ربنا يباركلك فيها انا بدور علي وحده اختها وياريت اعرف اسعارها في السوق كام
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
الحمد لله وبعد عناء عن البحث عن سياره كرولا 2008- 2009 تكون حاله كويسه ومش راشه الحمد لله ربنا رزقنى بواحده 2008 ماشيه 100 الف بالظبط ومالكها من الزيرو واخر صيانه (100 الف) معموله من اقل من شهر بالظبط
على كلام مالكها العربيه مغيرتش حاجه غير طنابير وتعديل الفتيس والباقى زى ما هوه .
الحاله العامه
-العربيه معملتش خبطات او حوادث كبيره الحمد لله بس عايزه رش نضافه لان خرابيشها كتير والاكصدامات فيها الكحتات اللى بتبقى موجوده عند المعظم من بوس كل عربيه لاختها ف الركن . بس علشان لونها اسود فالخرابيسش والكحتات باينه اوى .
-الصالون برده علشان لونه فاتح وللاسف الراجل مكشهوش فشكله كده عايز غسله كيماوى علشان يرجع جديد تانى
-التابلوه بحاله الزيرو تقريبا والطاره وعصايه الفتيس جلدهم زى ما هوه مش مقشر ولا حاجه
-الموتور حالته ممتازه وصوته جميل
-العفشه ناعمه ومتماسكه ومفيش منها اصوات الا لو نقره سخيفه كعاده مفاجات شوارعنا الجميله
-التكييف كويس اوى وتوزيع الهوا من مخارجه مظبوط وقوى جدا . بس مش عارف انبارح ف الحر الشديد (التابلوه كان قارى 36 ) التكييف اداءة قل شويه مكنتش سقعان بالمعنى الحرفى بس الجو جوه ظل لطيف جدا ومفيش احساس بالصهد او الكتمه مش عارف دة الطبيعى بتاعه ولا يمكن يكون محتاج شحن فريون . علة كل تقييمى للتكييف مرضى جدااا
-العربيه كبيره لكن سواقتها سهله مش مقلقه رغم انى كنت خايف جدا لانى نازل من جين2 اصغر واسهل ف زوايا الرؤيه لكن بفضل الباور الجميل السلس الناعم جدا والتقيل ف نفس الوقت على السرعات حسيت كانى بسوقها من زمان .
-الفرامل اكتر من ممتازه ومبسوط منها جدا لانها مش بعيده عن فرامل الجبن2 ف فكره العمل لكن التطبيق نفسه احسن والاستجابه اسرع.
التابلوه شيك جدا والازرار منظمه وواضحه ونور العدادات تحفه وتقدؤ تتحكم ف الاضاءه بتاعته .
العربيه ف المجمل انا مبسوط منها اوى نيجى باه للفتيس .....!
من خبرتى البسيطه اوى اوى يومين مثلا اقدر اقول بكل ثقه الفتيس دة تسوق بالمانوال مود على الطرق الفاضيه الواسعه ( السفر او المدن الجديده) حتحس بمتعه رهيبه مع راحتك من دوسه الدبرياج وانت بتنقل كمان سواء من الشيفتات او من العصايه نفسها لحظه النقل لو شيلت رجلك من على الاكسراتير مستحيل تحس بالنقله او تسمعها حتى ..
وانت جوه البلد او الزحمه انت ممكن تسوق على ال E هوه مش ممتع وساعات بيغير نسب النقل على مزاجه بس ف الزحمه هوه دة احسن حل ومتنساش تمور كل ما تقف ف اشاره ..
-الفتيس ف المجمل مش وحش ومش حلو هوه فتيس مانوال عادى جدا عامل فيهل اوتو ( بيستعبط يعنى ) :)
-العربيه تقفيلها ممتاز وعزلها كمان ممتاز
-مريحه جدا
نيجى باه للاستفسارات واتمنى انكوا تساعدونى لان خبرتى في العربيه صفر .
1- لما بشغل التكييف لازم ادوس على auto الاول علشان لمبه ال ac تنور وبعدين ااقل سرعه المروحه علشان الاوتو يفصل . مفيس طريقه تخلينى اشغل من زرار الac دايركت ويبقي اخر ظبطه انا عاملها للحرارة وسرعه المروحه معموله ؟
2-هل اقدر اركب سينسور بارك ولا لاء ؟ بره ولا ف التوكيل؟ انا مش محتاج غير صوت مش مهم خالص الشاشه . ولو اقدر اقصد بيها ان هل فى خطوره على ضفيره الكهرباء ؟؟؟ لان العربيه متلعبش ف كهربتها خالص قبل كدة ويمكن دة سبب بهدله الاكصدامين لان الركنه صعبه شويه لارتفاع الشنطه وطول الكبوت .
3- لما ببطل العربيه بسمع صوت طق طق مش مقلق بس غريب جاى من تحت العصايه بتاعه الفتيس . الصوت دة نورمال ولا !!! ببتهيالى من الفتيس نفسه (العربيه ستارت ستوب انجن) .
4-دى تقريبا المشكله الوحيده اللى قابلتنى وفعلا محتاج تفسير من الخبراء
لما بشغل التكييف وانا على ال e او حتى على الm وماشى سلنسيه خالص ( تقريبا مش ماشى تاتا زحمه جدا ) مع الفرامل العربيه كانها حتتطفي والار بي ام ينزل تحت اوي ويطلع تانى !!! ايه دة باه !!! لكن مبتطفيش .
5-الفرش الفبريكه بيج وقماش طبعا وعايز يتغسل لانه مبقع . ليه حل ولا كسوه...! ( مش عايز احط كسوه علشان الفرش فيه ايرباجات .
6- المرايا اللى ناحيتى الكفر البلاستيك مكسور *( على كلامه موتوسيكل ابن حلال لطشهوله) المرايا بكام علما بان المرايا نفسها سليمه والكهربا شغال وزى الفل . (بفكر اسيبها عشان العين بس اعرف السعر تحسبا )
7-في كلبسين من كلبسات اللى ماسكه الوش البلاستك اللى مغطى الردياتير ف الاول دة مش موجودين اجيبهم منين ؟
8-حساسات النور والمطر مش عارف اشغلهم ( الكتالوج كبير ومش فاهم الظبطه بتاعتهم)
9- لو في نصايح محدش يبخل انا عارف انى طولت :) وشاكرين مقدماااااااا .
اللى العربيه محتاجاه علشان ترجع جديده زى الاول
1- رشه نضافه معدا السقف علشان لمعتها ترجع تانى من غير معجون حتى لو في نقر خفيفه .
2-الفرش يتنضف من بقع البيبسي او الشاى اللى فيه او كسوه جلد .
[sor2]http://img534.imageshack.us/img534/7595/resize63.jpg[/sor2]
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
ربنا يباركلك فيها انا بدور علي وحده اختها وياريت اعرف اسعارها في السوق كام
سامح البقري
المحامي
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
بارك الله لك فيها وكفاك شرها وأعطاك خيرها
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
الف الف مبروك
العربية دي فعلا كانت سابقة جيلها في كل حاجة.
انا اقدر افيدك في حاجتين
السنسور بيركب في التوكيل علي ايامي كان ب ٥٥٠ جنيه باين و بيديك ضمان شاشة بتتلزق بيكتبلك المسافة يمين و شمال و معاها بار الوان و صوت صفارة متقطع و بيرشلك السنسور نفس لون الاكصدام.
بالنسبة انك بتحس ان العربية من التكيف هتبطل ده ممكن يكون البوابة عاوزة تتنضف او في تحميل كهربا و بالتوفيق.
psycholain سابقا
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
رقم العضوية : 149367
تاريخ التسجيل : 29Sep2013
المشاركات : 461
النوع : ذكر
الاقامة : مصر
السيارة: كورولا
السيارة[2]: كورولا
الحالة :
يا باشا الف مبروك وربنا يديك خيرها ويكفيك شرها
1- لما بشغل التكييف لازم ادوس على auto الاول علشان لمبه ال ac تنور وبعدين ااقل سرعه المروحه علشان الاوتو يفصل . مفيس طريقه تخلينى اشغل من زرار الac دايركت ويبقي اخر ظبطه انا عاملها للحرارة وسرعه المروحه معموله ؟
ممكن تشغل من زرار سرعة المروحة
2-هل اقدر اركب سينسور بارك ولا لاء ؟ بره ولا ف التوكيل؟ انا مش محتاج غير صوت مش مهم خالص الشاشه . ولو اقدر اقصد بيها ان هل فى خطوره على ضفيره الكهرباء ؟؟؟ لان العربيه متلعبش ف كهربتها خالص قبل كدة ويمكن دة سبب بهدله الاكصدامين لان الركنه صعبه شويه لارتفاع الشنطه وطول الكبوت .
ده زي ما محمد هاني قال
3- لما ببطل العربيه بسمع صوت طق طق مش مقلق بس غريب جاى من تحت العصايه بتاعه الفتيس . الصوت دة نورمال ولا !!! ببتهيالى من الفتيس نفسه (العربيه ستارت ستوب انجن) .
ده صوت تعشيق الفتيس وممكن تجرب لو دست فرامل وسبت من غير نقل بتسمع نفس الصوت
4-دى تقريبا المشكله الوحيده اللى قابلتنى وفعلا محتاج تفسير من الخبراء
لما بشغل التكييف وانا على ال e او حتى على الm وماشى سلنسيه خالص ( تقريبا مش ماشى تاتا زحمه جدا ) مع الفرامل العربيه كانها حتتطفي والار بي ام ينزل تحت اوي ويطلع تانى !!! ايه دة باه !!! لكن مبتطفيش .
دي بوابة او بنزين جرب بنزين ٩٥ مره كدة
5-الفرش الفبريكه بيج وقماش طبعا وعايز يتغسل لانه مبقع . ليه حل ولا كسوه...! ( مش عايز احط كسوه علشان الفرش فيه ايرباجات .
كيماوي وش
6- المرايا اللى ناحيتى الكفر البلاستيك مكسور *( على كلامه موتوسيكل ابن حلال لطشهوله) المرايا بكام علما بان المرايا نفسها سليمه والكهربا شغال وزى الفل . (بفكر اسيبها عشان العين بس اعرف السعر تحسبا )
سيبها دلوقتي
7-في كلبسين من كلبسات اللى ماسكه الوش البلاستك اللى مغطى الردياتير ف الاول دة مش موجودين اجيبهم منين ؟
التوكيل.... الواحده من ٥-٧ جنيه
8-حساسات النور والمطر مش عارف اشغلهم ( الكتالوج كبير ومش فاهم الظبطه بتاعتهم)
دراع النور اخر وضع لية بعد النور العالي ، وسينسور المطر اول تكة لية
9- لو في نصايح محدش يبخل انا عارف انى طولت :) وشاكرين مقدماااااااا .
خلي بالك من الجري العربية بتجيب ١٨٠ من غير اي معناه
الحمد لله
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
ميدو باشا انت منورنا في تويوتا.
انا شايف انك كنت برنس في قسم بروتون ، اتمني تفيدنا بخبرات حضرتك في قسمك التاني تويوتا.
في انتظار المواضيع الشيقة المفيدة خصوصا في موديل الجنوب افريقي مع خبيرنا الاستاذ يوسف لافادة زملائنا.
تحياتي لشخصك الكريم و اتمني تشرفنا في مقابلة تويوتا القادمة.
psycholain سابقا
رقم العضوية : 61776
تاريخ التسجيل : 12Feb2010
المشاركات : 31
النوع : ذكر
الاقامة : على الارض
السيارة: لانسر 2006
السيارة[2]: ياريس 2007
دراجة بخارية: لا يوجد
الحالة :
الف مبروك ربنا يديك خيرها ويبعد عنك شرها
انا لسه شارى العربيه دى من ١٥ يوم كورولا ٢٠٠٨ ادفنسد بس مانيوال
بصراحه عربيه اكثر من راءعه فيها كماليات ممتازه
ان شاء الله استفيد من خبراتك انت وباقى الاعضاء
تقبل تحياتى
اخوك شافعى
المفضلات