جهاز الانذار للبيجو 301

**RoadFinder** · 10-04-2014 12:37 AM

يا جماعه محتار وعايز رأيكم فى جهاز الانذار لل 301 انا دورت على النت ولقيته بيتباع بره بحوالى 2500 جنيه وطبعا لو هنا اكيد حيبقى اغلى ده غير ضريبة المبيعات وقدرت اعرف من خلال الService box قدرت اعرف مكوناته ولقيت انه باختصار بيدى سرينه عند محاوله فتح العربية لكن مثلا مفيهوش خاصية الاتصال بالتليفون ودى حاجه مهمه لان لو راكن فى مكان بعيد عنى محتاج حاجه تنبهنى فى مكانى
انا طبعا عارف انى لو ركبت حاجه تانيه افضل الضفيرة تخرج بره الضمان
انا عارف كمان وواثق ان الايموبليزر اللى فيها بيصعب مهمة سرقتها
لكن انا خايف من حاجتين اولا ان حد يحاول يسرق حاجه من المكونات الخارجية زى مثلا الكاوتش او الكشافات او المرايات او الاكصدامات
كمان خايف حد يخش جواها و يحول يسرق حاجه او يبوظ حاجه
فتنصحونى بايه وهل فيه طرق اخرى لتأمين الحاجات دى غير جهاز الانذار
وياريت لو حد يعرف جهاز انذار بيركب من غير ميأثر على الضفيرة يقوللى
معلش لو كلامى فيه سذاجه شويه لكن دى اول عربية ليه و فيه حاجات معنديش فيها خبرة زيكم ومعلش لو طولت عليكم

**eslam.maghawry** · 10-04-2014 05:52 AM

عشان الحرامي ميدخلش جوه العربية ربنا يحفظ الجميع
فhttp://www.nilemotors.net/Nile/274719-2012.html عمل الموضوع ده هو مكلف شوية بس اماااان بإذن الله

أما بخصوص سرقة الكاوتش فأنت ممكن تشترى من التوكيل طقم مسامير مكون من ٤ فقط واحد لكل عجلة
وده بيفتح بمفتاح عجل خاص ومشفره ولو ركبت الفاميه محدش بالتالي هيعرف يفتح الكابوت
والله المستعان

**RoadFinder** · 10-04-2014 11:09 AM

المشاركة الأصلية كتبت بواسطة eslam.maghawry

عشان الحرامي ميدخلش جوه العربية ربنا يحفظ الجميع
فhttp://www.nilemotors.net/nile/274719-2012.html عمل الموضوع ده هو مكلف شوية بس اماااان بإذن الله

أما بخصوص سرقة الكاوتش فأنت ممكن تشترى من التوكيل طقم مسامير مكون من ٤ فقط واحد لكل عجلة
وده بيفتح بمفتاح عجل خاص ومشفره ولو ركبت الفاميه محدش بالتالي هيعرف يفتح الكابوت
والله المستعان

جزاك الله خيرا
دى معلومه مهمه جدا بس موضوع الازاز ده مقلق شوية لأن فعلا ممكن يعمل مشكلة مع المرور