الموضوع: مشكله فى فرامل جولف 5

المشاركة الأصلية كتبت بواسطة syd

طالما مش بتخرج بالعربية كتير يبقي يجب عليك تنزيل كل زيت الفرامل وتغييره بالكامل كل سنتين بحد اقصي
الحاحة التانية لو فيشة او حساس بيتهز او مخلوع ﻻزم لمبة الايرور تنور في التابلوه

جرب الاول موضوع تغيير الزيت وقولنا النتيجة
وياريت لو كنت غيرته قبل كدة تقولنا امتي اخر مرة وكان نوعه ايه ودرجته كام

تحياتي

شكراااااااا على الرد والاهتمام يا استاذى المحترم
انا غيرت الزيت كله طبعا لما غيرت ماستر الفرامل العمومى من 3 اسابيع بالظبط
اما بالنسبه للتابلوه مفيش اى لمبه بتنور الحمد لله .. حتى فى وقت المطب نفسه لأنى فعلا ببص على التابلوه اول ما بيحصل كده
اما نوع الزيت ودرجته دى حاجه انا مش عارفها (عذرآ لجهلى)
انا اللى بعمله انى بروح اشترى زيت الباكم العلبه الصفيح وبس .. انما التفاصيل للأسف عمرى ما اهتميت بيها ولا افهم فيها (بمعنى انى حتى معرفش الكويس من الوحش)
بس المهم انى غيرت الزيت كله من 3 اسابيع
ياريت لو تقدر تفيدنى وتقولى ايه علاقه المطب او اهتزاز العربيه القوى بالفرامل لأنى مش قادر افهم !!

العربيه فيها اكتر من نظام ثبات للفرامل
abs ebd eba حاجات مش فاكرها
ممكن ده لما بتتك فرامل والكاوتش بيلف ف الهواء بيعمل كده
ممكن تشوف الزيت بينقص ولا لا
وهل فى تنقيط من الزيت ف اى حته
لان لما بتيجى تغير تيل اول تكه للفرامل بتبقى تحت خالص زى ما حضرتك بتقول
بس الى اعرفه ان العربيه كلها كمبيوتر
الموضوع يعتبر طبيعى الى حدا ما
بس التفسير المنطقى الوحيد ان لما بتاخد المطب حاجه بتضغط على التيل ف بترجعه لورا خالص زى ما يكون لسه جديد
حاول تربط على العفشه كويس والسره والحاجات دى وربنا ان شاء الله يحلها
ده رأئى والله واعلم

المشاركة الأصلية كتبت بواسطة mando2002m

حط زيت اسمة ateدا المانى العلبة ب40جنية dot4دا انظف زيت باكم علبتة مربعة زرقاء

ده انا العلبه اللى جبتها كانت بـ 15 جنيه !!
واضح انه زيت تعبان على كده هههههه

المشاركة الأصلية كتبت بواسطة moumen_shafik

العربيه فيها اكتر من نظام ثبات للفرامل
abs ebd eba حاجات مش فاكرها
ممكن ده لما بتتك فرامل والكاوتش بيلف ف الهواء بيعمل كده
ممكن تشوف الزيت بينقص ولا لا
وهل فى تنقيط من الزيت ف اى حته
لان لما بتيجى تغير تيل اول تكه للفرامل بتبقى تحت خالص زى ما حضرتك بتقول
بس الى اعرفه ان العربيه كلها كمبيوتر
الموضوع يعتبر طبيعى الى حدا ما
بس التفسير المنطقى الوحيد ان لما بتاخد المطب حاجه بتضغط على التيل ف بترجعه لورا خالص زى ما يكون لسه جديد
حاول تربط على العفشه كويس والسره والحاجات دى وربنا ان شاء الله يحلها
ده رأئى والله واعلم

والله يا باشا انت لفت نظرى لموضوع العفشه
انا فعلا عندى العفشه محتاجه تظبيط من الجزء الامامى
لأنى لما باخد مطب الهوا ده العربيه بتتهبد زى ما تكون 128 ..(مع احترامى للـ 128 يعنى)

المشاركة الأصلية كتبت بواسطة mando2002m

اةةة زيت تعبان جدا بيكل الجلود بتاعت المساتر غير الزيت اللى فى الدورة كلها حتاخد علبتين وتغيرة كل سنتين

جزاك الله كل خير على النصيحه
هروح بكره ان شاء الله اغيره كله واخد هوا للفرامل واشوف