كاوتش كونتننتال ولا كومهو لكيا ريو خليجى ؟؟ (سؤال هام أرجوكم)

**romeo9** · 10-04-2014 09:45 AM

السلام عليكم ورحمه الله وبركاته
كنت عايز أخد رأيكم فى موضوع الكاوتش..
العربيه كيا ريو خليجى والكاوتش كله كونتننتال مقاس 17 - 45/205
فيه فرده باظط وعايز أغير فرده تانيه, الكونتننتال اللى فى السوق ب1200 جنيه وكنت سألت واحد بتاع كاوتش قالى ممكن تجيب كاوتش أسمه كومهو ب500 جنيه بدل الكونتننتال الغالى أوى ده..
فكنت عايز أعرف الكومهو دى كاوتش كويس فى الجنوط ال17 وينفع أصلا أركب عجله كومهو مع 3 عجلات كونتننتال ولا هيبقى فيه مشكله فى مشى العربيه والجرى وكده ؟؟

**cheetos_892005** · 10-04-2014 10:08 AM

هو يقصد كومهو اكستا بس مش ب 500 خالص ...مفيش 17 ب 500

بس انا عامة بكره الكاوتش الكوري من تجربه زباله مع الهانكوك

وكده كده اي كاوتش هتركبه عال 17 في الطرق المعفنه دي هيبوظ

**modo88** · 10-04-2014 10:34 AM

ياباشا ال 17 اغلي من 500 انا جيبت ال 16/45/205 كومهو اكستا ب 500 فعلا اكيد ال 17 اغلي يعني بس الكومهو كويس مش وحش

وللاسف انا نفس حالتك عندي فردة باظت طلع فيها بالونه صغيره في الجنب :( بس بعد استعمال سنه 18 الف كيلو بس .

**mazeen** · 10-04-2014 11:43 AM

الكومهو اكستا الكورى ممتاز وكده كده ال 17 فى اى ماركه انت وحظك مع شوارعنا الجميله

**romeo9** · 10-04-2014 12:27 PM

يعنى هو ممكن يركب كاوتش 16 بدل 17 ولا بيبقى مكتوب على الكاوتش ؟

**midnightman_74** · 10-04-2014 12:30 PM

المشاركة الأصلية كتبت بواسطة romeo9

السلام عليكم ورحمه الله وبركاته
كنت عايز أخد رأيكم فى موضوع الكاوتش..
العربيه كيا ريو خليجى والكاوتش كله كونتننتال مقاس 17 - 45/205
فيه فرده باظط وعايز أغير فرده تانيه, الكونتننتال اللى فى السوق ب1200 جنيه وكنت سألت واحد بتاع كاوتش قالى ممكن تجيب كاوتش أسمه كومهو ب500 جنيه بدل الكونتننتال الغالى أوى ده..
فكنت عايز أعرف الكومهو دى كاوتش كويس فى الجنوط ال17 وينفع أصلا أركب عجله كومهو مع 3 عجلات كونتننتال ولا هيبقى فيه مشكله فى مشى العربيه والجرى وكده ؟؟

الكونتننتال اللى فى السوق ب1200 جنيه ؟؟؟
الكونتننتال مقاس ١٦ ب 690 أزاى مقاس ١٧ ب1200 جنيه ؟؟

**romeo9** · 10-04-2014 02:15 PM

المشاركة الأصلية كتبت بواسطة midnightman_74

الكونتننتال اللى فى السوق ب1200 جنيه ؟؟؟
الكونتننتال مقاس ١٦ ب 690 أزاى مقاس ١٧ ب1200 جنيه ؟؟

أه والله ب1200 جنيه وأرخص سعر سمعته كمان وماكنتش لاقى المقاس ده..
يعنى حضرتك تنصحنى بالكونتننتال ولا فيه نوع تانى ممكن أجيبه ويبقى أرخص شويه ؟

**ahmedelrayan** · 10-04-2014 02:50 PM

الكومهو يابشا على فكرة كويس جدا اه فى انواع احسن منه بس هو برده من الانواع الكويسة والعربية عندى جاى زيرو بيه ولما بحب اغير كاوتش بجيبه برده اصل حرام بصراحة اروح اجيب كاوتش الفردة ب1200جنيه وتبوظ لاى سبب واضطر اغيرها وبتاع الكاوتش برده شكرلى فى الكومهو اكتر من مرة

**Ahmed.Essam** · 10-04-2014 04:13 PM

1200 جنيه للدرجة دي !!

**amromdiab** · 10-04-2014 04:52 PM

المشاركة الأصلية كتبت بواسطة romeo9

أه والله ب1200 جنيه وأرخص سعر سمعته كمان وماكنتش لاقى المقاس ده..
يعنى حضرتك تنصحنى بالكونتننتال ولا فيه نوع تانى ممكن أجيبه ويبقى أرخص شويه ؟

من وجهه نظري
لو كان باستطاعتك تغيير فردتين كاوتش هيكون افضل طبعا من حيث نقشة الكاوتش ومدة الاستخدام و ظبط توازن السيارة
.
انا بالنسبة لنوع الكاوتش
انا كنت في بريدجستون من حوالي اسبوع"فرع عباس العقاد"
بعد التعامل شديد الاحترافية و توضيح الفارق ما بين كافة الموديلات و الماركات.
سألت عن مقاس 17 لنيو سيراتو.
الراجل مدير الفرع مشكورا شرح لي الأنواع كلها
وكمان عملنا مقارنة بسيطة بين بريدجستون وغيرها
و حدد لي اهم مميزاتها
حيث ان الكاوتش المقاس 17 سعرها 900 جنيه تقريباً
والميزة الأهم في هذا النوع ان الطبقة الجانبية المحيطة بالكاوتش بها "طبقتين" وليس طبقة واحدة كباقي الأنواع.
مما يعني اذا كان احتمال كاوتش 17 من اي نوع انع يعمل بلالين بنسبة 80%
هيكون احتمالية وجود بلالين في مقاس 17 بريدجستون
هيكون 10% فقط
.
دا غير اسم بريدجستون وكفائتها الواضحة كاداء و ثبات علي السرعات العالية واداء الفرامل معاها.

الموضوع: كاوتش كونتننتال ولا كومهو لكيا ريو خليجى ؟؟ (سؤال هام أرجوكم)

LinkBack

أدوات الموضوع

عرض

-

-

-

-

المواضيع المتشابهه

كاوتش كومهو للوجان

سؤال عن كاوتش كومهو

طقم فرد كاوتش كومهو 14 للبيع

4 كاوتش كومهو جنط 17

كاوتش gt ولا كومهو

الكلمات الدلالية لهذا الموضوع

المفضلات

المفضلات

ضوابط المشاركة