تعديل بسيط الميعاد الخميس ٢٠١٤/٥/١ يوم عيد العمال عطلة رسميةزملائي الاعزاء بقسم تويوتا ، بقالنا كتييييييير متقابلناش ، يجي شهر و نص كدة و لا حاجة.
بما ان قسم تويوتا من انشط الاقسام بفضل مشاركاتكم و موضوعاتكم المميزة ، عاوزين نفضل دايما كدة و نتقابل علي فترات متقاربة عشان نفضل علي طول علي اتصال و في ترابط وده اللي دايما بيميز قسمنا العزيز.
انا طلبت المقابلة اللي فاتت ان كل رجالة تويوتا يشرفونا بس معظم الناس اللي جم كانو ملاك كورولا ٢٠١٤ ، انا بأكد الدعوة عامة لكل الناس مش بتوع ٢٠١٤ بس.
و عشان محدش يزعل و الحيادية و الشفافية هعمل موضوع منفصل استطلاع للمكان ان شاء الله فكل واحد عنده اقتراح ياريت يقولنا عليه بس شروطه :
١.مكان سهل الوصول
٢.مكان به مساحة جيدة للركن
٣.مكان نقدر نقعد فيه زي قهوة او كافيه و يكون سعره مناسب
الميعاد ان شاء الله يوم الخميس ٢٠١٤/٤/٢٤ من بعد الساعة ٦ مساء و مفتوحة الي مالا نهاية
في انتظار اقتراحاتكم بالاماكن لعمل الاستطلاع
المفضلات