الموضوع: استلمت انهارضا تويوتا 2014

بسم الله الرحمن الرحيم

رحت انهرضا استلمت تويوتا 2014 العربيه بسم الله مشاء الله تحفه
رحت فرع ابو رواش الساعه حوالى 1 ظهرا
لقيتها مغسوله ومتلمعه وزى الفل بسيط عليها وجربت الزراير وكل حاجه فيها زى الفل
الناس الى بتقول ملمس الزراير وحش ده كلام غير صحيح ملمس الزراير ناعم جدا
العربيه اسود فيها لمعة البرونزى جميله جدا والفرش اسود فى فضى حاجه نضيفه
نيجى للمميزات بقا
1- سحب رائع العربيه معلهاش ولا كلمه
2- تقفيل كويس جدا
3- العزل ممتاز تقفل الزجاج ولا همسه
4- نعمه جدا على الطريق وانتا بتاخد كده المطب يا سلام مش تراخ زى بعض العربيات
5- صوت السى دى كويس اوى
6- الحساسات جميله جدا لما عربيه تقرب منك تديك تحذير بس لازم تكون مشغل الحساسات طبعن
7- العربيه عليت ومحكتش فى المطبات اليوم
8 - شكل العربيه زى مهوا مش زى ما بعض الناس بتقول عليت وبقت هبله لالالالالالالالالالا خالص وهصورها وتشفوها
8 - مفيش تزيقا مع الفرامل حصلت معايه الحمد الله
العيوب الحمد الله لسه مفيش حاجه تقيله ظهرت
فى بس علامة تويوتا مش متسبته اوى والكروم الى على فوانيس الشبوره مش متسبت اوى برضو
الحجات الى استلمتها مع العربيه
1 - ولاعه
2- شنطة عده
3- الكتالوج
4- 4 علامات تويوتا للجنوط بس مفيش للاستب
5- 2 مفتاح ريموت وواحد مفتاح عادي و وورقه عليها رقم كود المفتاح
6- استبن نفس المقاس بس بدون علامة تويوتا
7- طفاية سجائر
8 - كانت عامل 35 كيلو لزوم النقل والغسيل وكده
9- الافراج الجمركى لسه مستلمتوش هستلمو بعد 7 ايام استلم فاتورة الشراء بس