بسم الله الرحمن الرحيم

السلام عليكم ورحمه الله

انا بفكر بقالى فتره انى اشترى عربيه كويسه تكون عاليه عن الارض وواسعه وفى نفس الوقت تكون مريحه فى صيانتها

وسواقتها وتنفع مع شوارع ومطبات مصر

دخل دماغى اوى قشقاى ورينو فلوانس ٢٠١١

حسيت ان في العربيتين دول اغلب احتياجاتى من حيث برده السعر

يعنى لما دورت لقيت متوسط اسعار كسر زيرو قشقاى ٢٠١١ او ٢٠١٢ حوالى ١٧٠ او ١٨٠ الف

ورينو من ١٢٠ الى ١٣٥ الف

بس ملقتش مواضيع كتير هنا تعرفنى ايه المميزات او العيوب اللى ممكن تقابلنى فى قشقاى

دورت فى اكتر من ٣٠ صفحه وملقتش الا مواضيع نادره جدا عن القشقاى

اتمنى حد يفيدنى فيها ويقولى ده اختيار موفق ولا لأ وايه العيوب والمميزات اللى فيها

وبرده لو فى حد عنده اى اقتراح لعربيه تانيه فى نفس المواصفات والسعر يقول برده