الموتور قفش وهغير شورت بلوك بالكنترول 1.4 ابيزا 2000

**Ahmed Mubarak** · 13-04-2014 12:49 PM

السلام عليكم

الحمد لله الموتور قفش والتفاصيل كالاتى
العربية سخنت منى يو الجمعة و مشيت بيها لمسافة من 4 الى 5 ك بدون مياة المهم شجرة المياة ضربت من عند ترموستات الكوع ومساميرها حلقت ومش عايزه تربط وعلية جبت مسمارين اكبر وظبطها وكل ما زود مياة العربية المياة تخرج من القربة (بتنفر مياة ) المهم مشيت عليها وحدة وحدة لانى عرفت انها جابت جوان ووديتها للميكانيكى اللى اكد لى وقاللى جوان وش السلندر
وعلية تم الفك ومسح الوش وتركيب عدد 2 جوان وقفلنا وكلة تمام ومن شهر بصراحة كان عندى مشكلة فى لمبة الزيت كانت بتنور باستمرا وتطفى لما تزود بنزين وكنت موصلها ارضى علشان متصدعنيش المهم بعد تغيير الجوان وخلافة لمبة الزيت لسه بتنور ووصلتلها ارضى والميكانيكى نصحنى انى اشوف طرمبة الزيت واحل مشكلة لمبة الزيت وانا قولت ان شاء الله هبقى اظبطها
المهم اتحركن مسافة حوالى 22 ك ولقيت صوت تخبيط فى المكنة وترزيع وحديد بيخبط فى بعضة
وركنت وفتحت الكابوت وكل ما احاول ادور العربية وانزل اسمع الصوت للاسف تبطل المهم دورتها ونزلت اشوف لقيت صوت الترزيع والتخبيط بقى عالى قوى كلمت الميكانيكى قالى اقطر وتعالى وبعدها حاولت ادور العربية تانى للاسف قفشت ومش عايزة تدور ولا تقبل مارش ولا اي حاجة
الحمد لله . انا قطرت العربية وديتها للميكانيكى وناوى اسقط شورت بلوك بالكنترول 1.4
دعواتكم تخلص على خير

**SYD** · 13-04-2014 01:17 PM

ﻻ حول ولا قوة الا بالله
قدر الله وما شاء فعل
الحمدلله على كل حال
ربنا يعوضك خير يا ابوحميد

والله المستعان
،
،

**mahmoud ghanem** · 13-04-2014 01:24 PM

قدر الله ومشاء فعل .. وربنا يعوض عليك ان شاء الله بالخير

هى شكلها فى ( فره ) فى القسم اسمها المواتير ..

**Karim Ibiza** · 13-04-2014 03:02 PM

قدر الله وماشاء فعل وربنا يعوض عليك
ده باين عليه سيزون المواتير فى السيات
تقريبا كل سنة فى نفس الميعاد بيحصل كده

**SYD** · 13-04-2014 03:30 PM

لا السنة اللي فاتت كانت طرمبات البنزين

**SYD** · 13-04-2014 06:56 PM

ربنا يستر طريقنا جميعا ويكفينا الشر

**EngAhmedSayed** · 13-04-2014 09:50 PM

الحمد لله
على كل شىء
بخصوص موتور الابيزا نفس اللى حصل عندك هو نفس اللى حصلى كان معايا فوفو اللى هى سكودا فابيا
كنت ماشى على الدائرى الساعة 2 بالليل و سخنت منى و لمبة المياه نورت و لمبة epc و لمبة الزيت فالصراحة كملت و سحبت بيها و صلتنى لحد الشارع قولت زى الفل اهم حاجة نزلت من على الدائرى لانى كان معايا المدام
المهم جابت جوان وش سليندر و تم تغيره و غسلة دورة المياه و الزيت و كله زى الفل

الا حاجة واحدة للمبة الزيت على السلانسية بتكون مطفية مع تزويد البنزين تنور و صوت الزنان الرخم دة
دة اللى مش لقى ليه و بدأت فعلا بحل المشكلة
و المشكلة دى ليها عدة اسباب و هنبدأ من اقل قيمة الى اغلى قيمة (فلوس)
اولا التوصيلات او فرد السلك تم المراجعة
ثانيا فلتر الزيت دة تم تغيره
ثالثا ساعة الزيت جارى تغيره
رابعا و دى الصدمة الكبرى طلمبة الزيت

بس الحمد لله مفيش مشكلة غير للمبة الزيت و فى الاغلبية كل بيرجح انى طلمبة الزيت بقة ضعيفة

و سيادتك بتقول انى الموتور اللى عندك 1400 سى سى ممكن تيبقى تقولنا على كود الموتور بتاعك لانى انا حاسس انى هو نفس موتور البولو العيون هو نفس موتور الفابيا نفس الموتور بتاعك

بقولك يا ابو السيد يالللى عاملى ازمة مع كريم منير بيتلخبط بينى و بينك اسمى معلق معاه انى محمد سيد اقوله انا احمد سيد يقولى يووووووووووووه بتلخبط بينك و بين سيد سيات
و هضحكك فى التكريم فى المقابلة اللى فاتت كان بيقدمنى لناس بأسمك انتا ههههههههههههههههههه

مش قولنا عاوزين نعمل برتوكول يا سيد بين سيات و سكودا
و عاوزين نعمل الية مشتركة بينا و بينكم

ربك المستعان

تحياتى بالتوفيق للجميع

م/احمد سيد
منسق قسم سكودا

-

-

-

الموضوع: الموتور قفش وهغير شورت بلوك بالكنترول 1.4 ابيزا 2000

LinkBack

أدوات الموضوع

عرض

الموتور قفش وهغير شورت بلوك بالكنترول 1.4 ابيزا 2000 - انشر الموضوع فى :

-

-

-

-

-

-

المواضيع المتشابهه

سعر شورت بلوك ل e30 كام

شورت بلوك

شورت بلوك

يعنى أيه شورت بلوك

تغيير شورت بلوك

الكلمات الدلالية لهذا الموضوع

المفضلات

المفضلات

ضوابط المشاركة