البوجيهات وتيل الفرامل .. عن 301 أتحدث..

**Ahmed_Ta21** · 13-04-2014 03:34 AM

السلام عليكم

بعد قراءة كل المواضيع تقريباً اتضح ان فيه مشاكل رئيسية ضايقت اعضاء كتير وخوفت ناس من الـ301 وعلي راسهم (واهمهم) البوجيهات وتيل الفرامل
عاوزين نحسم الموضوع ده

دلوقتي البوجيهات في الـ 301 نوعها ايه؟ علشان نعرف رينج الاستهلاك والتوكيل مينصبش علينا
والبوجيهات بتتغير في عربية تانية بعد قد ايه؟

تاني حاجه قرات قبل كده ان البوجيهات راكبة علي coil او ما يطلق عليها بوبينا فى السيارات القديمة مما يستوجب تغيير البوجيهات كل 20000 كيلو
هل الكلام ده صحيح طيب البوجيهات في الكوري مثلا راكبة علي ايه؟

اخيراً تيل الفرامل جودته ايه؟ او ايه النوع المستخدم اللي ممكن يصفر ويحتاج لتغيير بالسرعة دي؟

لو فرضنا ان البوجيهات والتيل جودتهم ضعيفة هل ممكن احنا نجيب بوجيهات جودة نضيفة وتيل ايضا من بره ونخلي التوكيل يركبهم بحيث يعيشوا ومنوجعش دماغنا كل شوية؟

ياريت التفاعل في الموضوع ده لانه مهم وناس كتير اشتكت منه فلازم نعرف اساس الموضوع علشان نعرف نتعامل وننتهي من المشاكل دي
مش عاوزين نوجع دماغنا بعد كده

**civilpharaoh** · 13-04-2014 07:39 AM

متابع باهتمام

**eslam.maghawry** · 13-04-2014 10:08 AM

كلام تمام بس المفروض أن العربيات اللي لسه هتتسلم نكلم التوكيل يغير نوع التيل والبوجيهات
والعربيات اللي اتسلمت يتم تغيرهم ف الضمان

**amrelsaqqa** · 13-04-2014 10:14 AM

انا لحد دلوقتى معنديش اي مشاكل من التيل ، وعامل 8500 كيلو ، وهبقى ابص عليه اشوف خلص منه قد ايه عشان اتأكد والبوجيهات كذلك الحمد لله مفيش منها مشكلة

**Amgad A.alim** · 13-04-2014 12:34 PM

أيدت الزملاء من قبل فى رفع شكوى جماعية إلى توكيل بيجو بسبب أعمال الصيانة الدورية واستهلاك قطع الغيار قبل الوقت الافتراضى لها والمصنعية المبالغ
ولكن رأيت أنه من الأفضل أن نعرف وجهة نظر العاملين فى التوكيل أولاً قبل التصعيد
أنا لا أعرف أحد فى مراكز الصيانة إلى الآن ، حيث أننى لم أصل إلى 2500 كم بعد
ولا أحب اسلوب الـ answer machine المتبع حين الاتصال بـ 19207
اتصلت بالاستاذ / هيثم مدير فرع مبيعات شركة بيجو بالمعادى (الذى اشتريت منه السيارة)، وأخبرته بالمشاكل التى تقابل الزملاء ، فقال أن تغيير تيل الفرامل والطانبير حسب الاستخدام ، فطريقة القيادة تختلف من شخص إلى آخر ، وبالتالى لايمكن تحديد العمر الافتراصى لتيل الفرامل بالكيلو متر،والأمر كذلك بالنسبة لقطع الغيار الأخرى بالرغم من وجودها فى جدول الصيانة ان يتم تغييرها عند (كيلومترات معينة) إلا إن ذلك استرشادى ولايمكن تطبيقه على جميع السيارات، أما المصنعية المبالغ فيها يسأل عنها مراكز الصيانة.

**goldfinger2** · 13-04-2014 02:05 PM

[QUOTE=Amgad A.alim;3875518476وبالتالى لايمكن تحديد العمر الافتراصى لتيل الفرامل بالكيلو متر،والأمر كذلك بالنسبة لقطع الغيار الأخرى بالرغم من وجودها فى جدول الصيانة ان يتم تغييرها عند (كيلومترات معينة) إلا إن ذلك استرشادى ولايمكن تطبيقه على جميع السيارات، أما المصنعية المبالغ فيها يسأل عنها مراكز الصيانة.[/QUOTE]

يعنى ايه مش عارفين يحددوا العمر الافتؤاضى لقطعة غيار من صنعهم ، الا اذا كانت تصنع فى الصين بجودة رديئة ، بالتالى لايمكن تحديد عمر افتراضى، وعلى فكرة فلتر البنزين اللى اتغير لى فى صيانة ال10000 صناعة تونس .ويعنى ايه استرشادى هما فاكريننا اول مرة نركب عربيات ولا ايه مايبصوا على العربيات اليابانى وانتظام الصيانة فيها !! هى البيجو اختراع جديد ولا ايه

**M R. Z E C O** · 13-04-2014 02:15 PM

صديقي العضو

الحل ننفض للتوكيل ونشتري تيل فرامل احسن من الاصلي وبوجيهات تيتانيوم يجي يقول غير قوله لا يحبيبي

تقبل مروري zeco

**Amgad A.alim** · 13-04-2014 02:19 PM

عند الذهاب لإجراء الصيانة المرة القادمة إن شاء الله
أرى أنه يجب الإصرار على مقابلة مدير مركز الصيانة والتحدث معه عن المشاكل التى تواجهنا بالتفصيل

**goldfinger2** · 13-04-2014 02:27 PM

هيعمل ودن من طين وودن من عجين ، ومش هايحل اى حاجة

**Hema_Basha** · 13-04-2014 02:29 PM

كلموني دلوقتي بخصوص الشكوي واحد قاعد يحكي ويقوله ايه تفاصيل الشكوي قولتله كذا وكذا يقولي البوجيهات والتيل قطع استهلاكية ويحاول بقنعني انهم كده قولتلوا لا ما يخلصوش بالسرعة دي وبعدين مش انا لوحدي اللي بشتكي زمايلي كلهم بيشتكوا قالي طيب هنرد عليك تاني

الموضوع: البوجيهات وتيل الفرامل .. عن 301 أتحدث..

LinkBack

أدوات الموضوع

عرض

-

-

-

-

المواضيع المتشابهه

غيرت طنبورين وتيل فرامل واسلاك الكهربا بتاعت البوجيهات وحصلى مشكلتين

غيرت طنبورين وتيل فرامل واسلاك الكهربا بتاعت البوجيهات والبوجيهات وحصلى مشكلتين

ارجو النصحيه طقم الكاتينه وتيل الفرامل للفلونس

أفضل أنواع الطنابير وتيل الفرامل

نغير الطمبورة وتيل الفرامل كل اد ايه

الكلمات الدلالية لهذا الموضوع

المفضلات

المفضلات

ضوابط المشاركة