الموضوع: موضوع خاص بمشكلة نقص الزيت فى الفلوانس ii.....موضوع مفتوح و متجدد حتى أنتهاء المشكلة

حابب أفكر معاكم بصوت عالى فى موضوع نقص الزيت اللى بيعانى منه حتى الأن 3 أعضاء معانا هنا فى القسم

* الملاحظات:
- مفيش زيت تحت العربية
- مفيش زيت مرشح على المكنة من فوق
- معتقدش أبداً مشكلة أويلسيلات فى 3 عربيات و أكيد التوكيل هيبص كويس على الأويلسيلات
- مفيش دخنة من الشكمان و هو أحتمال مستبعد

* فرض المقياس الديجيتال مهيس:

فرضنا أن المقياس الديجيتال بيخرف و لكن من عصاية القياس فعلاً المستوى بينزل

* أحتمالات و شكوك:

- زيت الفابريكة خفيف و نسبة بخرة عالية
- الموتور بيرفع ال rpm عالى و ده بيساعد فى حرق شوية زيت
- فعلياً يسمح مصنعى السيارات بنسبة فقد أقل من لتر لكل 5000 كم مشى و هذه النسبة بيعتبروها فى النطاق المسموح به و أعلى من هذا وجب الكشف على الموتور

* شىء مهم لاحظته:
- النيسان قشقاى و النيسان جوك فيهم نفس الموتور و نفس الفتيس بتوع الفلوانس فيس ليفت و مع ذلك جدول الصيانة بتاعهم فيه تغيير زيت فابريكية بعد أول ألف كيلو علماً بأن الفلوانس أول غيار زيت فى ال 10000 كيلو

أتمنى أن أحنا نحط كل مشاركتنا بخصوص موضوع نقص الزيت فى هذا الموضوع حتى لا نتشتت و الكل يستفاد

هذا الموضوع مفتوح حتى تمام حل المشكلة أن شاء الله و قلوبنا كلنا و دعواتنا مع الأعضاء اللى عندهم مشكلة

تحياتى