الموضوع: استفسار ضرورى ياجماعة عشان المفروض هشترى بكرة ومحتار جدا

المشاركة الأصلية كتبت بواسطة SHEVA11111

دلوقتى انا اخرى 145 الف وهى سعر سيراتو الفئة الاولى من غير وسائل امان طبعا .. وكنت بفكر فى لانسر بومة 2014 فيها ايرباج بس انتوا طبعا عارفين شكلها وكده وانها نفس الشكل من 2004 .. والريو مكنتها 1400 ومش حاببها الصراحة .. ومش عاوز اشترى بيجو 301 او سيتروين عشان يفرق معايا اعادة سعر البيع .. فرأيكوا اتوكل على الله واجيب السيراتو ولا اعمل ايه . انا بقالى 7 شهور محتار ومش عارف اشترى :( لانى عاوز عربية عائلية ل 4 افراد ومتتعبنيش

سيراتو بالتاكيد

معلش نسيت اكمل الموضوع .. انا حابب السيراتو جدا .. فلو جبتها الفئة الاولى هل فيها اى مشكلة ؟ ناس كتير بتقولى يعنى هو كل العربيات اللى ماشية دى فيها وسائل امان زى الايرباج مثلا .. والعربية لو فيها 100 ايرباج وربنا عايز يحصلك حاجة هتحصلك والكلام ده :( فااعمل ايه اجيبها ولا لا ؟

طيب بلاش الايرباج والفرامل abs اظن مهمة جدا لاى عربية والمفتاح المشفر على ربنا يوفقك انا معاى سيراتو 2010 وهى كويسة جدا بس خلى بالك مش زى السيارات الالمانى

على فكره مش على طوول الايرباج ده مفيد ده لو طلع بتبقى مصيبه و فى الاول و الاخر ربنا اللى بيحرس و انت بفلوسك دى ممكن تجيب سيراتو خليجى و يكون فيها اب اس و ايرباح اسئل فى سمير ريان

فى سمير ريان عنده خليجى فرامل اى بى اس وايرباج ب 150 لكن مفيهاش ايمبوليزر :( .. مفيش حاجة كاملة للاسف فى الحدود دى :(

يعنى رأيكوا اجيب السيراتو اول فئة ولا لا