الموضوع: أستفسار بخصوص صوت فرامل و هوا تكييف البيجو 301

فى 3 حاجات لاحظتها عندى فى البيجو 301 هاى لاين و أرجو الأفادة عن أسبابها:

1- لما بشغل التكييف بعد ما امشى بالعربية - زى ماهما كاتبين فى الكتالوج - بيطلع هواء رحته مزعجه و كانه هواء فاسد لمدة ثوانى؟ هل ده طبيعى و لا فى مشكلة فى الفلتر؟

* ملاحظة: بعضكم عارف إنى كنت من المبتلين بقطع خرطوم مية الردياتير و من ضمن النتائج إن غرفة المحرك بأكملها إتغرقت بمية الردياتير المعالجة كيميائياً, هما فى أبو رواش غسلوا غرفة المحرك - كان لونها تقريباً ابيض بعد نشفان المية -بس من ساعتها و ريحة هوا التكييف بقت كده و خصوصاً لما أبدأ أشغله و العربية سخنه.

2- طبعاً انا وصلت لحوالى 1200 كيلو, و اظن كده العربية اتلينت و المفروض إن الفرامل طبعت, لكن من بعد اول 800 كيلو بدأت اسمع صوت هسيس واضح لما أضغط على دواسة الفرامل حتى ولو بهدوء جداً وعلى سرعات عالية و منخفضة (حتى لو ماشى على سرعة 10 كيلو).

* صوت الهسيس عامل زى صوت الذراع الهيدروليكى اللى فيه زيت لما تيجى تفتح المشاية الكهربائية.

3- صوت اقرب ما يكون بشفرة موريس (نبضات قريبه ورا بعض ثم صمت لمدة ثانية و يرجع الصوت تانى) لما اقف بالعربية و جيبها على وضع الركن و سحب ذراع فرامل اليد, هل ده طبيعى؟ و إيه سببه؟

شكراً جزيلاً مقدماً على أرائكم و اتمنى على الله إن مايكنش فى حاجه محتاجه مرواح للتوكيل و تكاليف زيادة.

المشاركة الأصلية كتبت بواسطة hema_basha

1- ده انا مش عارف ده طبيعي ولا لا بس عموما هو عندي يعني وعارف قصذك بالريحة المزعجة دي ولسه موجودة لحد دلوقتي مع اني لسه مغيرفلتر تكييف من 3 الاف كم
2- الصوت ده طبيعي متقلقش منه وعارف انت قصدك ايه وجميل اوي تشبيهك ده بس هو الصوت ده عالي ومزعج ولا لازم هدوء علشان تسمعه

الصوت مزعج لانه مش طبيعى و بيخلينى مش مطمئن إن ممكن تبقى فى مشكلة اكبر قدام, و مش عارف هل ده تيل الفرامل اللى الكل بيشتكى منه و بيتم تغييره بإستمرار ولا حاجه تانيه, هاجرب فكرة الأستاذ ابو هند و اشوف بعد كده, الصوت بيبان لو انا قافل التكييف و الكاسيت.