الموضوع: لسه شاري c180 موديل 2000

الف شكر ليك، هى موديل 1999 لونها كحلي برضو وشاريها ب 115000، مجرحة شوية من برة والاكصدمات عايزة تترش بس الموتور والتكييف والعفشة حالتهم ممتازة الحمد لله
ان رحت عملتلها سرفيس كامل في ورشة اسمها الالمانية لصيانة السيارات فالراس السوداء عند مهندس عمرو ابو العلا، شغلهم كويس
ان اللي فاضلي الصالون، متبهدل عشان اللي اشتريتها منه عنده اطفال مبهدلين الصالون.
يا ريت لو تعرف حد ممتاز ارش عنده الاكصدامات، بس يكون حد بيطلع شغل الفابريكة بغض النظر عن السعر

المشاركة الأصلية كتبت بواسطة أبو عمار

معلش يا أخى لسه داخل النهارده المنتدى
بالنسبه للرش أنا بتعامل مع على السفاح شخصيا ،، هههه ... بس متخافش هو مش سفاح و لا حاجة ده السمكرى بتاعى فى شارع الخديوى قبل العمرى بشارعين و جنب الأحمر بتاع قطع غيار المرسيدس إستعمال بس على كيفك
المهم روحله و خليك يوديك للبويجى تبعه شغله نمرة واحد
نمره على 01227636066 و بالتوفيق بإذن الله

للاسف ان استعجلت ورحت عند المأمون اللى فى الازاريطة عشان ارش الاكصدمات (ربنا يسامحهم) طبعاً حضرتك عارف ان الاكصدام لونين, المشكلة انهم رشوا الاكصدام كله لون واحد ولما قلتلهم ده اصلاً لونين فى الاول قالوا لأ وبعد كده قالوا اصل اللون التانى مالوش كود .. وحتى يا ريت الاكصدام طلع عدل, لون مخالف تماماً وتقفيل زبالة, ولما بقلهم على اللون المخالف قالوا اصل ده اللون الاصلى واللون اللى عالعربية بهتان من الزمن ومستحيل يبقوا زى بعض إلا لو رشيت العربية كلها .. انصحنى يا ابو عمار اعمل ايه ؟!!

الف مبروك وربنا يباركلك فيها ويكفيك شرها
وياريت حضرتك تقولي قطع الغيار اسعارها عامله ايه ؟
او حتي طقم السرفيس والسيور وكده ..
يمكن الواحد يفكر يجيبها بدل ما اجيب جيب :)
تحياتي

المشاركة الأصلية كتبت بواسطة hazeeeeem

الف مبروك وربنا يباركلك فيها ويكفيك شرها
وياريت حضرتك تقولي قطع الغيار اسعارها عامله ايه ؟
او حتي طقم السرفيس والسيور وكده ..
يمكن الواحد يفكر يجيبها بدل ما اجيب جيب :)
تحياتي

اسعارها زى الفل بصراحة ومتوفرة جداً, بص يا سيدى انا اول ما اشتريت العربية عملتلها سرفيس كامل عفشة (مساعدين امامى, بطاحات مساعدين, ستابليزر, مقصات, كوتشات كتير مش عارف بتاعة ايه, ) وموتور ( تيل امامى وخلفى, طنابير, زيت موبيل 1,فلاتر بنزين وهواء وزيت, زيت موتور, ...الخ) كل ده بالمصناعيات عمل تقريباً 7500 جنيه
إن شاء الله ابقى اجيب الحاجات بالاسعار بالتفصيل

المشاركة الأصلية كتبت بواسطة أبو عمار

و الله يا صديق لو فارق قوى معاك و حاسس إنك هتقفل من العربية هترش تانى للأسف بس إن جيت للحق الإكصدام كده كده هيتبهدل
أنا رشيته لونين مع إن الفرق فى الكحلى مش كبير بس الصراحة شكله بلون الفابريقة حلو و رشيت المرايات و العتب
فى نقطة تانية لو هتغير كاوتش هات جنوط مرسيدس بالمرة جنوط 16 هتفرق كتييير فى شكل السيارة و لوحبيت نتقابل تشوفهم على عربيتى تشرف فكر و أنا تحت أمرك نتقابل للتعارف
إستخير و ربنا يوفقك للخير إن شاء الله

طبعاً فارقة, يا ابو عمار انت مش متخيل المنظر, ده شكلها بالحكات اللى كانت فيه كان انضف.
انا كده كده هرشها تانى وربنا يعوض فاللى اندفع, انت رشيت الاكصدام والمرايات والعتب عند مين؟ وجبت كود اللون منين؟

بالنسبة للكوتش ان غيرته اول ما جبت العربية وجيبت 195/65 r15
وطبعا يا فندم انا يشرفنى نتقابل, انا شغلى بره اسكندرية فلو يناسبك الخميس او الجمعة يبقى زى الفل