الموضوع: لو عامل الدليفرى خبطك تعمل ايه

هاخد الاكل

على حسب طريقته
فى ناس بتعتذر و تتأسف
و فى ناس بتستعبط و تستهبل و تبلطج و تحسسك لو أتكلمت كلمة زياده هيضربك
و فى عالم مبرشمة (نقل و ميكروباص)

فى الحالة الأولى لو فعلاً غير مقصود و بيعتذر, الموضوع خلص, يا ما عربيات بتتخبط و هيا مركونه و صاحبها ميعرفش مين إللى خبطها, فداك و لا يهمك

لو متبلطج و بينعر بصوت عالى, تسحب إيد الكوريك و تنزله, و ساعتها هتتعامل بمبدأ (العين بالعين و السن بالسن)
يعنى مش هتدفع ثمن التلفيات هكسرلك عربيتك و لا موتوسيكلك و لا أضربك عادى يعنى

لو مبرشم, متحاولش تتكلم إصلاً, عوضك على الله
حيوان و خبطها, مفيش لوم عالحيوان
و ربنا يجيبلك حقك و يعوض عليك

و فى كل الأحوال: أدام الناس بخير طظ فى الصاج
ربنا يسلم طريقنا جميعاً و يحفظنا من شر ما خلق

المشاركة الأصلية كتبت بواسطة zing0

على حسب طريقته
فى ناس بتعتذر و تتأسف
و فى ناس بتستعبط و تستهبل و تبلطج و تحسسك لو أتكلمت كلمة زياده هيضربك
و فى عالم مبرشمة (نقل و ميكروباص)

فى الحالة الأولى لو فعلاً غير مقصود و بيعتذر, الموضوع خلص, يا ما عربيات بتتخبط و هيا مركونه و صاحبها ميعرفش مين إللى خبطها, فداك و لا يهمك

لو متبلطج و بينعر بصوت عالى, تسحب إيد الكوريك و تنزله, و ساعتها هتتعامل بمبدأ (العين بالعين و السن بالسن)
يعنى مش هتدفع ثمن التلفيات هكسرلك عربيتك و لا موتوسيكلك و لا أضربك عادى يعنى

لو مبرشم, متحاولش تتكلم إصلاً, عوضك على الله
حيوان و خبطها, مفيش لوم عالحيوان
و ربنا يجيبلك حقك و يعوض عليك

و فى كل الأحوال: أدام الناس بخير طظ فى الصاج
ربنا يسلم طريقنا جميعاً و يحفظنا من شر ما خلق

هو اعترف انه هو اللى خبطها و قال انها غير مقصودة وانا كنت جوه مشفتش اتخبطت ازاى بالظبت لكن هل ده كفاية ما ممكن سواق ميكروباص يخبطك ويقول انه ميقصدش ومش المفروض كنتاكى يعوضنى ويخصمها من مرتبه

كويس انه كان واقف ساعتها وقاللك اومال الي يطلع يخبط ويجري تعمل معاه ايه

واقفين في لجنة على اول محور صفط من الدقي فجأة لقيت بتاع دليفري وهو بيتفاداني وانا واقفة راح طرف الصندوق بتاعه رشق في حرف الشنطة طير البوية منها جيت انزلله لقيته طار واستخبى مني .. منهم لله بقى

هعمل ايه يعني
مش هتسفاد منه شئ
ربنا يعوض خير

لو كنت عايز تكبر الموضوع كان ممكن تعمله مشكلة مع مدير الفرع أو تقدم شكوى عن طريق التليفون أو أى أيميل Feedback ل KFC باللى حصل ووقت الحادثة ورقم الموتوسيكل, ومش بعيد فعلا كنت تقدر تخصم ثمن تصليح العربية من مرتبه, خصوصا أن الشركات المالتى ناشيونال والبنوك من المؤسسات اللى بتهتم وبتتابع الشكاوى.
ده مرة كنت طالب منهم حاجات ب 110 تقريبا, الديلفيرى نسى كان بيبسى ورجع الفرع جابها وجه (فى شنطة كنتاكى مش نزل أشتراها).

المهم أن الناس دى تجوز عليها الصدقة, وطالما أعتذر وأعترف بغلطه مفيش مشكلة, ياما الواحد أتخبط وياما هيتخبط, وكويس أن فى ناس لسه عندها دم بتعترف بغلطها وتعتذر.

مرتين المرايه تطير بسببهم ولسه واحد كسر اكرة الباب الخلفيه من يومين