تويوتا ستارليت ولا إكسيل

**mikho83** · 09-04-2014 12:49 PM

بقارن بين العربيتين دول لأني هاشتري خلاص وتعتبر أول سيارة لي في حياتي، قدامي تويوتا ستارليت موديل 91 بها تكييف وسنتر وزجاج كهربا 1300 سي سي، مطلوب فيها 28 الف،
وفيه بردوا اكسيل موديل 97 فاضية 1300 سي سي مطلوب فيها 27 الف، العربيتين حالتهم كويسة، وانا عموما عايزها لمشوار شغلي (100 كيلو رايح جاي) ، يا تري ايه الافضل، ولو فيه اختيارات أحسن من كدا ممكن ادخلهم على الخط. انا عايز عربية اقتصادية وتتحمل معايا المشوار.

**speranz** · 09-04-2014 12:56 PM

اكسيل طبعا

**Ahmed Saad** · 09-04-2014 01:13 PM

ياباشا عن تجربه الاكسيل دي عربيه مش أصيلة بالمره بتفتح بقها على طول انا جبتها من 2011 وبعتها في آخر 2013 بعد ماصرفت عليها اكتر من 13 الف جنيه عربيه مش بتستحمل الطرق والمطبات انا مره خدت بيها مطب بليل وانا مش واخد بالي فرده الشاسيه لحامها فك مع أنه كان مطب مش اوى وبسببه غيرت عفشه اماميه كامله ده غير أنها عربيه غير معمره بالمره في الآخر بعتها وجبت الماني علشان ارتاح من الهم والقرف فالياباني انضف طبعا فاختار التويوتا ستارليت أو دخل في الحسابات سيات ابيزا 94 عربيه محترمة جدا أو الفيات تمبرا برقبتهم هما الاتنين وان شاء الله موفق

**ahmedalaahosny** · 09-04-2014 02:59 PM

الاستارليت عربية تحفه بس يعيبها ان قطع غيارها قليله والاكسيل لا شكل ولا مضمون الركب بتشرخ وعفشه علي دونجل يعني صباح الاحساس بكل طوبه ف الطريق لو عايز حاجة زيها خليك ف التمبرا بس لو لقيت حاجة نضيفه وبرده اتفرج ع الشاهين دفع خلفي وحماله اسية هي بس كراسيها مش مريحه شوية ودبرياجها عالي لكن هتتعود عليها في برده حاجة كبيره كده اسمها دايو سبيروا دي عن تجربه 6 سنين العربية دي حماله اسية بشكل وممكن توقع حته اوتوماتيك وتكيف ومرايات كهربا فول اوبشن ب حاجة وتلاتين وقطع غيارها مرطرطه ف الحرفيين انما لو عايز حاجة هاتشباك دور علي كورسا وابيزا بس العربيات دي شبابية ف النضيف منها قليل والباقي اتفحت شغل ولو عايز حاجة صغيره بس بشنطه دور علي سوزوكي سويفت ياباني موديل 93 ناعمه جدا ف السواقه ومكيفه وموفره جدا ف البنزين وعفشة ماكفرسون احسن حال بكتير من الدونجل بتاع الاكسيل من حيث الاحساس بالطريق ( بم ان الحكاية فيها 100 كيلو كل يوم يبقي دور ع الاريح ف القعده والسواقه )

**mikho83** · 09-04-2014 09:22 PM

المشاركة الأصلية كتبت بواسطة ahmedalaahosny

الاستارليت عربية تحفه بس يعيبها ان قطع غيارها قليله والاكسيل لا شكل ولا مضمون الركب بتشرخ وعفشه علي دونجل يعني صباح الاحساس بكل طوبه ف الطريق لو عايز حاجة زيها خليك ف التمبرا بس لو لقيت حاجة نضيفه وبرده اتفرج ع الشاهين دفع خلفي وحماله اسية هي بس كراسيها مش مريحه شوية ودبرياجها عالي لكن هتتعود عليها في برده حاجة كبيره كده اسمها دايو سبيروا دي عن تجربه 6 سنين العربية دي حماله اسية بشكل وممكن توقع حته اوتوماتيك وتكيف ومرايات كهربا فول اوبشن ب حاجة وتلاتين وقطع غيارها مرطرطه ف الحرفيين انما لو عايز حاجة هاتشباك دور علي كورسا وابيزا بس العربيات دي شبابية ف النضيف منها قليل والباقي اتفحت شغل ولو عايز حاجة صغيره بس بشنطه دور علي سوزوكي سويفت ياباني موديل 93 ناعمه جدا ف السواقه ومكيفه وموفره جدا ف البنزين وعفشة ماكفرسون احسن حال بكتير من الدونجل بتاع الاكسيل من حيث الاحساس بالطريق ( بم ان الحكاية فيها 100 كيلو كل يوم يبقي دور ع الاريح ف القعده والسواقه )

المشكلة اني الاقي فعلا عربية نضيفة، انا بحب الابيزا جدا، بس كل اللي اتفرجت عليهم متبهدلين

**carrier** · 10-04-2014 12:15 PM

سك عالتويوتا ستارليت خلاص بح فى مصر والكام عربية اللى فاضلين ملهمش قطع غيار تقريبا

الاكسيل لازم تكون فعلا فابريكة وهى الاقرب لك

بس اوعى تدبس فى عربية وحشة تكون مليانة بارومة وتشاريخ

**mikho83** · 10-04-2014 02:24 PM

المشاركة الأصلية كتبت بواسطة carrier

سك عالتويوتا ستارليت خلاص بح فى مصر والكام عربية اللى فاضلين ملهمش قطع غيار تقريبا

الاكسيل لازم تكون فعلا فابريكة وهى الاقرب لك

بس اوعى تدبس فى عربية وحشة تكون مليانة بارومة وتشاريخ

طيب ايه رأيك في فيات بونتو 98 وسوزوكي سويفت 98 ؟

**S O P H O S** · 10-04-2014 02:35 PM

لو ملقتش اكسل نظيفة بص عالشاهين

**carrier** · 11-04-2014 02:15 PM

المشاركة الأصلية كتبت بواسطة mikho83

طيب ايه رأيك في فيات بونتو 98 وسوزوكي سويفت 98 ؟

خليك فى السويفت احسن بكتير

وعربية جميلة وهتريحك بشكل كبير جدا وقطع غيارها سهلة ورخيصة ومفهاش مفاجأت

اهم حاجة احترس من البارومة

لكن الاكسيل
خليها خيارك الاساسى لو نضيفة فقط ومش متهانة ومش مهملة من اللى راكبها