ممكن ارد عليك في 3 نقاط :
1- التأمين: طبعا بتفرق من شركة لشركة في سرعة صرف التعويض في حالة الحوادث لا قدر الله... وكمان نسبة التحمل (يعني المبلغ اللي هتستقطعوا الشركة) ... وانت اللي هتدفع الاول وبعدين تاخد شيك ولا هما علي طول هيحسبوا مركز الخدمة... عشان كده شوف كذا شركة الاول وبعدين قرر... عندك اليانز و رويال وشركات كتير
2- تكلفة الترخيص : لو انا مش غلطان فالياريس 1300 سي سي ... التكلفة بتكون 175 في السنة (525 في ال 3 سنين) + تأمين إجباري تقريبا 200 جنيه في ال 3 سنين و ملف (حوالي 30) ولوحات 100 جنيه وطفاية 145 ورشاوي وبلاوي وعيش حياتك.
3 - بخصوص الفرش في كذا حد... جينز كار ناس محترمة وبيعملوا خصم لحاملي استيكر نايل موتورز... التكلفة بالأرضية حوالي 1500 جنية ممكن اقل او اكتر.
ربنا يديك خيرها ويكفيك شرها ان شاء الله والف مبروك
المفضلات