الموضوع: عملت الموضوع في قسم الدايهاتسو وﻻ حد رد ..ميرا 98 قدامى يومين ارجو النصيحه

السلام عليكم

كنت هجيب ماروتى وبدور علي واحده في رينج 20 الف.. لقيت موديﻻت 2001 لحد 2003
وواحده 2007 تخلص علي 21 الف بس صاحبتها راكناها في الجراج بقالها اسبوع ومش عارف اوصلها

لحد من يومين شفت اعلان ل ميرا 1998 وده نص الاعلان
ديهاتسوا ميرا يابانى 100% موديل 1998 مانيوال بحالة ممتازة موفرة جدا جدا فى البنزين
فابريكة دواخل بالكامل - رشة برة نظافة - طارة باور - كاسيت فلاشة - سماعات بايونير - تكييف مروحة ممتاز
بطارية جديدة بالضمان- ريداتير جديد - 4 فرد كاوتش تيوبلس جداد من 4 شهور فقط - عفشة مجددة بالكامل
ماتور و فتيس و عفشة ممتازين - استعمال بيتى - لا تحتاج اى مصاريف
ماشية 75.000 كيلوا - مرفوعة 3 سنين - رخصة سارية 2016 - بها توكيل واحد
السيارة هى الى فى الصور - يرجى اصطحاب فنى للتاكد من صحة البيانات

المهم ناس قالولى لقطه وناس قالت بﻻش.. انا كلمته وفاصلت معاه لحد 21 الف اخره خالص

هي موتور 850.. وبيقولى مش محتاجه مصاريف ةسبب البيع جاتله وظيفه برا ووالدته مبتستعملهاش واشترتها من سنة من صاحبتها عشان شافتها لقطه

المهم سألته على قطع الغيار قال متوفره في صلاح الدين قال مثﻻ سير تقسيمه ب 60.. كبالن صيني 75 و ياباني 120 .. مقصات ب 150 الواحد..

المهم انا اول مرة هجيب عربية وهو بيقولى اعطالها قليله.. تنصحوني ب ايه ؟؟؟

شكرا على الرد.. للأسف مش هقدر ازود.. هتوكل على الله في الماروتى وخلاص وكفاية انتشارها..