الموضوع: رجاله الجنوب افريقي اجمع بروتونى محتاج مساعده :)

المشاركة الأصلية كتبت بواسطة mido_soliman

معروض قدامى كرولا 2008 هاى لاين حالتها الخارجيه والداخليه والموتور ممتازه بس فى مشكله ف العفشه
العربيه لسه مترفعتش اللى جاى دة تجربه قياده شخصيه منى للعربيه في طريق زى الزفت مدغدغ
الملاحظات
خربطه العفشه ف الطرق المكسره
الطاره حاسسها خفيفه بزياده
غي عضه ف لف الدربكسيون ربع لفه يمين وشمال ف الاتجاهين وواضحه جدا لو واقف ومحمل فرامل
الفتيس صاحبها معملوش تعديل رغم ان التوكيل كلمه (كسل على حد قوله وان الفتيس مش مدايقه)
السؤال هنا وارجو التفاعل ياريت علشان احسبها كويس
طبيعي العفشه حغيرها جلب مثلا او بارات او اى حاجه تستدعى يكون سعرها ف المتناول
لكن شكى اللى اكاد تكون متاكد منه رغم انى مودتهاش لعفشجى لسه بس حاسس انها جايبه سكاترا !!!
اعمل ايه وهل اللى انا بقوله دة ممكن يبقي تشخيص تانى !!!
طب فرضنا انها سكاترا او علبه دريكسيون ولو انى اشك انها علبه كامله (سكاترا فقط) سعرها كام استيراد وهل مقدور عليها ولا حتبيعنى الحديده !!!
بصراحه العربيه ركوبه والكماليات اللى فيها مشبطانى فيها
محتاج ارائكم
شكرا

ميدو باشا
منورنا في قسم تويوتا ، التويوتا الجنوب افريقي عربية عالمية و فيها اوبشنز مش هتلاقيها في اي عربية و ثباتها فوق الممتاز فانها اختيار موفق باذن الله.
موضوع الفتيس بيفرق من واحد للتاني و هو مش عيب هو تعود علي طريقته.
افضل شئ تكشف عليها ياما في التوكيل او في الحرفيين و شوف الحاجات اللي محتاجاها قد ايه.
في موضوعين مثبتين في القسم لبتوع قطع الغيار و وورش الصيانة و بالتوفيق ان شاء الله