينة وطرق زحمة .. لحد ما جيت فى مرة اسافر واذا بالعربية كلها مش الدريكسيون بس بتترج حتى الكراسى عند سرعة 130 .. رحت التوكيل ومن الاخر معرفوش يقولوا حاجة واحد يقولى انت اكلت بلاعة والتانى يقولى انت اخدت حفرة جامدة .. ما عدا واحد ابن حلال ربنا يكرمة اخدنى على جمب وقالى . يا استاذ عندنا فى التوكيل عارفيين مشكلة الرعشة دى وهى بتبقى جنوط معووجة مش منك ولكن لانها صناعة مصرية رديئة ومش هتظبط معاك نهائى وهتحس بالرعشة على طول ..
اخدت بعضى ورحت واخد جنوط سبور 14 من واحد صديقى اجربهم قبل ما اشترى قلت يمكن يكون بيضحك عليا ... جرب يا عم وررصص الجنوط على حسابى طبعا واطلع لقيت العربية كويسة 120 و130 وعند 140 حسيت بالرعشة تانى وقوية برضة مش قليلة رغم انى كنت حاطط رنجات بتاعت صديقى ... ورغم كدا لقيت العربية ناشفة على الطريق والمدقات والنقر وكدا مش عجبانى ومش زى الاول .. رغم الكاوتش كان بريدجستون جديد ..
رحت مكدبتش خبر وقلت بلاش جنوط سبور وكل شوية اخرط رنجات والعفشة نشفت كمان .. لاة خلينى فى الحديد الجنط وربنا يسهل ...
رحت التوكيل قلتلة عايز جنط حديد كورى مقاس 13 .. قالى موجود رحت بصيت علية وعلى الارقام التسلسلية نفس الارقام بتاعت الجنط هى نفسها اللى مكتوب على الكرتونة وطبعا الجنط علية علامة هيونداى محفورة تقريبا جمب البلف او ابعد شوية كدا ... كام يا عم قالى 500 جنية الجنط ... طبعا كتيير اوى اوى اوى .. لما لقانى متردد قالى حضرتك جرب الجنوط الحديد دى وعلى ضمانتى الشخصية وهتلاقى العيب اختفى بتاع الرعشة ... كلامة وثقتة طمنونى .. رحت جايب 4 جنوط ورحت رصصت وطلعت اجرب .. اول حاجة كنت جربتها العفشة .. لاقيتها ناعمة زى الاول بالضبط ومفيش دب فى العفشة ...
طلعت على الطريق اجرب .. بس الله ماشاء الله ولا حول ولا قوة الا بالله ..
اختلاف شاسع ولا تقولى رنجات ولا حوار ركب الجنط ورصص وشكرا العربية الحمد لله اتظبطت وبقت تمام الحمد لله ..
وبجيب بيها السرعة اللى عايزها .. الحمد لله .. بس خد بالك انا كنت مغير الكاوتش ونوعة تويو يابانى مش المصرى اللى كان نازل معاها ..
بيعت الجنوط المصرى الاربعة ب 200 جنية .. يعنى 10 % من تمنة كورى ..
وللعلم المصرى معلوش علامة هيونداى محفورة .. انما الاصلى علية العلامة محفورة

**Mico_Mico** · 09-04-2014 07:58 PM

المشاركة الأصلية كتبت بواسطة memodina1

انا هتكلم عن تجربتى انا وممكن تختلف عن باقى التجارب ولكن انا بتكلم عن تجربة شخصية ..
فى الاول لما جبت العربية كنت احس رعشة عند 100 كدا . قلت عادى ورصص وبرضة نفس الموضوع .. قعدت فترة مبصش على الموضوع لان كل مشاويرى داخل المدينة وطرق زحمة .. لحد ما جيت فى مرة اسافر واذا بالعربية كلها مش الدريكسيون بس بتترج حتى الكراسى عند سرعة 130 .. رحت التوكيل ومن الاخر معرفوش يقولوا حاجة واحد يقولى انت اكلت بلاعة والتانى يقولى انت اخدت حفرة جامدة .. ما عدا واحد ابن حلال ربنا يكرمة اخدنى على جمب وقالى . يا استاذ عندنا فى التوكيل عارفيين مشكلة الرعشة دى وهى بتبقى جنوط معووجة مش منك ولكن لانها صناعة مصرية رديئة ومش هتظبط معاك نهائى وهتحس بالرعشة على طول ..
اخدت بعضى ورحت واخد جنوط سبور 14 من واحد صديقى اجربهم قبل ما اشترى قلت يمكن يكون بيضحك عليا ... جرب يا عم وررصص الجنوط على حسابى طبعا واطلع لقيت العربية كويسة 120 و130 وعند 140 حسيت بالرعشة تانى وقوية برضة مش قليلة رغم انى كنت حاطط رنجات بتاعت صديقى ... ورغم كدا لقيت العربية ناشفة على الطريق والمدقات والنقر وكدا مش عجبانى ومش زى الاول .. رغم الكاوتش كان بريدجستون جديد ..
رحت مكدبتش خبر وقلت بلاش جنوط سبور وكل شوية اخرط رنجات والعفشة نشفت كمان .. لاة خلينى فى الحديد الجنط وربنا يسهل ...
رحت التوكيل قلتلة عايز جنط حديد كورى مقاس 13 .. قالى موجود رحت بصيت علية وعلى الارقام التسلسلية نفس الارقام بتاعت الجنط هى نفسها اللى مكتوب على الكرتونة وطبعا الجنط علية علامة هيونداى محفورة تقريبا جمب البلف او ابعد شوية كدا ... كام يا عم قالى 500 جنية الجنط ... طبعا كتيير اوى اوى اوى .. لما لقانى متردد قالى حضرتك جرب الجنوط الحديد دى وعلى ضمانتى الشخصية وهتلاقى العيب اختفى بتاع الرعشة ... كلامة وثقتة طمنونى .. رحت جايب 4 جنوط ورحت رصصت وطلعت اجرب .. اول حاجة كنت جربتها العفشة .. لاقيتها ناعمة زى الاول بالضبط ومفيش دب فى العفشة ...
طلعت على الطريق اجرب .. بس الله ماشاء الله ولا حول ولا قوة الا بالله ..
اختلاف شاسع ولا تقولى رنجات ولا حوار ركب الجنط ورصص وشكرا العربية الحمد لله اتظبطت وبقت تمام الحمد لله ..
وبجيب بيها السرعة اللى عايزها .. الحمد لله .. بس خد بالك انا كنت مغير الكاوتش ونوعة تويو يابانى مش المصرى اللى كان نازل معاها ..
بيعت الجنوط المصرى الاربعة ب 200 جنية .. يعنى 10 % من تمنة كورى ..
وللعلم المصرى معلوش علامة هيونداى محفورة .. انما الاصلى علية العلامة محفورة

انت نسيت الاستبن كنت تبيعو هو كمان وتجيب مكانو جنط جديد

**Mico_Mico** · 09-04-2014 08:00 PM

المهم دلوقتى انا فى اسيوط والعربية هتتجاب من توكيل هيونداى اللى فى اسيوط - الجنوط الاصلية دى تتجاب منين
انا عندى استعداد انزل القاهرة بس مقعدش الف وادور عاوز اعرف العنوان direct

**MEMODINA1** · 09-04-2014 10:23 PM

المشاركة الأصلية كتبت بواسطة mico_mico

المهم دلوقتى انا فى اسيوط والعربية هتتجاب من توكيل هيونداى اللى فى اسيوط - الجنوط الاصلية دى تتجاب منين
انا عندى استعداد انزل القاهرة بس مقعدش الف وادور عاوز اعرف العنوان direct

حضرتك مفيش مشكلة انت بتروح التوكيل اللى عندك مش مستاهلة تسافر وبعدين تطلب حجز للجنوط الاربعة وحوالى اسبوعين وهيتصلوا بيك وتاخدهم .. بس الاول جرب عربيتك ممكن تكون مظبوطة وحظك حلو .. مع انى متاكد انها هترعش ...! معاك

**m7md 3tya** · 10-04-2014 12:46 AM

المشاركة الأصلية كتبت بواسطة memodina1

انا هتكلم عن تجربتى انا وممكن تختلف عن باقى التجارب ولكن انا بتكلم عن تجربة شخصية ..
فى الاول لما جبت العربية كنت احس رعشة عند 100 كدا . قلت عادى ورصص وبرضة نفس الموضوع .. قعدت فترة مبصش على الموضوع لان كل مشاويرى داخل المدينة وطرق زحمة .. لحد ما جيت فى مرة اسافر واذا بالعربية كلها مش الدريكسيون بس بتترج حتى الكراسى عند سرعة 130 .. رحت التوكيل ومن الاخر معرفوش يقولوا حاجة واحد يقولى انت اكلت بلاعة والتانى يقولى انت اخدت حفرة جامدة .. ما عدا واحد ابن حلال ربنا يكرمة اخدنى على جمب وقالى . يا استاذ عندنا فى التوكيل عارفيين مشكلة الرعشة دى وهى بتبقى جنوط معووجة مش منك ولكن لانها صناعة مصرية رديئة ومش هتظبط معاك نهائى وهتحس بالرعشة على طول ..
اخدت بعضى ورحت واخد جنوط سبور 14 من واحد صديقى اجربهم قبل ما اشترى قلت يمكن يكون بيضحك عليا ... جرب يا عم وررصص الجنوط على حسابى طبعا واطلع لقيت العربية كويسة 120 و130 وعند 140 حسيت بالرعشة تانى وقوية برضة مش قليلة رغم انى كنت حاطط رنجات بتاعت صديقى ... ورغم كدا لقيت العربية ناشفة على الطريق والمدقات والنقر وكدا مش عجبانى ومش زى الاول .. رغم الكاوتش كان بريدجستون جديد ..
رحت مكدبتش خبر وقلت بلاش جنوط سبور وكل شوية اخرط رنجات والعفشة نشفت كمان .. لاة خلينى فى الحديد الجنط وربنا يسهل ...
رحت التوكيل قلتلة عايز جنط حديد كورى مقاس 13 .. قالى موجود رحت بصيت علية وعلى الارقام التسلسلية نفس الارقام بتاعت الجنط هى نفسها اللى مكتوب على الكرتونة وطبعا الجنط علية علامة هيونداى محفورة تقريبا جمب البلف او ابعد شوية كدا ... كام يا عم قالى 500 جنية الجنط ... طبعا كتيير اوى اوى اوى .. لما لقانى متردد قالى حضرتك جرب الجنوط الحديد دى وعلى ضمانتى الشخصية وهتلاقى العيب اختفى بتاع الرعشة ... كلامة وثقتة طمنونى .. رحت جايب 4 جنوط ورحت رصصت وطلعت اجرب .. اول حاجة كنت جربتها العفشة .. لاقيتها ناعمة زى الاول بالضبط ومفيش دب فى العفشة ...
طلعت على الطريق اجرب .. بس الله ماشاء الله ولا حول ولا قوة الا بالله ..
اختلاف شاسع ولا تقولى رنجات ولا حوار ركب الجنط ورصص وشكرا العربية الحمد لله اتظبطت وبقت تمام الحمد لله ..
وبجيب بيها السرعة اللى عايزها .. الحمد لله .. بس خد بالك انا كنت مغير الكاوتش ونوعة تويو يابانى مش المصرى اللى كان نازل معاها ..
بيعت الجنوط المصرى الاربعة ب 200 جنية .. يعنى 10 % من تمنة كورى ..
وللعلم المصرى معلوش علامة هيونداى محفورة .. انما الاصلى علية العلامة محفورة

باشا بعد اذنك يعني بعد التغير بالجنط الحديد الكوري مبيحصلش اي رعشه بعد ال 140 علشان انا بعد ال 140 بحس العربيه بتتنطط