فتيسك على ما تعوده.....

**Hany Saad** · 10-04-2014 06:33 PM

نيسان نزلت الفتيس ال xtronic cvt بنظام أسمه adaptive shift control أو إختصاراً asc
أيه بأه حكاية ال asc ده يا خال؟!

ببساطة العربية بتتعرف على طريقة قيادتك فى التسارع....رياضية و لا متحفظة أو ما يطلق عليها economy و الكلام ده بيتخزن فى الكنترول يونيت بتاع الفتيس....أوم إيه بأه لما تيجى تتسارع تانى أو تجرى يقوم الفتيس الذكى يظبط نسب تعشيقه على حسب المعلومات المتخزنة عنده علشان يضاهى نفس نوع القيادة اللى أنت معوده عليها......

يعنى أيه تانى: يعنى لو أنت بتشد و تجرى و تحرق...هتلاقى الفتيس فهم أن الراجل صاحب العربية ده مؤذى و رجلة طارشة على دواسة البنزين فأديله الأداء اللى هو عايزه باللتى هى أحسن و ظبطله الأداء توماتيكى توماتيكى علشان يكون رياضى و ميتعبناش معاه

أما لو اللى كان سايق العربية راجل وقور و رجله هادية على الدواسة قوم الفتيس يخزن المعلومات و قوم أيه بأه ينقل بدرى شوية علشان يريح نفسه كده و يبقى ماشى مفرفش
نفس الشىء لو اللى سايق عايز يوفر فى البنزين و رجله خفيفة....قوم الفتيس ينقل مظبوط علشان يوفرله كوبونات البنزين المدعم و يريحله العربية.....

الخلاصة: فتيسك على ما تعوده.....هتحرق عليه هيفهم أنك عايزه يصحصح معاك و يقرص و أنك راجل مبتهزرش فى الشد.....هتريحه هيفهم أنك عايز سواقة وقار أو economy يغير نسب تعشيقه بناء على هذا الأساس
لاحظ أنه فى حالة تعود مستمر... يعنى بيعمل update لنفسه كل فترة علشان يشوف المتغيرات فى طريقة سواقتك....

تحياتى للجميع

**M R. Z E C O** · 10-04-2014 06:40 PM

صديقي العضو
فعلا مبدع وجميع مواضيعك في وصف الفلونس مبدعه مثلك تقبلوني معاكو فالرنو
تقبل مروريzeco

**MohammedAladel** · 10-04-2014 10:04 PM

قد يكون التعبير ( فتيسك على ما تعوده ) غير دقيق لوصف هذه التقنية بشكل عام والمتعلقة بأنظمة التحكم فى الجيربوكس

فالأدق فتيسك على مزاجك ههههههههههههه لأن هنا الاستجابة فورية

والنظام ليس بجديد فأغلب السيارات الأوتوو الحديثة تعمل به إن لم يكن كلها

وميجان 2 متوفر بها النظام

**محمود سامح** · 11-04-2014 01:31 AM

ميجان 2 منوافر بها هذا النظام

**Hany Saad** · 11-04-2014 01:38 AM

يا رجالة هو حد قال ان الميجان ii مفهاش النظام ده....انتوا ناسيين ان كان معايا واحدة لمدة 8 سنين و لا ايه
انا مقلتش انه ده نظام جديد او بدعه نازله فى الفلوانس فقط
الموضوع هو فقط توضيح لفكرة قد تكون جديدة لملاك الفلوانس فيس ليفت الجدد لذا وجب توضيحها لهم ليس أكثر

تحياتى

**Hany Saad** · 11-04-2014 01:54 AM

المشاركة الأصلية كتبت بواسطة r_gamal1

شكرا على الشرح العميق والبسيط فى توصيل المعلومه
بس ليا استفسار لو انا سواقتى هاديه والفتيس اتعود على الطريقه دى لما اجى احرق مرة واحدة سواء كنت فى موقف صعب او نازل فى فرح او واحد عايز يتعلم الادب بمعنى تكون مرة كل مدة طويله الفتيس ساعتها هيعمل ايه؟

الزميل العزيز و المحترم r_gmal
الفتيس بيعود نفسه على طبيعة سواقتك و لكن طبعاً محتاج وقت او عدد كيلومترات معين علشان يعيد برمجة نفسه على نهج القيادة الجديدة....
لو كان الشد و القرص لفترة قصيرة او مشوار صغير و رجعت هادى تانى يبقى ممكن ميقدرش يأقلم نفسه على النمط الجديد
اما لو استمر الشد لمشوار طويل شوية ساعتها بتلاقى من اقل دوسة العربية عايزة تجرى معاك....
المقصود ان التغيير مش لحظى او قصير و لكن بيحتاج مسافة معينة ليتأقلم على النمط الجديد

تحياتى

**Hany Saad** · 11-04-2014 03:21 AM

المشاركة الأصلية كتبت بواسطة r_gamal1

طيب مش دى حاجه مش كويسه فى الفتيس دة
يعنى انا فى الكليو ( طبعا مفيش مقارنه بس كمثل ) انا سواقتى هاديه اقرب ل الاقتصاديه( اصل الشعر الابيض زاد حبتين ) بس ساعات بتطلع الجنونه مرة واحدة وافتكر ايام الحرق ايام الكليه بصراحه بحس انى راكب عربيه تانيه خالص صدقنى بتسد مع عربيات كتير وعربيات اعلى منها العربيه بتكون مختلفه تماما

يا باشا انت هتحكيلى على تجميع الكليو....انا معايا ال1400 المانيوال و حاجة خرافية فى التجميع و الثبات و بعدين ليه مفيش مقارنة....ارفع راسك فوق انت كليوياوى .....:):) انا بستمتع لما بسوق الكليو

طبعاً الفلوانس لو قرصت عليها بتشد كويس و لكن لما بتعود الفتيس على الشد هتلاقيه بيستجيب اسرع لانه عارف ان قيادتك رياضية

تحياتى

-

-

الموضوع: فتيسك على ما تعوده.....

LinkBack

أدوات الموضوع

عرض

فتيسك على ما تعوده..... - انشر الموضوع فى :

-

-

-

-

المواضيع المتشابهه

لملاك الياريس الاوتوماتيك خلى بالك على فتيسك ..

لو فتيسك بيعض تعمل ايه؟!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة