اويل سيل ال406

**NASSER2** · 13-04-2014 04:06 PM

من كام يوم وانا خارج بالعربيه اكتشفت تحتها بقعة زيت صغيره عباره عن 3 او اربع نقط
فكرت ان ده ممكن يكون زيت باور
فبعد ماركنت العربيه اخر اليوم جبت طبق ووضعته مكان النقط
وتاني يوم قبل مااخرج شفت الطبق لقيت فيه نفس الكميه بس اكتشفت انه زيت فتيس
كلمت الميكانيكي وحددت معاه ميعاد ولما كشف علي العربيه وخلصها كلمني وقاللي كله تمام
ايه اللي كان في العربيه؟ قاللي انه فك الفتيس وغير 2 اويل سيل كوبلن واويل سيل كرنك
وبعت لي مع العربيه فاتوره الحساب فيها 380ج تمن ال3 اويل سيل و400 مصنعية
المهم بقي ايه رايكم في الارقام اللي في الفاتوره دي؟
وهل الفتيس كده بعد موضوع التغيير ده بيحتاج تظبيط الضغوط ولا دي مالهاش دعوة؟
والزيت بيحتاج اكشف عليه تاني ولا اعمل ايه؟
يعني انا عايز افهم ايه توابع تغيير الاويل سيل علشان ماتفجأش بمشكله كبيره بعد كده
بالمناسبه الميكانيكي اللي بتعامل معاه اسمه ربيع بيجو خلف حميات امبابه
لوحدهنا يعرفه ياريت يقوللي رايه فيه لاني اتعاملت معاه مرتين اوثلاثه علي الاكثر و ماتعاملتش مع حد غيره فانا مش قادر اقيمه وحاسس انه غالي شويتين

**MuhamedNabil** · 14-04-2014 12:54 AM

المصنعية كويسة و القطع لو اصلية يبقى كويسة برده و لو مش حاسس بأى حاجة نتشة او تاخير فى النقلات يبقى متعملش حاجة.

**NASSER2** · 14-04-2014 10:06 AM

المشاركة الأصلية كتبت بواسطة muhamednabil

المصنعية كويسة و القطع لو اصلية يبقى كويسة برده و لو مش حاسس بأى حاجة نتشة او تاخير فى النقلات يبقى متعملش حاجة.

شكرا ليك ياباشا
انا لسه ماجربتش العربيه انا مسافر بيها النهارده ان شاء الله وهجرب علي الطريق ونشوف
يعني لوفيه نتشه اوتاخير في الغيارات يبقي الضغط مش مظبوط ولا الزيت ناقص ولا ايه؟؟

**NASSER2** · 15-04-2014 11:35 AM

انا سافرت بالعربيه امبارح وكانت في الاول ماشيه تمام مفيش غير النتشه البسيطه اللي بين الاول والتاني
لكن بعد حوالي 130ك مسافه طبعا العربيه كانت سخنت فبدأت تاخر في نقل كل الغيارات
يعني لما هديت علي المطب وبقت علي الغيار الاولاني علقت عليه لحد ماشلت رجلي من علي الدواسه خالصعشان تنقل
وهكذا مع التاني والثالث

**MuhamedNabil** · 15-04-2014 01:43 PM

كده يبقى اكشف على منسوب الزيت و المبرد. و اتأكد ان خرطوم المياة الخارج من الراديتير داخل على مبرد الفتيس مش متنى و برده تراجع منسوب المياة عشان تنزيل الفتيس لازم بينزل مياة العربية.

**NASSER2** · 15-04-2014 02:51 PM

منسوب المياه تمام والخرطوم مش متني
يبقي كده باقي منسوب الزيت والمبرد
ياريت لوحضرتك اوي زميل لينا في المنتدي يعرف سعر المبرد يقوللي عليه لحد مارجع واكشف عليها تاني