بعيدا عن اعتبارات السوق مين الافضل توليدو او لينيا او فلوانس

**mamduhd** · 12-04-2014 08:25 PM

طبعا بما ان السوق المصري سوق فاشل بكل ما تحمل الكلمة من معني لانة مبيعتمدش علي تقيمة للعربية كعربية فأنا من الناس اللي بيركبوا عربية عشان العربية مش بحب احط في دماغي موضوع اعادة البيع دة لانة كلة بتاع ربنا فانا ببحث عن عربية تكون قوية ثابتة سريعة و متكنش كوري فكرت فكذا عربية المهم صفصفوا علي التلاتة دول التوليدو ولا اللينيا و لا الفلوانس مين فيهم افضل كأدااااااء

**islam.3bada** · 12-04-2014 09:50 PM

اللينيا

**waleed acc** · 12-04-2014 10:01 PM

الفلوانس عشان تلاقي قطع غيار يسهولة

**mamduhd** · 12-04-2014 10:34 PM

تمام يا اسلام بس اشمعنا اللينيا يعني من حيث اية ؟ لا يا وليد سيبك من حتة قطع الغيار مدام في عربية موجودة في البلد يبقي لازم يبقي ليها قطع غيار اه ممكن تكون بعيدة شوية بس انا عايز اركب عربية عشان تستحق الفلوس اللي تدفع فيها كعربية مش ادفع فلوس في عربية عشان اي حاجة جانبية تانية

**K.Ossama** · 12-04-2014 11:43 PM

رأيى إن الفلوينس أحسن فى كل حاجة
فئة أعلى وأوسع وشنطة أكبر وموتور وفتيس جداد

**mamduhd** · 13-04-2014 06:58 PM

يعني الفلونس افضل في الثبات و نسبة التسارع ؟

**drcobra** · 14-04-2014 11:20 AM

فلونس

**تامر.محمد** · 14-04-2014 11:26 AM

الكلام على الزيرو ولا المستعمل ؟
انا عن نفسي لو بنتكلم على الزيرو و بعيدا عن الجانب العملي هافكر في الفوكاس او السيفيك

**تامر.محمد** · 14-04-2014 05:24 PM

المشاركة الأصلية كتبت بواسطة mamduhd

اشمعني يا تامر ؟ و لية قلت بعيد عن الجانب العملي ؟

الجانب العملي هو اسعار قطع غيار العربية و مدى توافرها و سهولة صيانتها ثم اعادة بيها بعد كده
اللي هو من الآخر زي ما اختصره موضوعك في كلمة واحدة : الســــــــــــوق

السيفيك الحالية ما انتشرتش اوي , و عشان تتجاب فيها كماليات الفئة الهاي لاين معدية 200 الف ,
مش عارف بقى ليها قطع غيار برة التوكيل او استيراد ولا لأ , ماظنش الصراحة بانتشارها القليل ده

يليها الفوكاس , برده اللي يشتريها ملتزم بالتوكيل اللي ما حققش سمعة قد كده , و قطع غيار استيراد مافيش

مع الفرق ان اعادة البيع في السيفيك ماسكة نفسها شويتين عن الفوكاس

في المقابل , مش عن تجربة لكن عن قراءة التقارير هنا في المنتدى , دول تقريبا فنيا اعلى عربيتين في فئة 160-200 الف جنيه , ينقص الاتنين ضيق المساحة الداخلية , انما كتسارع و ثبات و عفشة و تكنولوجيا , الاتنين اعلى من الكل , ما كانش ناقصهم الا التربو

مش عارف السيتروين سي 4 ممكن تبقى زيهم ولا لأ , لكنها برده من العربيات اللي السوق قاتلها