أول عربية ليا وخايف ومحتار

**mikho83** · 15-04-2014 11:48 AM

السلام عليكم،
طبعا زي ما انتو شايفين عنوان الموضوع، انا من فترة وعايز اشتري حاجة في حدود من 25 ل30 الف، وشوفت عربيات كتير، وكل ما الف ارجع تاني للبونتو، بصراحة عاجباني، وشوفت موديلات 95 و99 تقريبا في نفس رينج الأسعار اللي انا عايزه، بس اللي مخوفني منها موضوع الصيانة والميكانيكية وقطع الغيار، كل ما اكلم حد عنها يقولي مش هاتلاقي قطع غيار، مش هاتلاقي ميكانيكية يشتغلوا فيها، مش عارف الكلام دا حقيقي ولا مجرد إشاعات بتطلع وخلاص. اخر حاجة شوفتها فيات برافا موديل 2001، وبصراحة حسيت انها عربية تحفة بس بردوا نفس الكلام اتقالي. ارجو النصيحة والمشورة، مع العلم اني مشواري اليومي 100 كيلو رايح جاي، ومش عايز حاجة تاكل بنزين، يعني حاجة تكون حنينة.

**buffon851** · 15-04-2014 12:42 PM

بص بمنتهى الصراحه انا مركبتش بونتو بس واحد صاحبى معاه واحده مكفراه فى قطع الغيار والصنايعيه مش اى حد فاهم فيها وحاجتها بيتسحل عليها

**shiko85** · 15-04-2014 01:33 PM

المشاركة الأصلية كتبت بواسطة mikho83

السلام عليكم،
طبعا زي ما انتو شايفين عنوان الموضوع، انا من فترة وعايز اشتري حاجة في حدود من 25 ل30 الف ارجو النصيحة والمشورة، مع العلم اني مشواري اليومي 100 كيلو رايح جاي، ومش عايز حاجة تاكل بنزين، يعني حاجة تكون حنينة.

وعليكم السلام ورحمة الله وبركاته
انا مش هقدر افيدك فالبونتو بس بـ 30 الف ممكن تركب التو او ماروتى (موديل حديث) - لادا - صينى (تكييف + كماليات كتير )

**mikho83** · 15-04-2014 02:43 PM

المشاركة الأصلية كتبت بواسطة shiko85

وعليكم السلام ورحمة الله وبركاته
انا مش هقدر افيدك فالبونتو بس بـ 30 الف ممكن تركب التو او ماروتى (موديل حديث) - لادا - صينى (تكييف + كماليات كتير )

بصراحة انا مستبعد الماروتي والألتو خالص لأسباب نفسية :) بس الصيني كويس وليه قطع غيار؟

**kokowasfy** · 15-04-2014 02:46 PM

طيب ماتركب ماروتى صيانة سهلة قطع غيار رخيصة اى حد بيفهم فيها بسهولة حجمة صغير بتشم البنزين شم

**shiko85** · 15-04-2014 03:05 PM

المشاركة الأصلية كتبت بواسطة mikho83

بس الصيني كويس وليه قطع غيار؟

على حسب النوع
انا كان عندى جيلى فروته من 2006 ل 2012 و كانت ممتازه تكييف زجاج كهرباء مرايا كهرباء سنتر موفره جدا فالبنزين و عاليه
قطع الغيار الصينى عموما موجوده فالتوفقيه - القصر العينى - شارع فيصل و اماكن تانيه بس دول الاماكن القريبه منى

**ozy2026** · 15-04-2014 03:10 PM

البونتو عربيه محترمه جدا
والفيات عموما بتنزل تكنولوجيا بتكون سابقه عربيات كتييير
بس كل مشكلتها هنا فى مصر ان الصنايعيه العكاكين مش بيفهموها وبيألفوا
والفيات عموما اول ما تتهان تترمى فى الزباله
لكن طول مانت محافظ عليها وبتحترمها هتديك احلى شغل
من الاخر لو عاوز تحس انك راكب عربيه محترمه بجد يبقى اتكل على الله وشوفلك بونتوهايه محترمه كده وخلص فيها
لكن لو عاوز حاجه تقضى بيها مشاويرك وخلاص يبقى هاتلك التو ولا ماروتى زى ما الاستاذ قالك

**ابو لؤى** · 15-04-2014 03:15 PM

ممكن سيننا ممكن تمبرا ممكن شاهين لو المبلغ 30 هتلاقى كتير جدااا فى رنج السعر ده ممكن فليشيا ومع احترامى للردود السابقه الماروتى دى مابعتبرهاش عربيه وحرام تدفع فيها مبلغ زى ده

**mikho83** · 15-04-2014 04:02 PM

المشاركة الأصلية كتبت بواسطة ابو لؤى

ممكن سيننا ممكن تمبرا ممكن شاهين لو المبلغ 30 هتلاقى كتير جدااا فى رنج السعر ده ممكن فليشيا ومع احترامى للردود السابقه الماروتى دى مابعتبرهاش عربيه وحرام تدفع فيها مبلغ زى ده

يعني حضرتك بتستبعد البونتو؟

**mikho83** · 15-04-2014 04:03 PM

المشاركة الأصلية كتبت بواسطة ozy2026

البونتو عربيه محترمه جدا
والفيات عموما بتنزل تكنولوجيا بتكون سابقه عربيات كتييير
بس كل مشكلتها هنا فى مصر ان الصنايعيه العكاكين مش بيفهموها وبيألفوا
والفيات عموما اول ما تتهان تترمى فى الزباله
لكن طول مانت محافظ عليها وبتحترمها هتديك احلى شغل
من الاخر لو عاوز تحس انك راكب عربيه محترمه بجد يبقى اتكل على الله وشوفلك بونتوهايه محترمه كده وخلص فيها
لكن لو عاوز حاجه تقضى بيها مشاويرك وخلاص يبقى هاتلك التو ولا ماروتى زى ما الاستاذ قالك

يعني جضرتك بترشحها بس أهتم بيها كويس تمام؟ طيب هي ولا اكسيل 97؟

الموضوع: أول عربية ليا وخايف ومحتار

LinkBack

أدوات الموضوع

عرض

أول عربية ليا وخايف ومحتار - انشر الموضوع فى :

-

-

-

-

-

-

المواضيع المتشابهه

عايز عربية ومحتار حد يفيدنى

عايز عربية ومحتار جدااااااااااااااااا

عايز اشتري عربية ومحتار ؟

عايز اشتري عربية ومحتار جدا

عايز اشترى عربية ومحتار ؟؟؟؟؟؟!

الكلمات الدلالية لهذا الموضوع

المفضلات

المفضلات

ضوابط المشاركة