الموضوع: الحقوني ... هاغير طقم سيور نيو أكسنت 2010

ممكن أفتي :)

انت كده كده ده وقت تغيير مجموعة سيور العربيه على 60 ألف...ويفضل وبشده تعملها في التوكيل او مركز خدمه محترم...وسيبك من الميكانيكيه

الموضوع مهم جدا

أنا بشكر الجميع على الردود السريعة دي

أحب أوضح إن الميكانيكي قالي إنه فيه الإيطالي وده رخيص بس آآآآآآآخره 30000 ويتغير

ثانيا سعر الـ 750 ده كتير أوي دا الراجل قالي النوع gm أو gn مش فاكر، هو الأصلي وده بيقول في حدود 250 جنيه للكاتينة والباور والدينامو. وموصيني ماجيبش إلا الأصلي فعلا.

بالنسبة للبلي لما اتصلت بيه قالي حسب الخشونه والعربية مابسمعش فيها خشونه خالص، هو في الأول بس لما بتكون مركونه اسبوع وآجي ادور بحس ان الصوت عالي، لكن بعد دقيقة بالضبط الدنيا بتكون تمام.

بالنسبة للميكانيكي، الناس عندنا بتشكر فيه جدا.


ومتابع ...

أنا والله بشكركم على الردود السريعة دي للمره التانيه

بالنسبة للأسعار كده في التمام، وحسب ما قيل لي.

بالنسبة للميكانيكي هو انتوا مجمعين على إنه بلاش عنده حتى ولو كان سمعته كويسه ولا إيه؟؟

لأن أنا في المنوفية وأقرب حاجة لي في شبين الكوم، وأنا مابجيب بالعربية مصر كتير. ومن الآخر مش صايع في طرق مصر أصلا. أنا خاااااااااااااام معرفش غير في الكمبيوتر فقط

المشاركة الأصلية كتبت بواسطة tameem2010

البلي بتاع الكاتينه حتى لو كويس لازم يتغير ليه ؟
لانه عمل 60 الف
والمفروض انه لسه هيعمل 60 الف كمان مع طقم السيور الجديد
يعنى مش هيتحمل
البلي لازم يتغير حتى لو مش خشن
الاسعار اللى بقول لك عليها ديه اسعار غبور
اما الناس اللى برا دول متصدقش انها اصليه وكلها صيني وبتنضرب ببادجات كوري وايطالى والماني الخ الخ
الاطقم الاصليه مش موجوده غير في غبور او موزعينه المعتمدين
انا بتكلم عن تجربه مش كلام وخلاص
تحياتى

طيب أنا مع احترامي الشديد لمتابعة حضرتك

بس فيه ناس مجربه وبتقول الدنيا تمام وبـ 330 وحاجات من كده، فأكيد فيه حاجات أصلي بره برده ولا إيه، وأنا ماوجدت غير واحد معتمد في شبين الكوم واتصلت بيه وللأسف قالي التوكيل قفل.

فما الحل ؟ أنا شغال في مصر في الدراسة، فلو الحاجات دي مش تقيله ممكن أشتريها وأروحها معايا وأريح دماغي ولا إيه ؟

أرجو المشاركة من الكل في ذلك، أنا على فكره بحب الأصلي حتى لو غالي عشان أنا بوسوس بسرعة. فأنا حريص إني أشتغل صح.