لا شيل ولا كاسترول ولا ولف ... تجربة زيت تعاون sm الاصفر

**ahmad--ezzat** · 14-04-2014 06:35 PM

سلام عليكم يارجاله...
بما ان الناس بتحط زيوت المااانى وانجليزى وبرازيلي

قلت اغير انا واعملكم تقرير عن زيت التعاون SM اللى يقال انه بيقعد 7 الاف كيلو
ودى صورته

السياره نوبيرا 2008...حاله الموتور ممتازه والعربيه عامله 90 الف
تم التغيير فى بنزينه التعاون...اول مادخلت لقيت عربيه ماتريكس بتحط نفس الزيت...قلت والله كويس....عموما على كلام العامل بتاع البنزينه قالى ان الزيت دة كل العربيه اللى بتجيله حديثه
ما علينا.......
الجركن سعره 115 جنيه مصرى فقط فقط من المحطه
ولازم تتاكد انه متغلف وعليه تاريخ الصنع والانتهاء

اثناء التغيير........لاحظت ان الزيت اللى نازل من العربيه اسوووود فحمه ...ودة كان شل الاصفر وبقاله 4000 كيلو

الملاحظه بعد تغيير الزيت...صوت الموتور هو هو على السلانسيه اما لو دوست بنزين هتلاقى صوت الموتور سالك ....لما العربيه تبقى سخنه وجي من مشوار هتحس ان الموتور هادي عن شل الاصفر...

راي شخصي...بعيدا عن الشعارات....انا شايف ان الزيت دة مهواش وحش ...طب فيها ايه لما نشجع المنتج المصرى بتاعنا !!!...انا شايف ان الزيت دة افضل من موبيل اللى واخد سمعه على الفاضي وبيعلى صوت المكنه....بالاضافه ان سعره كويس نسبيا

عموما الزيت تحت الاختبار واى جديد هقوله لحضراتكم :)))

**lanos2004** · 14-04-2014 07:00 PM

ننتظر--

**M R. Z E C O** · 14-04-2014 09:22 PM

صديقي العضو

اصلا شيل الاصفر مش حلو ده اولا ثانيا وعن تجربة الغالي تمنه فيه

تقبل مروري

**gadoo30** · 14-04-2014 09:32 PM

كنت بستعمل شل الاصفى اللى قبل دة مش sm في عربيتى الدوجان موتور تمبرا وكان تمام جدا وبيقعد 5000 كم وعمرة ما نقص وسعرة اخر مرة اشتريتة كان ب 87 جم من حوالى سنة ونص وكان زيت حكاية
دوجان 1996 عداد 170 الف موتور حالتة ممتازة ولم يسبق حلة

**ayman20100** · 14-04-2014 10:11 PM

لو قولت رايي في الزيوت الناس هتتهمني بعدم الخبرة والسذاجة
بس انا ماشي بمبدأ ان الزيوت المستوردة و التكنولوجيا العالية مناسبة اكتر لعربيات مش موجودة في مصر
غير كده صدقنى كل الزيوت مع درجة لزوجة مناسبة هتأدي نفس الغرض
من الاخر المهم في الزيت
لزوجة كام
ومعدل البخر بتاعه وانه مش مضروب ومش منتهي الصلاحية وما تنسهوش في العربية
وبالنسبة للاداء والفروقات البسيطة جداً هبقى افكر فيها في اول سباق فورميلا 1 ان شاء الله