الموضوع: حل مشكلة تثبيت مقبض اليد فيات 128

عانيت كتير من موضوع تلف الكلبس البلاستيك اللى بيثبت مقبض باب العربية ال 128

و الحمد لله لقيت حل سهل جدا و عملى و بكفاءة ممتازة

كل المطلوب :
عدد 2 مسمار 10 (مقاس الرأس) بطول 3 سم
عدد 4 صواميل 10 (على أد المسمار)
عدد 4 وردات متوسطة (اعرض من الصامولة)
بيبة 10 للربط
زردية ماسكة بوز مدبب (او شمعة بلاستيك)

الطريقة :
نشيل الكلبسات البلاستيك القديمة و نحط وردة واحدة فى المسمار و بعدين ندخل المسمار فى مكان الكلبس بالعكس ....يعنى راس المسمار هتبقى داخل الباب
من خروج المسمار فى الناحية المواجهة نثبت بالوردة الثانية و الصامولة

نكرر العمل للكلبس الثانى

المحصلة مسمارين 10 مثبتين على جسم الباب زى الحديد (هما حديد !!!!)

نركب الفرش و بعدين نثبت عليه المقبض و ببوز البنسة نركب الصامولة الثانية
ما كنش معاية بنسة فسخنت الشمعة و مسكت بيها الصامولة و لفيتها
نقرط بالبيبة

و شكرا

مجهود مشكور