الف مبروك ياامير باشا وعقبال صيانه ال 100000
رقم العضوية : 155721
تاريخ التسجيل : 07Feb2014
المشاركات : 146
النوع : ذكر
الاقامة : القاهرة
السيارة: نيسان صنى
السيارة[2]: شيفورليه افيو
الحالة :
- بسم الله الرحمن الرحيم اولا:
- ثانيا انهاردة الحمدلله تم عمل صاينة الالف لعربيتى نيسان صنى سوبر صالون 2014 استلمتها
من يوم 21-3 .. هبدأ الاول بتقرير عن العربية خلال الالف قبل ما احكيلكوا عن الصيانة وتقييمى
للمركز و كل حاجة عن العربية خلال الفترة دى:
- اولا السوبرصالون اشيك من الاكس من جوة بجد وده واضح اكيد لكل الناس بذات بعد التكييف
التاتش حسن كتير شكل العربية من جوة ممكن ادى التقفيل وشكل العربية من جوة 7-10
- عفشة العربية معقولة العربية الاول كانت بتدب جامد فى المطبات بس بعد تظبيط ضغط
الهوا الموضوع فرق والعفشة بقت ناعمة الى حد كبير وممكن اديها 7-10 ..
- الفرامل كويسة وبتأدى المطلوب صحيح فى مشوار بسيط فى بدال الفرامل هو هو تقريبا
نفس مشوار الافيو لكن بشكل عام الفرامل كويسة ومن حوالى اسبوعين عملت صوت نحر
واختفى كام يوم ورجع تانى للأسف صوت زى ما يكون حكة كدة وهقولكوا قالولى ايه فى التوكيل
لكن الفرامل ممكن اديها 8-10 مع انها مش عالشعرة بس كويسة ولحقتنى فى اكتر من موقف
كنت هلبس فيهم ..
- بالنسبة للثبات فخلال الفترة دى ماعدتش ال100 كتير بس عديتها كام مرة وبعد الالف
عديتها كام مرة برده واقصى حاجة وصلتلها 140 العربية ثباتها معقول هى خفيفة شوية بس
لما فتحت بيها ل140 ماحستش بأنها ضايعة كدة زى ما الناس بتتكلم بالعكس الثبات كان كويس
والعربية كانت عايزة تجرى اكتر بس انا عملت كونترول على نفسى لسة عندى قلق الزيرو ربنا
يستر علينا ممكن ادى الثبات 7-10
- التكييف عاجبنى بصراحة وحاسس ان ادائه بيتحسن مع مرور الوقت ماعرفش ليه بس بشكل
عام التكييف جيد جدا وممكن اديله 8-10
- الكاوتش بيلم زلط دى حاجة مسلم بيها ومحدش يقدر يقول حاجة بس قولت فى تقرير ليا قبل
كدة ان الموضوع ده مش بيشغلنى اوى زى بعض الاعضاء لأنى مش بركز معاه وبعلى الكاسيت
اصلا غير ان طريقى سريع كل يوم فالزلط بيطير ومش بيطول معايا وعلى فكرة كاوتش الافيو
كان فيه نفس القصة وهما تقريبا مستواهم مش فارق كتير ... ادى الكاوتش 4-10
- المرايات الجانبية على عكس ما بعض الاعضاء قالوا انها صغيرة ومش بتبين كويس بالعكس
المرايات بتخلينى اشوف جانبى الطريق كويس وماحستش خالص بصغر حجمها الى حد ما يمكن
العيب فيا انا ماعرفش! لكن المرايات الجانبية من وجهة نظرى كويسة وبتبين الطريق كويس...
- السحب مش هخبى عليكوا تحت ال60 العربية بتبقى تقيلة فعلا انا بعمل تقرير حيادى ولازم
اذكر اللى للعربية واللى عليها بس السحب مع الوقت ومع التدقيق حسيته تقيل شوية ولازم اعمل
كيك داون عشان العربية تطلع بسرعة وبعد الكيك داون باخد اداء مختلف خالص من العربية
لكن السحب متوسط او تحت المتوسط حاجة بسيطة لكن على السرعات العالية العربية بتجرى
معايا .. ممكن ادى السحب وطلعة العربية 6-10
- الباور فى العربية من اكتر الحاجات اللى عجبتنى الدركسيون ميا فعلا واكيد ناس كتير
حست النقطة دى ... 9-10
- العزل برده من الحاجات الكويسة فى العربية وبنسبة كبيرة مش بتسمع حاجة لو قفلت الازايز
.. 10-9
- قفل البابين اللى ادام مأساة بصراحة الباب لازم يترزع كأنى راكب لادا! يعنى بجد حاجة مستفزة
مافيش مرة يبقى راكب معايا حد غير وهو نازل لازم يفتح ويقفل عشرين مرة!
-------------------------------------------------------------------------------------------
- هاجى بقة للصيانة وتجربتى انهاردة مع مركز السبع .. انا حجزت الساعة 1 انهاردة وقولت
هغير زيت 10000 وكمان هقولهم على صوت النحر مع الفرامل ده لأنى ساعات بسمعه عالى
وساعات بيقل وفى كل الاحوال هو مش بيتسمع غير والازايز مقفولة ومش مشغل التكييف غير
كدة مستحيل اسمعه ايا كان عالى او واطى .. لكن كنت عايز اطمن واعرف فى ايه؟ اوكمان سمعت
ان حوار الابواب ده بيتظبط فى الصيانة فقولت اشوف .. المهم رحت الاستقبال كان كويس جدا و
المركز نضيف جدا بصراحة والناس منتهى الاحترام العربية اتأخرت شوية على ما دخلت لكن
ماقعدتش جوة كتير حوالى ساعة ونص .. تم تغيير الزيت وفلتر هوا وبنزين وتربيط العفشة
وقالى بالنسبة للفرامل فكان فى تراب كتير جدا بين التيل والطنابير وتم تنضيفها وكله تمام .. المهم
استلمت العربية وكنت مبسوط من الاحترام والشياكة بتاعة المركز الباب فعلا بقى بيقفل بسهولة
وفرق كتير عن الاول .. بالنسبة للفرامل اول ما استلمت العربية قفلت الشبابيك وحاولت اسمع لكن
ماسمعتش اصوات خالص قولت الحمدلله .. يادوبك على ما روحت قولت اجرب تانى وقفلت الازايز
وسمعت برده صوت النحر ده .. مش عارف هل ده تراب فعلا؟ لانه قالى الفرامل مافيهاش حاجة
فهل ده الطبيعى مع الطريق والرمل وكدة! انا بصراحة مش عارف امشى وانفض واسيبها على
الله! ولا اروح تانى واعمل مشكلة! الصوت مش عالى خالص ومش مسموع زى ما قولت غير
لو قفلت الشبابيك والاغانى والتكييف غير كدة مستحيل يتسمع .. ده كان كل اللى حصل خلال الفترة
دى يارب اكون افادتكم واتمنى تفيدونى فى حوار الفرامل ده.
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
الف مبروك ياامير باشا وعقبال صيانه ال 100000
Dr Ibrahim Saad
رقم العضوية : 155721
تاريخ التسجيل : 07Feb2014
المشاركات : 146
النوع : ذكر
الاقامة : القاهرة
السيارة: نيسان صنى
السيارة[2]: شيفورليه افيو
الحالة :
الله يبارك فيك يا ابراهيم باشا تسلم
المفضلات