موضوع غاية فى الاهمية بالنسبة لى

**ahmedelrayan** · 14-04-2014 09:17 PM

السلام عليكم اعضاء نايل موتورز الكرام

بالله عليكم انا فى حيرة من امرى ومحتاج مساعدتكم انا معايا كيا سيراتو 2010 فئة الsxوانا كنت اشتريت العربية كسر زيرو من سيدة باكتالوجات والضمان وأكياس المصنع بمعنى اصح اكنها زيرو بالظبط وكنت فرحان بالعربية جدا وكل لما حد يشوفها تعجبه اوى ويفتكروا ان انا كنت جايبها زيرو المهم عشان مطولش عليكم النهاردة وانا بركن العربية فى الجراج لاقيت واحد عمال يبص على العربية اوى وبعدين جالى قالى تبيع العربية قولتله اه ابيعها على اساس انى اعلى فى سعرها جامد عشان تبقى غالية وخلاص يقولى شكرا ويمشى المهم بعد ما قولتله السعر قالى ممكن اتفرج على العربية قولتله اوك اتفضل وبعدين عجبته جدا وقالى خلاص هخدها بس نزل فى السعر شوية قولتله لا ده اخرها قالى خلاص اوك انا بقالى فترة بدور على سيراتو وشوفت عربيات كتير بس ماشوفتش عربية حد محافظ عليها كدة بصراحة وانا هجيبلك الفلوس دلوقتى وهخدها بصراحة مبقتش عارف اقوله ايه قولته معلش انا مش هينفع اقعد من غير عربية اصبر عليا شوية لحد ما اشوف هعمل ايه قالى خلاص خد الفلوس خليها معاك وخلى العربية معاك لحد ما تخلص رفضت اخد الفلوس وقولتله لا خلى فلوسك معاك وانا هكلم حضرتك......
المهم دلوقتى انا فى حيرة من امرى العربية جايبة سعر ممتاز جدا جدا بس انا خايف اندم واقول يارتنى ما بعتها وفى نفس الوقت مش عارف لو بعتها اجيب ايه مكانها .
اسف جدا للاطالة بس حبيت احكى الموضوع بالتفصيل وعايز اعرف حضراتكم لو مكانى هتعملوا ايه وانا مستنى الردود من حضراتكم وشكرا مقدما

**J A G U A R** · 14-04-2014 09:23 PM

انا لو دى عربيتى لو هاتجيبلى مكسب مثلا فى البيع 7 الاف فأكثر هابيع غير كده مش هابيع وخصوصا انها حالتها نظيفه .. رأي شخصى .

**ahmedelrayan** · 14-04-2014 09:32 PM

اوك تمام طيب وبعد ما ابيع هعمل ايه او هشترى ايه خصوصا انى من الناس اللى مابجبش العربية زيرو لانى انا بغير العربيات كتير بمعنى اصح كل لما الاقى معايا قرشين زيادة اغير عربية فمبحش اشترى زيرو عشان مخسرش كتير وبدوغ جامد جدا عقبال لما اجيب عربية تكون كسر زيرو وبسعر كويس

**Abraam95** · 14-04-2014 10:14 PM

بص يا باشا انت كده اخدت خير العربيه خلاص و مهما كانت حالتها برضه مع الشوارع بتاعتنا و ظروف السواقه هتحتاج تبتدى تصرف عليها...فا انا لو من حضرتك هبيع و اجيب واحده جديده زى الكورولا او السيراتو الشكل الجديد ممتاااااازه و ربنا يوفقك ان شاء الله

**ahmedelrayan** · 14-04-2014 10:17 PM

متابع

**محمد بدر** · 14-04-2014 10:27 PM

صديقي العزيز
الراجل سأل حضرتك ؟
وحضرتك وافقت علي البيع .
والراجل وافق علي الشراء بسعرك وشروطك .
ومن كرم أخلاقه عرض علي شخصك الكريم النقود وعدم إستلام السياره حتي تظبط ظروفك.
فبالله عليك كيف تتراجع حتي لو كنت تسرعت في البدايه ؟
توكل علي الله حتي يبارك الله لك.
وإن شاء الله ربنا يكرمك بسياره أفضل منها.

**Mahmoud/Nabil** · 15-04-2014 01:17 AM

توكل علي الله مدام اديته كلمه .... و فكر من دلوقتي في بديل حلو

**ahmedelrayan** · 15-04-2014 01:22 AM

يا جماعة ما هى المشكلة فى البديل دى انا مش عارف اركب ايه من بعدها

-

-

الموضوع: موضوع غاية فى الاهمية بالنسبة لى

LinkBack

أدوات الموضوع

عرض

-

-

المواضيع المتشابهه

موضوع فى غاية الاهمية

موضوع في غاية الاهمية ياريت الافاده

مشكلة في غاية الاهمية

الكلمات الدلالية لهذا الموضوع

المفضلات

المفضلات

ضوابط المشاركة